உடற்பயிற்சியில் சூர்யாவுடன் போட்டி போடும் ஜோ… இதுதான் ஜோதிகாவின் டயட் பிளான்..!

நம்மில் பலரின் விருப்பமான ஜோடி சூர்யா-ஜோதிகா. இன்றும் 90’ஸ் கிட்ஸ்களின் கனவுக் கன்னியாக இருப்பவர் நடிகை ஜோதிகா. திருமணத்திற்கு பிறகு திரைப்படங்களில் குறைவாகவே நடித்து வந்தாலும், தனது அபார நடிப்பால் ரசிகர்களின் மனதில் தனி இடத்தை பிடித்து வருகிறார்.

கடந்த 2015 ஆம் ஆண்டு '36 வயதினிலே' படத்தின் மூலம் வெள்ளித்திரைக்கு ரீ-என்ட்ரி கொடுத்த நிலையில், அவர் தொடர்ச்சியாக பெண்களை மையமாக வைத்து எடுக்கப்படும் படங்களில் தொடர்ந்து நடித்து வருகிறார்.

தங்களின் குழந்தைகளின் கல்விக்காக மும்பையில் குடியேறிய ஜோதிகா மற்றும் சூர்யா பல சுவாரஷ்யமான செயல்களில் ஈடுபட்டு வருகின்றனர். அதுமட்டும் அல்ல சமீபகாலமாக சமூக வலைதளங்களில் ஜோதிகா அடிக்கடி புகைப்படங்களையும் வீடியோக்களையும் பகிர்ந்து வருகிறார்.

இந்நிலையில், அவர் சமீபத்தில் கடுமையாக உடற்பயிற்சி செய்யும் வீடியோவை பகிர்ந்துள்ளார். அதில் அவர் தலைகீழாக படிக்கட்டுகளில் இறங்குவது மற்றும் தலைகீழாக நின்றபடி பந்து விளையாடுவது என பல விஷயங்களை செய்துள்ளார்.

நடிகை ஜோதிகா தற்போது மம்முட்டிக்கு ஜோடியாக 'காதல்' திரைப்படத்தில் நடித்து வருகிறார். இந்த படம் 2டி என்டர்டெயின்மென்ட் நிறுவனத்தால் தயாரிக்கப்படுகிறது. சமீபத்தில் இவர், தானும் தனது கணவரும் உடற்பயிற்சியில் போட்டி போடுவதாக தெரிவித்துள்ளார்.

தான் தினமும் 2 மணிநேரம் கடுமையாக உடற்பயிற்சி மற்றும் யோகா செய்வதாகவும் தெரிவித்துள்ளார். அதுமட்டும் அல்ல, தனது குழந்தைகளுடன் மகிச்சியாக நேரத்தை செலவிடுவதாகவும் தெரிவித்துள்ளார்.

காலையில் பெரும்பாலும் பழங்கள் மற்றும் அவித்த உணவுகளை எடுத்துகொள்ளவதாகவும் தெரிவித்துள்ளார். அதுமட்டும் அல்ல, மத்திய உணவாக நிறைய காய்கறிகள் மற்றும் சிறிதளவு சாதம் எடுத்துக்கொள்வாராம். சில சமயங்களில் தனக்கு மிகவும் பிடித்த உணவுகளை சாப்பிட்டாலும், அதற்கு ஏற்றார் போல உடற்பயிற்சி செய்வாராம்.