தினமும் ஸ்கிப்பிங் மட்டும் செய்தாலே போதும்.. வேகமா உடல் எடையை குறைச்சிடலாம்..!

ஸ்கிப்பிங் செய்வது மிகச்சிறந்த ஆரோபிக்ஸ் மற்றும் கார்டியோ உடற்பயிற்சியாகும். மிக எளிமையான முறையில் உடல் எடையை மேம்படுத்த சிறந்த உடற்பயிற்சியும் இதுவே. இதற்கென பிரத்தியேகமாக மெனக்கெட வேண்டாம். ஸ்கிப்பிங் கயிறு இருந்தால் போதும் எங்கு வேண்டுமென்றாலும் ஸ்கிப்பிங் செய்யலாம். அதேசமயம் நீங்கள் நினைக்கும் காரியமும் நிறைவேறும். அப்படி தினசரி ஸ்கிப்பிங் செய்வதால் கிடைக்கும் நன்மைகள் என்னென்ன பார்க்கலாம்.

இதய ஆரோக்கியத்தை மேம்படுத்தும் : இதய ஆரோக்கியத்திற்கு ஸ்கிப்பிங் சிறந்த கார்டியோ பயிற்சியாகும். இதனால் இதய நோய், பக்கவாதம் போன்ற பாதிப்புகளை எதிர்காலத்தில் தவிர்க்கலாம்.

மனதை ஒருநிலைப்படுத்தும் : ஸ்கிப்பிங் செய்யும்போது குறிப்பிட்ட எண்ணை இலக்காக கொண்டு செய்வோம். அந்த எண்ணை அடைய முழு மனதுடன் அந்த பயிற்சியை செய்வோம். இப்படி மனதும், உடலும் ஒருநிலையில் செய்யும்போது மன அமைதி , உடல் அமைதி கிடைக்கிறது.

தசைகள் வலு பெறும் : ஸ்கிப்பிங் செய்யும்போது உடல் தசைகள் இலகுவாகிறது. இதனால் உடலுக்கு நல்ல இலகுத்தன்மை கிடைக்கிறது. இரத்த ஓட்டம் சீராக இருப்பதால் ஒட்டுமொத்த உடலின் ஆற்றல் சுருசுருப்பு பெறுகிறது.

சுருசுருப்பு கிடைக்கிறது : நீங்கள் எப்போதும் சோர்வாக , சுருசுருப்பே இல்லாமல் உணர்கிறீர்கள் எனில் ஸ்கிப்பிங் அதற்கு உதவும். தினசரி செய்து வாருங்கள். உங்களுக்கே பலன் தெரியும்.

தொப்பை குறையும் : உங்கள் தொப்பை கொழுப்பை குறைக்க வேண்டுமெனில் ஸ்கிப்பிங் நல்ல சாய்ஸ். உங்கள் உடலமைப்பை பழையபடி மீட்டெடுக்க உதவுகிறது.

எலும்புகளை வலுவாக்குகிறது : எலும்பின் அடர்த்தியை அதிகரிக்கவும், வலுவாக்கவும் ஸ்கிப்பிங் நல்ல பயிற்சியாகும். இதனால் எலும்பு முறிவு பிரச்சனைகளை தவிர்க்கலாம்.

ஸ்கிப்பிங் , நுரையீரல் ஆரோக்கியம், ஸ்டாமினாமை வலுவாக்கவும், தசைகளை வலுவாக்கவும் , உடல் எடையை பராமரிக்கவும் நல்ல பயிற்சியாகும். எனவே ஸ்கிப்பிங்கை உங்கள் ஒர்க் அவுட் ரொட்டீனாக மாற்றுங்கள்.