ஆணுறுப்பு மற்றும் விந்தணுக்களின் ஆரோக்கியத்தை பாதுகாக்க இந்த 8 உணவுகளில் ஒன்றை தினசரி சாப்பிடுவது நல்லது…

பாலியல் ஆரோக்கியத்தை மேம்படுத்த ஆணுறுப்பின் ஆரோக்கியத்தை மேம்படுத்த வேண்டும். ஆணுறுப்பை பாதுகாக்க உணவை விட சிறந்த வழி இருக்க முடியாது. எனவே ஆணுப்பு சிறப்பாக செயல்படவும், விந்தணுக்களின் ஆரோக்கியத்தை மேம்படுத்தவும் தேவையான ஊட்டச்சத்துக்களை வழங்கும் இந்த உணவுகளை சாப்பிடுங்கள்.

கீரை வகைகள் : கீரைகளில் ஃபோலேட் நிரைந்துள்ளது. இதனால் இரத்த ஓட்டம் அதிகரிக்கும். இந்த ஃபோலிக் அமிலம் குறையும் போது விறைப்பு செயலிழப்பு உண்டாகிறது. எனவே கீரையில் 185 கிராம் ஃபோலேட் இருப்பதால் இது உங்கள் பாலியல் வாழ்க்கைக்கு உதவும்.

காஃபி : ஆய்வில் ஆண்களின் பாலியல் ஆரோக்கியத்திற்கு காஃபி உதவுவதாக கண்டறியப்பட்டுள்ளது. ஆனால் அந்த ஆய்வு முழுமையான தீர்வை அளிக்கவில்லை.

ஆப்பிள் : ஆப்பிளின் தோல்களில் உர்சோலிக் என்னும் அமிலம் உள்ளது. இது புரோஸ்டேட் புற்றுநோய் செல்களை வளரவிடாமல் தடுக்கும் என்று அறியப்படுகிறது. எனவே ஆப்பிள் புரோஸ்டேட் புற்றுநோயை தவிர்க்க சிறந்த உணவு என ஆய்வாளர்கள் கூறுகின்றனர்.

அவகேடோ : அவகேடோவில் விட்டமின் ஈ நிறைவாக உள்ளது. கருவுறுதல் பிரச்னையை எதிர்கொள்ளும் ஆண்களுக்கு அவகேடோ உதவும். இவை ஆண்களின் விந்தணுக்களின் தரத்தை மேம்படுத்த உதவுகிறது.

சிவப்பு மிளகாய் : ஒரு ஆய்வில் ஆண்கள் காரமான உணவு எடுத்துக்கொள்ளும்போது டெஸ்டோஸ்ட்ரான் அளவு கணிசமான அளவு உயர்வைதைக் கண்டறிந்துள்ளனர். அதாவது மிளகாயில் இருக்கும் கேப்சைசின் என்னும் வேதிப்பொருள் அவர்களை படுக்கையில் சிறப்பாக செயல்பட வைக்கிறது. மூளையில் மகிழ்ச்சி ஹார்மோன்களை சுரக்க வைத்து செக்ஸ் மூடுக்கு அழைத்துச் செல்கிறது.

கேரட் : கேரட் ஆண்களின் விந்தணு ஆரோக்கியத்தை மேம்படுத்த உதவுகிறது. மலட்டுத்தன்மையை எதிர்கொள்ளும் ஆண்களுக்கு கேரட் பக்கபலமாக இருக்கும். ஏனெனில் கேரட்டில் கரோட்டினாய்டு இருப்பதால் அது விந்தணுக்களின் எண்ணிக்கையை அதிகரிக்கிறது. அதன் ஆற்றலையும் அதிகரிக்கிறது.

ஓட்ஸ் : விறைப்பு செயலிழப்பு பிரச்னையால் பாதிக்கப்படும் ஆண்களுக்கு ஓட்ஸ் நன்மை அளிக்கிறது. அதாவது ஓட்ஸ் பாலுணர்வு கொண்டதாக கருதப்படுகிறது. எனவே இது ஆணுறுப்பில் இரத்த ஓட்டத்தை மேம்படுத்தவும் , விறைப்பு செயலிழப்பை சரி செய்யவும் உதவுகிறது. இது ஆய்வுகளிலும் நிரூபிக்கப்பட்டுள்ளது.

தக்காளி : ஆண்களின் பாலியல் ஆரோக்கியத்தில் தக்காளி முக்கிய பங்கு வகிக்கிறது. ஆரோக்கியமான விந்து உற்பத்தி தொடங்கி , பாலியல் செயல்பாடுகளையும் மேம்படுத்துகிறது. தக்காளியில் விட்டமின் சி இருப்பது ஆண்களின் பாலியல் ஆரோக்கியத்திற்கு கூடுதல் பலமாக இருக்கிறது.