சளியை விரட்ட வீட்டுக்குள் இருக்கும் அரிய மருந்துகள்!

சளி நாள்பட்ட தொல்லையாக இருந்து நம்மை வாட்டும். அது பருவ நிலை, உணவு முறை போன்ற காரணங்களால் ஏற்படும் தொற்று. ஆனால் சளி குறித்து கவலைக் கொள்ளும் அளிவிற்கு பெரிய நோயும் கிடையாது. அதனால் மருத்துவரின் ஆலோசனைப்படி பல மாத்திரைகளை காலை இரவு என விழுங்காமல் வீட்டு சமைலைறையில் இருக்கும் குறிப்புகளை பயன்படுத்தினாலே போதும். சளி பறந்து போகும். எவ்வாறு என்பதைக் காணலாம்.

வெதுவெதுப்பான பானங்கள்: காரசாரமான இஞ்சி டீ , மஞ்சள் கலந்த பால் குடியுங்கள். சளி இருக்கும்போது குளிர்ந்த நீரைத் தவிர்த்து சுடுநீரை அருந்துங்கள். இவ்வாறு செய்வதால் சளி நெஞ்சில் கட்டிக் கொள்ளாமல் இருக்கும். சுவாசத்திற்கு வழிவகைச் செய்யும். அதேபோல் அந்த சுடு நீரில் கொஞ்சம் உப்பு கலந்து காலை , இரவு என இரு வேளையும் வாய் கொப்பளியுங்கள்.

கற்பூரவல்லி :கற்பூர வல்லியை காலை வெறும் வயிற்றில் அப்படியே சாப்பிடலாம். அல்லது அதன் சாற்றை ஒரு மேசைக்கரண்டி அருந்தலாம். இதோடு துளசியையும் சேர்த்து சாப்பிடலாம்.

சுடு நீரில் ஒத்தடம்: கண்களுக்குக் கீழே கன்னம் மற்றும் மூக்கின் இரு புறமும் சுடு நீரால் நனைத்த துணியால் ஒத்தடம் கொடுங்கள். அடிக்கடி இப்படி செய்து வாருங்கள். சளி நீர்த்து மூக்கடைப்பும் இருக்காது. தொடர் தும்மளும் இருக்காது.

வெங்காயச் சாறும் தேனும் ஒரு மேசைக்கரண்டி வெங்காய சாற்றில் ஒரு துளி தேன் கலந்து தினமும் இரவு குடித்து வந்தால் தீராத சளித் தொல்லை ஓடிப்போகும்.

ஆவி பிடிக்கலாம்: நாள்பட்ட சளி தொல்லைக்கு கொதித்த நீரில் தைலம் அல்லது தைல இலை (யூக்கலிப்டஸ் இலை)பயன்படுத்தி போர்வையை மூடி நன்கு மூச்சை இழுத்து விடுவதால் சளி தீரும். மருந்துக் கடைகளில் யூக்கலிப்டஸ் மாத்திரைகள் கிடைக்கின்றன. அவற்றையும் பயன்படுத்தலாம்.