உடல் பருமனை குறைக்க முயற்சிப்போரின் ஸ்னாக்ஸ் இவைதான்.. உங்கள் எடை கண்ட்ரோலில் இருக்கணும்னா இத பண்ணுங்க..

ஸ்னாக்ஸ் (Snacks) என்றாலே பெரியவர்கள் முதல் குழந்தைகள் வரை அனைவருக்கும் பிடிக்கும். சிப்ஸ், சமோசா, வடை, பஜ்ஜி, போண்டா, பானி பூரி போன்ற எண்ணெய்யில் பொறித்த உணவுகள், பிஸ்கட், இனிப்புகள், கேக் மற்றும் சில பாஸ்ட் புட் உணவுகள் என பல ஸ்னாக்ஸ் வகைகள் உள்ளன. பெரும்பாலான மக்கள் மாலை நேரம் டீ அருந்தும் போது பிஸ்கட், பஜ்ஜி போன்ற தின்பண்டங்களை சாப்பிட விரும்புவார்கள்.

ஆனால் இந்த தின்பண்டங்கள் அனைத்தும் நமது உடலுக்கு ஆரோக்கியத்தை தருகிறதா என்றால், அது முழுமையாக தருவதில்லை. மேலும், ஒருவரின் உடல் எடை அதிகரிப்பதற்கு இந்த ஸ்னாக்ஸ் வகைகள் காரணமாக அமைக்கின்றன. இருப்பினும் ஸ்னாக்ஸ் வகைகளில் சில உங்களுக்கு நல்ல ஆரோக்கியத்தை கொடுப்பவையாக இருக்கும். அவற்றை சாப்பிடுவதன் மூலம் உங்கள் உடலில் ப்ரோடீன் சத்து அதிகரிக்கும். அதேபோல உங்கள் உடல்பருமனை குறைக்கவும் உதவும். அந்த வகையில் நீங்கள் தினசரி கவலையில்லாமல் சாப்பிடக்கூடிய ஸ்னாக்ஸ் வகைகளை பற்றி பார்ப்போம்.

பாதம், பிஸ்தா பருப்புகள் (Nuts) : பாதாம் சாப்பிடுவதால் ஒருவரின் பசி குறைகிறது. அது உடல் எடையை குறைக்க உதவுகிறது. மேலும் இரத்த சர்க்கரை அளவைக் குறைக்கும். இதுதவிர இரத்த அழுத்தம் மற்றும் கொழுப்பின் அளவைக் குறைக்கும் என்று ஆய்வுகளில் கண்டறியப்பட்டுள்ளன. பாதம் பருப்புகளை வறுத்தும் சாப்பிடலாம். அதேபோல, பிஸ்தாவில் 6 கிராம் புரோட்டீன் மற்றும் 3 கிராம் நார்ச்சத்து உள்ளது. இது பசியுணர்வைக் கட்டுப்படுத்தும். தினமும் 3- 4 பருப்புகளை சாப்பிட்டு வந்தால் ஆரோக்கியம் மேம்படும்.

பாப்கார்ன் (Popcorn) : நார்ச்சத்து நிறைந்த மற்றும் கலோரிகள் குறைவாக உள்ள பாப்கார்ன்கள் ஆரோக்கியமான தின்பண்டங்கள், அவை எடை இழப்புக்கு சிறந்தவை. பாப்கார்னில் இருக்கும் ஆன்டிஆக்ஸிடண்ட்ஸ் சருமத்திற்கு நல்ல போஷாக்கை கொடுப்பது போலவே உடலுக்கும் கொடுக்கிறது. புற்று நோய்க்கு காரணமான தொற்றுகளிடம் இருந்து நம்மை தற்காத்து கொள்ள உதவுகிறது.

முளைக்கட்டிய பயிறு வகைகள் (Sprouted lentils) : முளைக்கட்டிய பயிறுகளில் ஊட்டச்சத்துக்கள் நிறைந்து காணப்படுகின்றன. இதில், கலோரிகள் மற்றும் கொழுப்பு மிகவும் குறைவு. குறிப்பாக முறைகட்டிய பயிறுகளை சாப்பிடுவதன் மூலம் உடலில் இரத்த அழுத்த அளவு குறையும். இதனுடன் சிறிதளவு எலுமிச்சை சாறு சேர்த்து சாலட்டாக கூட சாப்பிடலாம். காலை நேரங்களில் இதனை சாப்பிடுவது அதிக ஆரோக்கிய நன்மையை தரும்.

கேரட் (Carrot) : கலோரிகள் குறைவாகவும், நார்ச்சத்து நிறைந்ததாகவும் இருப்பதால், கேரட் எடை இழப்பு காரணியாக அமைகிறது. இதனை பச்சையாக சாப்பிடலாம். ஜூஸ் அல்லது சாலட் போன்று செய்தும் சாப்பிடலாம். மேலும், கேரட்டில் கால்சியம், வைட்டமின் ஏ, டி, இ சத்துக்கள் அதிகம் நிறைந்துள்ளன. தினமும் ஒரு கேரட் சாப்பிடுவதன் மூலம், இது உடலில் உள்ள தேவையற்ற கொழுப்புகளை அகற்றுகிறது. குடல் புண்கள் வராமல் தடுக்கிறது.

வேர்க்கடலை (Groundnut) : வேர்க்கடலை உங்கள் இதய ஆரோக்கியத்திற்கு நன்மை பயக்கும். அவை ஆக்ஸிஜனேற்றிகள் மற்றும் மோனோ சாச்சுரேட்டட் கொழுப்புகளால் நிறைந்துள்ளன. அவை உங்கள் பசியை ஆரோக்கியமான வழியில் பூர்த்தி செய்ய உதவுகின்றன. இது ஒரு சிறந்த ஸ்னாக். மேலும் குழந்தைகளுக்கு மிகவும் பிடிக்கும். இதனை வறுத்து, அல்லது வேகவைத்து சாப்பிடலாம். மேலும் சட்னி செய்து இட்லி, தோசை, சாப்பாடு ஆகியவற்றுடன் சேர்த்து சாப்பிடலாம்.

டார்க் சாக்லேட் (Dark Chocolate) : ஃபிளவனோல்களால் நிரம்பிய, டார்க் சாக்லேட் பசி உணர்வை குறைக்கிறது. வயிற்றில் முழுமையான உணர்வுகளை ஊக்குவிக்கும். இது உங்கள் எடை இழப்புக்கு கட்டாயம் உதவும். இது, இதயத்துக்கு ஏராளமான பலன்களைத் தரக்கூடியது. ரத்த நாளங்களை விரிவடையச் செய்து, ரத்த ஓட்டத்தைச் சீராக்கும். இதனால், ரத்த நாளங்களில் ரத்தம் உறைதல் தடுக்கப்பட்டு, மாரடைப்பு ஏற்படும் வாய்ப்புகள் குறையும். தினமும் 5 கிராம் என்ற அளவில் டார்க் சாக்லேட் சாப்பிட்டால் அது, ரத்தம் தொடர்பான பிரச்னைகளைத் தடுக்கும்.

தாமரைப்பொரி (Lotus Seeds) : தாமரை விதைகளில் புரதம், கால்சியம் மற்றும் ஆரோக்கியமான கொழுப்புகள் நிறைந்துள்ளன. அவை உங்களுக்கு மிகவும் தேவையான ஆற்றலை வழங்குவதோடு மட்டுமல்லாமல், நீண்ட நேரம் பசியை கட்டுப்படுத்தும். இதனை நீங்கள் ஓரு டீ டைம் ஸ்னாக் போன்றும் செய்து சாப்பிடலாம். மேலும் இரவு நேர உணவிலும் கூட சமைத்து சாப்பிடலாம். அல்லது இதை ஒரு சிற்றுண்டியாகவும் சாப்பிடலாம். உயர் இரத்த அழுத்தம், இதய நோய்கள் மற்றும் உடல் பருமன் ஆகியவற்றால் பாதிக்கப்பட்டவர்களுக்கு இது ஒரு ஆரோக்கியமான ஸ்னாக் ஆகும்.

தேங்காய் (Coconut) : தேங்காய்யில் அழற்சி எதிர்ப்பு பண்புகள் மற்றும் ஒமேகா -3 கொழுப்பு அமிலங்கள் நிறைந்திருப்பதால், இது மேம்பட்ட இதய ஆரோக்கியம், எடை இழப்பு மற்றும் செரிமானம் உள்ளிட்ட பல நன்மைகளை உங்களுக்கு வழங்கக்கூடும்.

முட்டை (Egg) : முட்டையின் வெள்ளைக்கருவிலிருந்து கிடைக்கும் புரதம் உங்கள் ஆரோக்கியத்திற்கு மிகவும் நல்லது. ஏனெனில் இது உங்கள் இரத்த சர்க்கரையை சீராக வைத்திருக்க உதவுகிறது. மேலும், பசியைக் கட்டுப்படுத்துகிறது. நீங்கள் முட்டை மஃபின் செய்யலாம். இவை காய்கறிகள் மற்றும் முட்டை வெள்ளைக்கரு ஆகியவற்றைக் கலந்து தயாரிக்கப்படுகின்றன.

கொண்டை கடலை (Chickpeas) : புரதம் மற்றும் நார்ச்சத்து அதிகம் உள்ள சுண்டல் உங்களின் பசி உணர்வை குறைக்கும். இதை சாப்பிடுவதால் நீண்ட நேரத்திற்கு உங்கள் வயிறு நிறைவுற்றதாக உணரவைக்கும்.