யாரும் அறிந்திராத உணவுக்குழாய் புற்றுநோய் அறிகுறிகள்.. எச்சரிக்கையாக இருப்பது அவசியம்..!

உலகளவில் புற்றுநோய்க்கான 8-வது பொதுவான காரணமாக உணவுக்குழாய் புற்றுநோய் (Esophageal cancer) இருக்கிறது. மேலும் புற்றுநோய் தொடர்பான இறப்புகளுக்கு உலகளவில் 6-வது முக்கிய காரணமாகவும் இந்த வகை கேன்சர் இருக்கிறது.

நம் தொண்டையை வயிற்றோடு இணைக்கும் குழாய் தான் உணவுக்குழாய். இந்த குழாயில் ஏற்படும் கேன்சர் உணவுக்குழாய் புற்றுநோய் ஆகும். செரிமானத்திற்காக உணவை தொண்டையிலிருந்து வயிற்றுக்கு நகர்த்த உணவுக்குழாய் உதவுகிறது. உணவுக்குழாய் புற்றுநோயால் பெண்களை விட ஆண்கள் அதிகம் பாதிக்கப்படுகின்றனர்.

புகையிலை பயன்பாடு, மது பழக்கம், உடல் பருமன், ஆரோக்கியமற்ற டயட், GERD நோய் மற்றும் ஆசிட் ரிஃப்ளக்ஸ் உள்ளிட்ட பல காரணங்களால் உணவுக்குழாய் புற்றுநோய் ஏற்படுகிறது. உணவுக்குழாயின் எந்த பகுதியிலும் கேன்சர் உருவாகலாம் மற்றும் பல அறிகுறிகளை கொண்டிருக்கலாம். இங்கே உணவுக்குழாய் புற்றுநோயின் சில பொதுவான அறிகுறிகளை பார்க்கலாம். பிரபல Oncosurgeon கன்சல்ட்டன்டான டாக்டர் திரத்ரம் கௌசிக் ஷேர் செய்துள்ள பொதுவான அறிகுறிகள் பின்வருமாறு.

உணவை சரியாக முழுங்க இயலாமை: இந்த கேன்சர் பாதிப்பால் உணவுக்குழாயின் லுமேன் சுருங்குவதால் உணவுகளை சரியாக முழுங்க முடியாமல் போகும் பிரச்சனை ஏற்படும். துவக்கத்தில் திட உணவுளை முழுங்குவதில் மட்டுமே சிரமம் ஏற்படும் என்றாலும் நோய் தீவிரமடையும் போது தண்ணீர் உள்ளிட்ட திரவங்களை முழுங்குவதிலும் கூட சிரமம் ஏற்பட கூடும்.

உணவை முழுங்கும் போது வலி: எதையாவது சாப்பிட முயற்சிக்கும் போது அல்லது உணவை முழுங்கும் போது வலி ஏற்பட்டால் அது உணவுக்குழாய் புற்றுநோயின் அறிகுறியாக இருக்கலாம். எனவே Ulcerated புண்கள் இருக்கும் போது உணவுகளை முழுங்குவது வலி மற்றும் வேதனையாக இருக்கும். இது Odynophagia எனவும் குறிப்பிடப்படுகிறது.

நெஞ்சில் வலி: உணவுக்குழாய் புற்றுநோயின் பொதுவான அறிகுறிகளில் ஒன்றாக இருக்கிறது மார்பு வலி. இந்த கேன்சரால் ஏற்படும் வலியானது மார்பில் அல்லது முதுகில் இருக்கலாம். இந்த வலியை சமாளிப்பது மிகவும் கடினமாக இருக்க கூடும்.

இருமல் : உணவுக்குழாய் புற்றுநோய் தொடர் இருமல் ஏற்பட வழிவகுக்கிறது. தொடர் இருமலால் ஒருவர் பாதிக்கப்பட்டால் தாமதிக்காமல் மருத்துவரை அணுகுவது நல்லது.

நிராகரிக்க கூடாத அறிகுறிகள்: வாந்தி, எலும்பு வலி மற்றும் எடை இழப்பு உள்ளிட்டவை உணவுக்குழாய் புற்றுநோயின் நிராகரிக்கப்படக் கூடாத சில அறிகுறிகளாக உள்ளன.

அதீத சோர்வு: உணவுக்குழாய் புற்றுநோயால் பாதிக்கப்பட்டுள்ள ஒருவர் எப்போதும் அதீத களைப்பாக மற்றும் சோர்வாக இருப்பதை போல உணர்வார். மேலும் எளிதாக செய்யக்கூடிய தன்னுடைய அன்றாட நடவடிக்கைகளை கூட செய்வது கஷ்டமாக இருக்கும்.

நெஞ்செரிச்சல் : ஹார்ட் பர்ன் எனப்படும் நெஞ்செரிச்சல் அறிகுறியானது உணவுக்குழாய் புற்றுநோயால் பாதிக்கப்பட்ட நோயாளிகளிடம் பொதுவாக காணப்படுகிறது.

இருமும் போது ரத்தம் : இருமும் போது ரத்தம் வருவது உணவுக்குழாய் புற்றுநோய் இருப்பதற்கான அறிகுறியாகவும் இருக்கலாம்.