Weight Gain : ஒல்லியாக இருப்பவர்கள் உடல் எடையை அதிகரிக்க கட்டாயம் சாப்பிட வேண்டிய உணவுகள்.!

இன்றைய கொரோனா நெருக்கடி காலத்தில் வீட்டிலேயே பணிபுரிபவர்கள் உடலுக்கு எந்த ஒரு வேலையையும் கொடுக்காமல் உட்கார்ந்த நிலையிலேயே பல மணி நேரங்கள் இருப்பதால் அதிகரித்த உடல் எடை மற்றும் உடல் பருமன், தொப்பை கொழுப்பு போன்ற எடை சார்ந்த பிரச்சனையை சந்தித்து வருகின்றனர். இதன் காரணமாக, ஜிம்களுக்கு செல்வோரின் எண்ணிக்கை அதிகரித்துள்ளது. அதுமட்டுமல்லாமல், உடல் எடையை குறைக்கும் வகையில் இந்திய பாரம்பரிய டயட்டுகளுக்கு மக்கள் தங்கள் உணவு முறையை மாற்றி வருகின்றனர்.

அதிகரித்த எடையை குறைக்க குறைந்த கலோரி கொண்ட சத்தான உணவு வகைகளுக்கு பெரும்பாலான மக்கள் மாறிவரும் நிலை ஒருபக்கம் இருந்தாலும், மிக ஒல்லியான தோற்றத்தை கொண்டிருக்கும் மக்கள் பலர் தங்கள் எடையை அதிகரிக்க பல்வேறு விஷயங்களை செய்து வருகின்றனர். நம் சமூகத்தில் அதிகரித்த உடல் எடையை குறைப்பதற்கு கொடுக்கும் முக்கியத்துவத்தை, ஒல்லியான தோற்றத்தை மாற்றுவதிலும், குறைந்த எடை கொண்டவர்கள் தங்கள் தசைகளை ஆரோக்கியமான வழியில் வலுப்படுத்திக் கொள்வதிலும் அதிக முக்கியத்துவம் கொடுப்பதில்லை.

எடை அதிகரிப்பது அல்லது உங்கள் உடலில் தசை அடர்த்தியை அதிகரிப்பது ஒன்றும் உடல் எடையை குறைப்பது போல எளிதான காரியம் அல்ல. இருப்பினும், உங்கள் தினசரி உணவில் சில உணவுப் பொருட்களைச் சேர்ப்பதன் மூலம், ஆரோக்கியமான முறையில் திறம்பட உங்கள் எடையை அதிகரிக்கலாம். உடல் எடையை அதிகரிக்க அல்லது ஆரோக்கியமாக தசையை வளர்ச்சியை அதிகரிக்க உதவும் சிறந்த உணவு வகைகள் குறித்து பின்வருமாறு காண்போம்.

வீட்டில் தயாரிக்கப்பட்ட ப்ரோடீன் ஸ்மூத்தீஸ் : வீட்டில் தயாரிக்கப்பட்ட புரோட்டீன் ஸ்மூத்திகளை குடிப்பது, உடல் எடையை திறம்பட அதிகரிக்கும் விரைவான வழியாகும். ஸ்மூத்தீஸ் அதிக அளவு புரதம், தாதுக்கள் மற்றும் வைட்டமின்களுடன் சுமார் 600 கலோரிகளை வழங்குகின்றன.

சாப்பாடு : அரிசி சமைக்க எளிதானது, ஜீரணிக்க எளிதானது மற்றும் குறைந்த எடை கொண்ட கார்போஹைட் மூலமானது. இவை எடை அதிகரிக்க உதவும். சுமார் 158 கிராம் சமைத்த சாப்பாடு, 44 கிராம் கார்போஹைட்ரேட்டுகளுடன் 204 கலோரிகளை வழங்குகிறது.

நட்ஸ் மற்றும் நட்ஸ் பட்டர் : சுமார் 1/4 கப் பாதாமில் 170 கலோரிகள், 6 கிராம் புரதம், 4 கிராம் ஃபைபர் மற்றும் 15 கிராம் ஆரோக்கியமான கொழுப்புகள் உள்ளன. உங்கள் எடை அதிகரிக்க உதவுவதில் நட்ஸ் முக்கிய பங்கு வகிக்கின்றன. மேலும் இவற்றை பலவகை உணவுகளிலும் சேர்த்து சாப்பிடலாம்.

சிவப்பு இறைச்சி : சிவப்பு இறைச்சி தசையை வளர்க்கும் சிறந்த உணவு பொருட்களில் ஒன்றாக கருதப்படுகிறது. இது லியூசின் மூலம் ஏற்றப்படுகிறது. சிவப்பு இறைச்சியில் உள்ள அமினோ அமிலம் தசை புரதத் தொகுப்பைத் தூண்ட உதவுகிறது.

உருளைக்கிழங்கு மற்றும் மாவுச்சத்து நிறைந்த உணவு: உருளைக்கிழங்கு மற்றும் பிற மாவுச்சத்துள்ள உணவுகள் அதிக கலோரிகளை தருகின்றன. தினமும் ஆரோக்கியமான மாவுச்சத்து கொண்ட உணவுகளை உட்கொள்வது ஊட்டச்சத்துக்கள் மற்றும் நார்ச்சத்து உட்கொள்ளலை அதிகரிக்க ஒரு சிறந்த வழியாகும். இது உங்கள் கலோரி உட்கொள்ளலை அதிகரிக்கிறது. மேலும் உங்கள் தசை கிளைகோஜனை அதிகரிக்கிறது.

உருளைக்கிழங்கு :  மற்றும் மாவுச்சத்து நிறைந்த உணவு: உருளைக்கிழங்கு மற்றும் பிற மாவுச்சத்துள்ள உணவுகள் அதிக கலோரிகளை தருகின்றன. தினமும் ஆரோக்கியமான மாவுச்சத்து கொண்ட உணவுகளை உட்கொள்வது ஊட்டச்சத்துக்கள் மற்றும் நார்ச்சத்து உட்கொள்ளலை அதிகரிக்க ஒரு சிறந்த வழியாகும். இது உங்கள் கலோரி உட்கொள்ளலை அதிகரிக்கிறது. மேலும் உங்கள் தசை கிளைகோஜனை அதிகரிக்கிறது.

முழு கொழுப்பு உள்ள தயிர் மற்றும் பால் : முழு கொழுப்புள்ள கிரேக்க தயிர் மற்றும் பாலை உட்கொள்வதை விட சிறந்தது எதுவுமில்லை. தயிர் மற்றும் பால் ஒரு சிறந்த ஊட்டச்சத்தை வழங்குகின்றன. இதில் புரதம், ஆரோக்கியமான கொழுப்பு மற்றும் கார்போஹைட்ரேட் ஆகியவற்றின் சமச்சீர் கலவை அடங்கும்.

உடல் எடையை அதிகரிக்க, அதிக கலோரிகளை தொடர்ந்து சாப்பிடுவது மிக முக்கியம். எவ்வாறாயினும், உடலில் கொழுப்பு அளவை அதிகரிப்பதை விட தசையை வலுப்படுத்தி எடைகளை அதிகரிப்பதில் தான் கவனம் செலுத்த வேண்டும். ஏனெனில், அதிக கொழுப்பு உட்கொள்ளல் எடையை அதிகரிப்பதோடு தேவையற்ற உடல் கோளாறுகளையும் ஏற்படுத்துகிறது.