தினமும் இந்த சத்து பானம் குடிச்சா கொலஸ்ட்ரால் குறையுமா..? ட்ரை பண்ணி பாருங்க..!

இன்று இருக்கும் காலக் கட்டத்தில், சர்க்கரை நோய், இதய நோய், அதிக இரத்த அழுத்தம், அதிக கொலஸ்ட்ரால் போன்றவை பொதுவானவை ஆகிவிட்டன. இது பெரும்பாலும் நம் ஆரோக்கியமற்ற வாழ்க்கை முறையின் காரணமாகவே ஏற்படுகின்றன. ஏனெனில், நாம் பெரும்பாலும் ஒரே இடத்தில் அமர்ந்து வேலை பார்ப்பதால், கடினமாக உழைப்பதில்லை. நொறுக்குத் தீனி போன்றவற்றை அதிகமாக எடுத்துக் கொள்வதால், அதிக கொலஸ்ட்ரால் சகஜமாகிவிட்டது. அதிக கொலஸ்ட்ரால் இருந்தால், மாரடைப்பு ஏற்படுவதற்கும் அதிக வாய்ப்பு உள்ளது.

இவை எல்லாம் தவிர்க்க கண்டிப்பாக நாம் நம் வாழ்க்கை முறையை மாற்றிக் கொள்ள வேண்டும். நொறுக்குத் தீனிகளைத் தவிர்த்து காய்கறி பழங்கள் போன்ற சத்தான உணவுகளை நாம் சேர்த்துக் கொள்ள வேண்டும். ஆரம்ப கட்டத்திலேயே நாம் இதனை எல்லாம் சரி செய்துவிட்டால், இயற்கையாகவே நம்மால் உடலில் உள்ள தேவை இல்லாத கொழுப்பை கரைத்து விட முடியும்.

அதிகப்படியாக உள்ள கொலஸ்டரால் அளவுகளைக் குறைப்பதற்கான எளிமையான மற்றும் பயனுள்ள வழிகளில் ஒன்று தான் சத்து பானங்கள். தினமும் ஒரு கிளாஸ் சத்து பான கஞ்சி குடித்து வந்தாலே போதும், உங்கள் உடம்பில் உள்ள தேவையற்ற கெட்ட கொழுப்பு எல்லாம் இயற்கையாகவே கரைந்து விடும்.

இந்த சத்து ட்ரிங்க் வடக்கு இந்தியாவில் அதிகமாக எடுத்துக் கொள்ளப்படும் சன்னா (கொண்டைக் கடலை) மாவு கொண்டு தயார் செய்யபப்டுகிறது. இதில் புரதச் சத்து நிறைந்துள்ளது. தினமும் தொடர்ந்து இதனை உட்கொண்டு வந்தால், அதிகப்படியாக உள்ள கொலஸ்டரால் அளவு குறைவதாக அறியப்பட்டுள்ளது.

வறுத்த கொண்டைக் கடலை மற்றும் பாதாம் ஆகியவற்றை பொடி செய்து, மாவாக அரைத்து வைத்துக் கொள்ளலாம். அதனை கஞ்சி போல் செய்து தினமும் குடிக்கலாம். பாதாம் பருப்பிலும் ஆரோக்கியமான கொழுப்புகள், நார்ச்சத்து மற்றும் ஆன்டிஆக்சிடண்டுகள் உள்ளன. இதுவும் அதிகப்படியாக உள்ள கொலஸ்ட்ரால் அளவுகளை கட்டுக்குள் கொண்டு வர உதவியாக இருக்கும். அதோடு, இது உங்கள் பசியைப் போக்கி, உடல் எடையைக் குறைத்து ஃபிட் ஆக இருப்பதற்கும் உதவியாக இருக்கும்.

இது போன்ற உணவுகளை உங்கள் அன்றாட உணவு முறையில் சேர்த்துக் கொள்வது அதிகப்படியாக உள்ள கொலஸ்ட்ரால் அளவுகளைக் கட்டுக்குள் கொண்டு வந்து இதயம் சார்ந்த நோய்கள் ஏற்படாமல் தடுக்க வழிவகை செய்வதாக ஆராய்ச்சிகள் காட்டுகின்றன.

அதே போல், பருப்பு வகைகள் மற்றும் பீன்ஸ் போன்ற காய்கறிகளை ஒரு நாளைக்கு ஒரு முறையாவது சேர்த்துக் கொள்ளும் போது, அது ​​ஒரு சில நாட்களிலேயே கொலஸ்ட்ரால் அளவை 5% குறைத்து விடக்கூடும். கெட்ட கொழுப்பைக் குறைப்பதில் ஓட்ஸ் கஞ்சி கூட மிகவும் பயனுள்ளதாக இருக்கும். அது போல, தினமும் அரை கப் ஓட்மீலை ஸ்ட்ராபெர்ரியுடன் கலந்து சாப்பிட்டால் விரைவான பலன் கிடைக்கும்.

இது போன்ற சிறு சிறு உணவு முறை மாற்றங்கள் உங்கள் ஆரோக்கியத்தில் நேர்மறையான தாக்கத்தை ஏற்படுத்தும். அதனால் ஆரோக்கியத்தைக் கருத்தில் கொண்டு இப்பொழுதே இந்த மாற்றங்களைச் செய்து கெட்ட கொழுப்பிற்கு குட் பை சொல்லுங்கள்.