தொப்பையை குறைக்க இந்த 8 வழிகளை ஃபாலோ பண்ணுங்க.. இருந்த இடம் தெரியாமல் கரைந்து போகும்..!

Belly fat reduce tips : வாழ்க்கை முறை மாற்றங்களே தொப்பை வர முக்கியக் காரணம். உணவு அதில் பெரும் பங்கு வகிக்கிறது. அனாலும் கட்டுப்படுத்தமுடியாத வாயால் கிடைத்த விளைவுதான் தொப்பை. கவலையே வேண்டாம். இதை தினமும் செய்து வந்தால் தொப்பை குறையும் அதியசத்தை காணலாம்.

திரிபலா தூள் : திரிபலா பொடியை தண்ணீரில் கலந்து வெறும் வயிற்றில் குடிக்கலாம். இதோடு கடுங்காய், நெல்லிக்காய் பொடி சேர்த்துக்கொண்டாலும் நல்ல பலன் கிடைக்கும்.

நெல்லிக்காய் சாறு : தினமும் காலை வெறும் வயிற்றில் நெல்லிக்காய் உண்டு வந்தாலோ அல்லது அதை சாறாக்கி குடித்தாலோ தொப்பை விரைவில் குறையும்.

வெந்தயம் : வெந்தயத்தை இரவு ஊற வைத்து அதன் தண்ணீரை வெறும் வயிற்றில் தினமும் குடித்து வர தொப்பை கடகடவென குறைந்துவிடும்.

தண்ணீர் : அதிக தண்ணீர் அருந்துவதும் தொப்பையைக் குறைக்கும்.

சம உணவு : பசி இல்லாமல் சாப்பிடும் உணவு உடல் எடைக்கு வழி வகுக்கும். எனவே பசிக்கும்போது மட்டும் நன்கு சாப்பிடுங்கள். அதுவும் சம அளவில் ஊட்டச்சத்து நிறைந்த உணவுகளை சாப்பிடுவது நல்லது.

எலுமிச்சை சாறு : எலுமிச்சை சாற்றை ஒரு டம்ளர் வெந்நீரில் கலந்து காலை குடித்துவர தேவையற்ற கொழுப்புகள் கரைந்து தொப்பை குறையும்.

கொள்ளு : கொள்ளுவை ரசமாகவோ, முளைக்கட்டி வேக வைத்தோ இரண்டு நாளைக்கு ஒரு முறை ஏதேனும் ஒரு வகையில் உண்டு வருவது தொப்பையைக் குறைக்கும்.

நார்ச்சத்து உணவு : ஜீரண சக்தி அதிகரித்து தேவையற்ற கொழுப்புகளை கரைக்க உதவும் நார்ச்சத்து உணவுகள் உடலுக்கு மிக அவசியமானது. நார்ச்சத்து நிறைந்த உணவை தவறாமல் உட்கொள்வது உடலுக்கு மட்டுமல்ல தொப்பையையும் குறைக்கும்.