உங்களுக்கு பயங்கரமா முடி கொட்டுதா..? அப்போ இதுதான் காரணம்..!

மனிதனாய் பிறந்த அனைவருக்கும் இருக்கும் தீரா பிரச்சனைகளில் ஒன்று முடி உதிர்வு. உலகில் கவலை இல்லாத மனிதனை பார்ப்பது எவ்வளவு கஷ்டமோ, அதே போல முடி பிரச்சனை இல்லாத மனிதர்களை பார்ப்பதும் கடினம். எதுக்குதான் எனக்கு மட்டும் இப்படி முடி கொட்டுது என நீங்க வருத்தப்படுபவராக இருந்தால் இந்த பதிவு உங்களுக்கானது. முடி உதிர்வுக்கான சில பொதுவான காரணங்களை நாங்கள் இங்கே கூறுகிறோம்.

ஆரோக்கியமற்ற உணவுகள்: நாம் அடிக்கடி துரித உணவுகளை உட்கொண்டால், அது முடி உதிர்வுக்கு வழிவகுக்கும் என கூறப்படுகிறது.

மன அழுத்தம்: நீங்கள் எல்லா விஷயத்திற்கும் டென்ஷன் ஆகுபவரா?. இனி அதை செய்யாதீர்கள். ஏனென்றால், மருத்துவ ரீதியாக முடி உதிர்வுக்கு முக்கிய காணமாக மன அழுத்தம் பார்க்கப்படுகிறது.

தூக்கமின்மை: ஒரு மனிதனுக்கு இயல்பாக 6 முதல் 7 மணிநேரம் தூக்கம் அவசியம். நமது உடலுக்கு ஓய்வெடுக்க நாம் சரியான நேரத்தை கொடுக்காவிட்டால், அது முடி உதிர்வுக்கு வழக்குக்கும்.

ஹார்மோன் சீர்குலைவு: உடலில் ஈஸ்ட்ரோஜன் மற்றும் ப்ரோஜெஸ்டிரோன் ஆகியவற்றின் அளவு குறைந்தாலும் முடி உதிர்வு ஏற்படும். இதனால் உங்கள் முடியின் அடர்த்தி குறையும்.

அதீத உடல் சூடு: உடல் அதிகமாக உஷ்ணமடைவதால் முடி உதிர்வு பிரச்சனை ஏற்படும். எனவே, வாரத்திற்கு இரண்டுமுறை எண்ணெய் வைத்து குளிப்பதால், உடல் சூடு குறையும்.

தினமும் ஷாம்பூ: ஷாம்பூவில் உள்ள சல்பேட் அமிலங்கள் கூந்தலை வலுவிழக்க செய்யும். தினமும் ஷாம்பூ தேய்த்து தலைக்கு குளிப்பதால் முடி உதிர்க்கு அதிகரிக்கும்.

ஊட்டச்சத்து குறைபாடு: விட்டமின் B12, வைட்டமின் சி, இரும்புச்சத்து குறைபாடுகளாலும் முடி உதிர்வு ஏற்படும். சத்து நிறைந்த உணவுகளை உண்ணவும்.

ஹேர் ட்ரையர்: நம்மில் பலர் ஹேர் ட்ரையரை உபயோகிப்போம். இதை அதிகமாக பயன்படுத்தினால் அதிலிருந்து வரும் வெப்பம் உங்கள் தலைமுடியை சேதப்படுத்துவதுடன் வலுவிழக்க வைக்கும்.

எடை இழப்பு: திடீர் எடை இழப்பும் முடி உதிர்வுக்கு காணமாக இருக்கலாம். எடை இழப்பால் உடலில் உள்ள தாதுக்கள் மற்றும் வைட்டமின் குறைபாடு ஏற்படும். இதனால் முடி உதிர்க்கு ஏற்படும்.