உடல் எடையை குறைக்க உதவும் துளசி டீ : இன்னும் பல நன்மைகளும் கிடைக்கும்..!

கோடிக்கணக்கான தேநீர் பிரியர்களில் நீங்களும் ஒருவரா? அப்படி என்றால் துளசி தேநீரை கண்டிப்பாக பருக வேண்டும். பேசில் என்று அழைக்கப்படும் துளசியில் ஊட்டச்சத்துகள் நிறைந்துள்ளன. இதில் பல்வேறு மருத்துவ குணங்கள் காணப்படுகின்றன என்று பல நூற்றாண்டுகளாக ஆயுர்வேத மருத்துவம் பரிந்துரைத்து வருகின்றது. நம் உடலின் நோய் எதிர்ப்பு சக்தியை அதிகரிக்கவும், பல விதமான தொற்று நோயிலிருந்து பாதுகாக்கவும், துளசி உதவுகிறது.

நீங்கள் துளசி இலைகளை அப்படியே மென்று சாப்பிடலாம், அல்லது தேநீரில் சேர்த்து, சுவையான துளசி தேநீரைப் அருந்தலாம். இது உங்கள் உடலை பலப்படுத்தி, தொற்றிலிருந்து பாதுகாப்பது மட்டுமில்லாமல், எடை குறைப்புக்கும் உதவுகிறது. துளசி எப்படி கூடுதலான எடையை குறைக்க உதவுகிறது என்பதைப் பற்றி பார்க்கலாம்.,

வளர்சிதை மாற்றத்தை அதிகரிக்கிறது : நம் உடலின் மெட்டபாலிக் ரேட் தான் நாம் எவ்வளவு கலோரிக்களை எரிக்கிறது என்று முடிவு செய்கிறது. உடலின் இந்த வளர்சிதை மாற்றம் நன்றாக இருந்தால், வேகமாக செயல்பட்டு, கூடுதலாக கலோரிகள் எரிந்து, உடல் எடை குறையும். துளசி, உடலின் வளர்சிதை மாற்றத்தை அதிகப்படுத்துகிறது. இதனால். நீங்கள் அதிக கலோரிக்களை எரித்து, அதிக எடையைக் குறைக்கலாம்.

எடை குறைப்பு : நீங்கள் எடை குறைக்க வேண்டும் என்றால், அல்லது எடை குறைக்கும் முயற்சியில் ஈடுபட்டிருந்தால், உங்களுக்கு துளசி தேநீர் மிகவும் பயனுள்ளதாக இருக்கும். மேலே கூறியது போல, வளர்சிதை மாற்றத்தை அதிகப்படுத்துவதோடு, துளசி தேநீர் உடலுக்கு தேவையான ஊட்டச்சத்துகளை நீங்கள் உண்ணும் உணவில் இருந்து உறிஞ்சுவதற்கும் உதவி செய்கிறது. தேவையான ஊட்டச்சத்துகளை நீங்கள் பெற்றாலே, உடல் எடை குறைவது எளிதானதாக மாறும்.

படபடப்பைக் குறைக்கிறது : துளசி தேநீர் ஆன்டி-ஆக்சிடன்ட் மற்றும் வைட்டமின் சி நிறைந்துள்ளது. இவை, உங்கள் படபடப்பைக் குறைத்து, உங்கள் மனதை அமைதிபடுத்துகிறது. அது மட்டுமின்றி, உடலையும் குளர்ச்சி அடைய வைக்கிறது.

உங்கள் கல்லீரல் ஆரோக்கியத்தை மேம்படுத்துகிறது : துளசி, கல்லீரலின் ஆரோக்கியத்தை பாதுகாத்து, மேம்படுத்துவதில் முக்கியப் பங்கு வகிக்கிறது. கல்லீரல் அதிகப்படியான என்சைம்களை உற்பத்தி செய்தால், அது கல்லீரல் பாதிப்பில் சென்று முடியும். துளசி தேநீர், கல்லீரலை பாதுகாத்து, என்சைம்கள் அதிக உற்பத்தியை தடுக்கிறது.

செரிமானத்துக்கு உதவுகிறது : புத்துணர்ச்சியூட்டும் துளசி தேநீர், உங்கள் செரிமானத்தை மேம்படுத்துகிறது. அது மட்டுமின்றி, உங்கள் மலச்சிக்கல் மற்றும் சிறுநீர் வெளியேற்றம் ஆகியவற்றையும் சீர்படுத்துகிறது.

காய்ச்சல், இருமல் மற்றும் சளித்தொந்தரவிற்கு : துளசியை அவ்வபோது சாப்பிட வேண்டும் உங்கள் அம்மாவோ பாட்டியோ, தேநீர் அல்லது துளசி நீர் வடிவில் உங்களுக்கு கொடுத்ததை நினைவிருக்கிறதா? சளி, இருமல், காய்ச்சல் போன்ற தொந்தரவுகள் ஏற்படாமல் இருக்க நலிந்து துளசி இலைகளை மென்று சாப்பிடலாம். அதே போலே, துளசி தேநீரை பருகுவது, சளி, மார்புச்சளி, மூக்கடைப்பு, ஆகியவற்றில் இருந்து உடனடி நிவாரணம் அளிக்கிறது.

இதய ஆரோக்கியம் : துளசியில் இருக்கும் ஊட்டச்சத்துகள், உடலின் கெட்ட கொழுப்புகளை நீக்கி, இரத்த அழுத்தத்தைக் குறைக்கிறது. இவை இரண்டுமே இதய ஆரோக்கியத்தை பாதுகாக்கிறது.

துளசி தேநீர் தயாரிப்பது எப்படி:துளசி விதைகள் - 2 டீஸ்பூன்,
தண்ணீர் - தேவையான அளவு ,எலுமிச்சை சாறு - 2 டீஸ்பூன், புதினா இலைகள் - 6.

செய்முறை: ஒரு கோப்பை தண்ணீரில் துளசி விதிகளை 2 மணிநேரம் வரை ஊற வைக்கவும். அதை வடிகட்டி, அந்த நீரை மற்றொரு கோப்பையில் சேர்த்து, நன்றாகக் கலக்கவும். ஒரு டீஸ்பூன் ஊறவைத்த துளசி விதைகளை சேர்த்து, அதனுடன் எலுமிச்சை சாறு மற்றும் புதினா இலைகளை சேர்க்கவும். குளிர்ச்சியான பானமாக பரிமாறவும்.