உடல் எடையை குறைக்க தடையாக நிற்கும் சுகர் மற்றும் தைராய்டு.. இனி இப்படி ட்ரை பண்ணுங்க!

உடல் எடையை குறைத்து கட்டுக்கோப்பாக இருக்க வேண்டும் என்பது எல்லோருக்கும் இருக்கக் கூடிய ஆசைதான். ஆனால், நம் உடல் எதிர்கொள்ளும் சில பிரச்சினைகள் நம் முயற்சிகளுக்கு தடையாக அமையக் கூடும். உதாரணத்திற்கு சர்க்கரை நோய் மற்றும் ஹைபோதைராய்டிஸம் போன்ற நோய்கள் வரக் கூடிய விளிம்புநிலை அபாயத்தில் இருப்பவர்களுக்கு உடல் எடை குறைப்பு முயற்சி பலன் அளிக்காமல் போகலாம்.

அதாவது, தைராய்டு ஹார்மோன் சுரப்பு குறையும்போது மெடபாலிச நடவடிக்கைகள் தாமதம் அடைகின்றன. இந்த இரண்டு பிரச்சினைகளுக்கும் தீர்வு கண்டால் மட்டுமே உடல் எடை குறைப்பு முயற்சியை வெற்றிகரமானதாக மாற்ற முடியும். இதற்கு எளிமையான பயிற்சிகள் உதவியாக அமையும்.

சீரான உணவு : நார்ச்சத்து, புரதசத்து நிறைந்த சீரான உணவுகளை சாப்பிடும் பட்சத்தில் நம் உடலில் ரத்த சர்க்கரை அளவுகள் கட்டுக்குள் இருக்கும். நார்ச்சத்து உணவுகளை சாப்பிடும்போது, நம் உடல் சர்க்கரை சத்தை உறிஞ்சுகின்ற வேகம் மட்டுப்படுத்தப்படும். புரதம் நிறைந்த உணவுகளானது ஆரோக்கியமான மெடபாலிச நடவடிக்கைகளுக்கு ஊக்கம் தருவதாக அமையும்.

தினசரி உடற்பயிற்சி : உடல் எடையை குறைப்பதற்கு உடற்பயிற்சிகள் இன்றியமையாதவை என்பது நீங்கள் அறிந்த விஷயம் தான். அதனுடன் சர்க்கரை நோய் அபாயம் மற்றும் ஹைபோதைராய்டிஸம் ஆபத்துகள் ஆகியவையும் கட்டுக்குள் கொண்டு வரப்படுகின்றன. நம் உடலில் இன்சுலின் உற்பத்தியை இது அதிகரிக்கிறது. வாரம் ஒன்றுக்கு 150 நிமிடங்களுக்கு குறையாமல் உடற்பயிற்சி செய்ய வேண்டும்.

போதுமான தூக்கம் : நம் உடலில் ஹார்மோன் செயல்பாடுகளை மேம்படுத்தவும், உடல் எடையை குறைக்கவும் முறையான தூக்கம் அவசியமாகும். மோசமான தூக்கம் உடல் எடையை அதிகரிக்கச் செய்யும். நாளொன்றுக்கு 7 முதல் 9 மணி நேர தூக்கம் போதுமானதாகக் கருதப்படுகிறது. நல்ல தூக்கம் ஸ்ட்ரெஸ் அளவுகளை குறைக்கும்.

போதுமான தூக்கம் : நம் உடலில் ஹார்மோன் செயல்பாடுகளை மேம்படுத்தவும், உடல் எடையை குறைக்கவும் முறையான தூக்கம் அவசியமாகும். மோசமான தூக்கம் உடல் எடையை அதிகரிக்கச் செய்யும். நாளொன்றுக்கு 7 முதல் 9 மணி நேர தூக்கம் போதுமானதாகக் கருதப்படுகிறது. நல்ல தூக்கம் ஸ்ட்ரெஸ் அளவுகளை குறைக்கும்.

மருத்துவ ஆலோசனை : உங்களுக்கு சர்க்கரை நோய் மற்றும் ஹைபோதைராய்டிஸம் போன்ற பாதிப்புகள் ஏற்படுவதற்கான வாய்ப்புகள் இருந்தால் அதுகுறித்து அவ்வபோது மருத்துவ நிபுணர்களிடம் ஆலோசனை செய்து கொள்ளவும். உடல் எடை குறைப்பு முயற்சிகளுக்கு தடையாக இருக்கக் கூடிய இந்தப் பிரச்சினைகளுக்கு சிகிச்சை மூலமாக தீர்வு காண்பது அவசியமாகும்.

நீடித்த முயற்சி : உடல் எடை குறைப்பு முயற்சிகளுக்கு அவ்வளவு சீக்கிரம் நல்ல முடிவுகள் கிடைத்துவிடாது. இடைவிடாத முயற்சி மற்றும் ஆரோக்கியமான உணவு, வாழ்வியல் மாற்றங்கள் போன்றவை அவசியமாகும். உடல் எடை குறைப்பில் மெல்ல, மெல்ல மாற்றங்கள் ஏற்பட்டாலும், ஒருநாள் நிச்சயமாக வெற்றி கிடைக்கும்.