எடை குறைப்பு முதல் மலச்சிக்கல் வரை... வெண்டைக்காயை இப்படி சாப்பிட இந்த பிரச்சனைகளை தவிர்க்கலாம்.!

நோய் நொடி இல்லாதா ஆரோக்கியமான வாழ்க்கையை வாழ நம் அனைவருக்கும் ஆசை. ஆனால், அதற்கான வாய்க்கு கிடைப்பதில்லை. ஏனென்றால், நமது வாழ்க்கை முறையும், உணவு முறையும் மாறிவிட்டது. பழங்காலத்தில் நம் முன்னோர்கள் இயற்கையாக கிடைக்கும் பொருட்களை வைத்து சமைத்து சாப்பிட்டார்கள். ஆனால், நாம் நேரமின்மை காரணமாக ரெடிமேடு பொருட்களை தேடி செல்கிறோம். முதியவர்களை மட்டுமே தாக்கும் சர்க்கரை நோய் என்ற எண்ணம் போய், நீரழிவு நோய் அதிகமாக தாக்குகிறது. அதுமட்டுமல்ல, இரத்த அழுத்தம், உடல் எடை அதிகரிப்பு, இதய நோய் மற்றும் சிறுநீரக பிரச்சனை என பல பிரச்சனைகளை சந்தித்து வருகின்றன. இந்த பிரச்னை அனைத்திற்கும் ஒரு டம்ளர் வெண்டைக்காய் ஜூஸ் தீர்வு தரும் என கூறினால் உங்களால் நம்ப முடிகிறதா?.

வெண்டைக்காய் ஜூஸ் செய்முறை : நடுத்தர அளவிலான 4 முதல் 5 வெண்டைக்காயை எடுத்து, இரு முனைகளையும் நீக்கி, 3 துண்டுகளாக நறுக்கவும். இப்போது, ஒரு பாத்திரத்தில் 1 டம்ளர் நீர் ஊற்றி அதில் நறுக்கிய வெண்டைக்காயை போட்டு, 8 முதல் 24 மணி நேரம் ஊற வைக்கவும். அதை அடுத்த நாள் காலையில் அந்த நீரை வடிகட்டினால், ஓக்ரா ஜூஸ் ரெடி. இதை பருகும் போது மேலும் சிறிது தண்ணீர் சேர்த்துக்கொள்ளவும். தேவைப்பட்டால், அதில் சிறிது உப்பு மற்றும் மிளகு பொடி கலந்து குடிக்கலாம்.

வெண்டைக்காய் சாற்றில் உள்ள வைட்டமின்கள், இரத்த சர்க்கரை அளவை கட்டுக்குள் வைக்க உதவுகிறது. அந்த வகையில் இந்த வெண்டைக்காய் ஜூஸினை ‘சர்க்கரை நோயாளிகள்’ நாள் ஒன்றுக்கு இரண்டு முறை பருகலாம். உடல் ஆரோக்கியத்திற்கு தேவையான வைட்டமின்கள், தாதுக்கள் அதிகம் கொண்ட வெண்டைக்காய் பயன்படுத்தி தயார் செய்யப்படும் சாற்றினை பருகுவதால் கிடைக்கும் ஆரோக்கிய நன்மைகள் பற்றி இந்த பதிவில் நாம் காணலாம்.

தூக்கமின்மை பிரச்சனை : வைட்டமின் ஏ, வைட்டமின் சி, மாங்கனீசியத்தின் சிறந்த மூலமாக இருக்கும் வெண்டைக்காய் பயன்படுத்தி தயார் செய்யப்படும் சாற்றினை தினம் இரண்டு வேளை பருகி வர தூக்கமின்மை பிரச்சனை நீங்கும்.

தொண்டை கரகரப்பு : அழற்சி எதிர்ப்பு பண்பு, பாக்டீரியா எதிர்ப்பு பண்பு கொண்ட வெண்டைக்காய் ஜூஸினை போதுமான அளவு எடுத்துக்கொள்ள, தொண்டை கரகரப்பு - இருமல் மற்றும் தொண்டை வலி பிரச்சனைகள் நீங்கும்.

வயிற்றுப்போக்கு பிரச்சனை : நீர்ச்சத்து குறைபாடு மற்றும் மினரல்கள் இழப்பு பிரச்சனைக்கு மிக முக்கிய காரணமாக இருக்கும் வயிற்றுப்போக்கு பிரச்சனைக்கு தீர்வு தரும் இயற்கை மருந்தாக வெண்டைக்காய் உள்ளது. அந்த வகையில் இந்த வெண்டைக்காயினை (வெறும் வயிற்றில்) சாறாக எடுத்துக்கொள்ளலாம்.

இரத்த அழுத்த பிரச்சனை : பொட்டாசியம், மாங்கனீசு சிறந்த மூலமாக இருக்கும் வெண்டைக்காய் சாறு ஆனது, இரத்த நாளங்களில் உண்டாகும் கொலஸ்ட்ராலை கரைத்து சீரான இரத்த ஓட்டத்திற்கு உதவுகிறது. அந்த வகையில் இந்த சாறு, இரத்த அழுத்த பிரச்சனைகளை தடுக்கிறது.

மலச்சிக்கல் பிரச்சனை : நார்ச்சத்தின் சிறந்த மூலமாக இருக்கும் இந்த வெண்டைக்காய் பயன்படுத்தி தயார் செய்யப்படும் வெண்டைக்காய் சாறு ஆனது, மலக்குடல் அழற்சி மற்றும் சிக்கல் பிரச்சனைகளுக்கு தீர்வு அளிக்கிறது. அந்த வகையில் இந்த சாறு, மலச்சிக்கல் பிரச்சனைக்கு தீர்வு அளிக்கிறது.

ஆஸ்துமா பிரச்சனை : அழற்சி எதிர்ப்பு பண்பு கொண்ட வெண்டைக்காய் சாறு ஆனது, சுவாச பாதை பிரச்சனைகளை போக்கி சீரான சுவாச செயல்பாட்டிற்கு உதவுகிறது. அந்த வகையில் ஆஸ்துமா உள்ளிட்ட சுவாச மண்டல பிரச்சனைகளை இது தீர்க்கிறது.

எலும்புகளின் ஆரோக்கியம் : வெண்டைக்காய் சாற்றில் போதுமான அளவு போலட் - போலிக் அமிலம் காணப்படுகிறது. இது எலும்புகளின் ஆரோக்கியம் காக்க உதவுகிறது. குறிப்பாக, கர்ப்பிணி பெண்களின் சதை பிடிப்பு, உடல் வலி பிரச்சனைகளுக்கு ஒரு நல்ல தீர்வாக இது உள்ளது.