உங்கள் கல்லீரலை ஆரோக்கியமாக வைத்துக்கொள்ள பின்பற்ற வேண்டிய விஷயங்கள்...

தற்போது ‘கொழுப்பு கல்லீரல் நோய்’ அதிகரித்து வருகிறது. கல்லீரலில் உள்ள கூடுதல் கொழுப்பு காரணமாக கொழுப்பு கல்லீரல் நோய் ஏற்படுகிறது. மது அருந்துபவர்களுக்கு இது இயல்பாக இந்த நோய் தாக்கும் என்றாலும் வாழ்க்கையின் சில மாற்றங்களால் மது குடிக்காதவர்களுக்கும் ஏற்படுகிறது.

இந்தியாவில் உள்ள மக்களில் சுமார் 9% முதல் 32% வரை பேர் ஆல்கஹால் அல்லாத கொழுப்பு கல்லீரல் நோயால் பாதிக்கப்பட்டுள்ளார்கள். அதிக உடல் எடை மற்றும் நீரிழிவு உள்ளவர்கள் இதில் பாதிக்கப்படுகின்றனர். ஆல்கஹால் அல்லாத கொழுப்பு கல்லீரல் நோய் இரண்டு வகைகளாக பிரிக்கலாம். முதலாவது எளிய கொழுப்பு கல்லீரல் நோய். அதாவது கல்லீரலில் கொழுப்பு உள்ளது. ஆனால் கல்லீரல் செல்களுக்கு வீக்கமோ அல்லது சேதமோ இல்லை. இரண்டாவது, ஆல்கஹால் அல்லாத ஸ்டீடோஹெபடைடிஸ்.

இதில் கல்லீரல் செல்களில் வீக்கம் அல்லது சேதம் ஏற்படலாம். இது ஃபைப்ரோஸிஸ், சிரோசிஸ் மற்றும் கல்லீரல் புற்றுநோய் போன்ற கடுமையான பிரச்சினைகளை ஏற்படுத்தும். உடலில் அதிக கொழுப்பு, உடல் பருமன், உயர் இரத்த சர்க்கரை அளவு, அதிக அளவு ட்ரைகிளிசரைடுகள், வளர்சிதை மாற்ற நோய்க்குறி, பாலிசிஸ்டிக் ஓவரி சிண்ட்ரோம் மற்றும் மூச்சுத்திணறல் போன்ற காரணங்களால் இவை ஏற்படலாம்.

“ஒவ்வொரு மாதமும் சுமார் 30 நோயாளிகளுக்கு கல்லீரல் பிரச்சினைகள் உள்ளவர்களை பார்க்கிறேன். நம் வாழ்க்கை முறையை மேம்படுத்துவதன் மூலம் கல்லீரல் பிரச்சினைகளை குணப்படுத்த முடியும் " என்கிறார் ஆயுர்வேத நிபுணர் டாக்டர் டிக்ஸா பாவ்சார். கல்லீரல் செயல்பாட்டை மேம்படுத்துவதற்கான குறிப்புகளை தருகிறார் டாக்டர் பாவ்சார்.

அசைவம், பால் உணவுகள் : அசைவம்,பால் போன்ற உணவுகள் ஜீரணிக்க கனமாக இருப்பதால் அவற்றை தவிர்ப்பது நல்லது ஆகும். புளிக்கவைத்த உணவு, பதப்படுத்தப்பட்ட மைதா, பேக்கேஜ் செய்யப்பட்ட உணவுகளை உட்கொள்ளக்கூடாது. அதற்கு பதிலாக தினை,காய்கறிகள், அரிசி மற்றும் அரிசி மற்றும் தினை சார்ந்த உணவுகளை சாப்பிடலாம்.

மூலிகை டீ : ஆல்கஹால், டீ போன்ற உணவுகளை எடுத்துக்கொள்ளும் போது, குடலில் அதிக வீக்கத்தை ஏற்படுத்துகின்றன. இவற்றிக்கு பதிலாக எலுமிச்சை, சிசிஎஃப் எனப்படும் கொத்தமல்லி, சீரகம், பெருஞ்சீரகம், செம்பருத்தி, டேன்டேலியன், கொத்தமல்லி, புதினா, இஞ்சி போன்ற மூலிகை டீக்களை எடுத்துக்கொள்ளலாம்.

நீர் : வளர்சிதை மாற்றத்தை மேம்படுத்துவதில் நீர் மிக முக்கிய பங்கு வகிக்கிறது. போதுமான தண்ணீர் இல்லாமல், எந்தவித ஊட்டச்சத்தையும் எடுத்து கொள்ள முடியாது.எனவே அடிக்கடி தண்ணீரை குடிக்க வேண்டும். நீர் மட்டுமின்றி, இளநீர், ஜூஸ் ஆகியவற்றையும் அருந்தலாம்.

சரியான நேரத்தில் சாப்பிடுங்கள் : சரியான நேரத்தில் உணவு சாப்பிடாமல் இருப்பதும், அடிக்கடி சாப்பிட்டு கொண்டே இருப்பதும் இந்த நோய்க்கு முக்கிய காரணங்கள் ஆகும். நீங்கள் எவ்வளவு பிசியாக இருந்தாலும், காலை நேர உணவை கண்டிப்பாக எடுத்துக்கொள்ள வேண்டும். இரவு நேரத்தில் தாமதமாக சாப்பிடுவதையும் தவிர்க்க வேண்டும்.

தூக்கம் அவசியம் : சரியாக தூங்குவது உடல் நலத்தை பாதுகாக்கும். குறைந்தது 8 மணி நேரமாவது தூங்க வேண்டும். இது வளர்சிதை மாற்றத்தை மேம்படுத்தும்.ஹார்மோன் சமநிலையை அடைய உதவுகிறது.மன அழுத்தத்தைக் குறைத்து, கல்லீரல் ஆரோக்கியத்திற்கு முக்கியமான கிரெலின்-லெப்டின் சுரப்பினை சுரக்க வழி செய்கிறது.