உடல் எடையை குறைக்க நினைப்போர் பால்  கலந்த டீக்கு பதில் இந்த டீ வகைகளை டிரை பண்ணலாமே..!

டீ குடிப்பது சிலருக்கு மாற்றிக்கொள்ள முடியாத பழக்கமாக இருக்கலாம். ஆனால் ஃபிட்னஸில் டீ, காஃபிக்கு இடமில்லை. இருப்பினும் அதை விடுவதற்கு மனமில்லை எனில் ஹெல்தியான அதேசமயம் உங்கள் ஃபிட்னஸ் ரொட்டீனையும் பாதிக்காத டீ வகைகள் என்னென்ன இருக்கின்றன என்று பார்க்கலாம்.

கிரீன் டீ : ஆன்டிஆக்ஸிடன்ட் நிறைந்தது. அதோடு கலோரிகளை எரிப்பதிலும் சிறந்தது. உங்கள் மெட்டாபாலிசத்தை பாதுகாப்பதிலும் சிறந்தது. உடற்பயிற்சிக்கு முன் அல்லது பின் கிரீன் டீ குடிப்பது விரைவில் எடையை குறைக்க உதவும் என ஆய்வுகள் கூறுகின்றன.

பிளாக் டீ : கிரீன் டீயில் இருக்கும் அதே நற்பண்புகள் பிளாக் டீயிலும் உள்ளது. ஒரு நாளைக்கு மூன்று கப் குடித்தால் உடல் எடை குறைவதற்கான சாத்தியங்கள் அதிகம் என ஆய்வுகள் கூறுகின்றன.

ஒயிட் டீ : இது முழுக்க முழுக்க உடல் எடையைக் குறைப்பதில் முக்கிய பங்கு வகிக்கிறது. உடனடியாக உடல் எடையைக் குறைப்பதே உங்கள் நோக்கம் எனில் இதை டிரை பண்ணலாம்.

காஷ்மீர் கஹ்வா : கஹ்வா கிரீன் டீ, குங்குமப்பூ, இலவங்கப்பட்டை, ஏலக்காய் (green tea, saffron, cinnamon and cardamom) ஆகியவற்றைக் கொண்டு தயாரிக்கப்படுகிறது. சர்க்கரை தேன் அல்லது பாதாமுடன் இந்த இனிப்பான டீ பரிமாறப்படுகிறது. முழு மசாலாப் பொருட்களும் இதில் தூண்டுதல்களாக செயல்படுகின்றன, மேலும் இந்த டீ குளிர்ந்த காலநிலையில் நம் உடலை கதகதப்பாக்குகின்றன.