நெஞ்சு எரிச்சலால் அவதிப்படுகிறீர்களா..? உடனே சரி செய்ய உதவும் வீட்டு வைத்தியங்கள்...

Home Remedies for heartburn : இன்றைய உணவுக்கலாச்சார பழக்கத்தால் நெஞ்சு எரிச்சல் என்பது பெரும்பாலானவர்களுடைய தொந்தரவாக மாறிவிட்டது. ஒருவருக்கு அசிடிட்டி பிரச்சனை இருந்தால், இந்த பிரச்சனையால் அடிக்கடி நெஞ்சில் எரியும் உணர்வு ஏற்படும். நெஞ்சில் எரியும் உணர்வும் சிறிது நேரம் கழித்து சரியாகிவிடும்.

ஆனால் இந்த பிரச்சனை அடிக்கடி வருகிறது எனில் அதை புறக்கணிக்காதீர்கள். இந்த பிரச்சனை மிகவும் தீவிரமாகவும் இருக்கலாம். ஆயுர்வேதத்தில் நெஞ்செரிச்சல் குணமாக பல மருந்துகள் உள்ளன. பக்கவிளைவுகள் இல்லாத இந்த வைத்தியத்தை வீட்டிலேயே செய்யலாம். இந்த 4 வீட்டு வைத்தியங்களை முயற்சி செய்து பாருங்கள்.

பால் : stylecraze படி, நீங்கள் நெஞ்செரிச்சல் பிரச்சனையைத் தவிர்க்க விரும்பினால், இரவில் தூங்குவதற்கு முன், சர்க்கரை இல்லாமல் ஒரு கிளாஸ் பால் குடிக்கவும். பால் அசிடிட்டி பிரச்சனையையும் குணப்படுத்துகிறது. இதனுடன், செரிமானமும் சீராக இருக்கும்.

கற்றாழை சாறு : ஆரோக்கியத்திற்கு எண்ணிலடங்கா நன்மைகளைத் தரும் கற்றாழை சாறு எல்லா வகையிலும் நன்மை பயக்கும். அசிடிட்டி காரணமாக நெஞ்செரிச்சல் பிரச்சனை தொடர்ந்தால், அதை குணப்படுத்த, உணவு உண்பதற்கு அரை மணி நேரத்திற்கு முன் கற்றாழை சாற்றை குடிக்கவும். இதனால் நெஞ்செரிச்சல் குணமாகும். குளுர்ச்சியான பொருள் பக்கவிளைவை உண்டாக்குமெனில் தவிர்க்கவும்.

மஞ்சள் கடுகு : மஞ்சள் கடுகு சரியான செரிமானத்தை பராமரிக்க மிகவும் பயனுள்ளதாக கருதப்படுகிறது. இது உணவிலும் பயன்படுத்தப்படுகிறது. மஞ்சள் கடுகு அமிலத்தன்மை மற்றும் நெஞ்செரிச்சல் பிரச்சனையிலிருந்து விடுபட பயனுள்ளதாக இருக்கும். லஸ்ஸியில் ஒரு சிட்டிகை மஞ்சள் கடுகு பொடி செய்து குடிப்பதால் பிரச்சனை வராது.

ஆப்பிள் வினிகர் : ஆரோக்கியத்திற்கும் சருமத்திற்கும் நன்மை பயக்கும் ஆப்பிள் சைடர் வினிகர், அமிலத்தன்மை மற்றும் நெஞ்செரிச்சலை குணப்படுத்துவதில் பயனுள்ளதாக இருக்கிறது. ஒரு ஸ்பூன் தேன் மற்றும் ஒரு ஸ்பூன் ஆப்பிள் வினிகரை அரை கிளாஸ் தண்ணீரில் கலந்து குடித்தால், பலனை நீங்களே உணர்வீர்கள்.