தொற்று அதிகரிக்கும் சமயத்தில் நோய் எதிர்ப்பு சக்தியை பலவீனமாக்கும் இந்த 3 செயல்களை தவிருங்கள்...

கொரோனா வேகமாக பரவி வரும் இந்த நேரத்தில் அனைவரும் கவனம் செலுத்த வேண்டிய விஷயம் நோய் எதிர்ப்பு சக்திதான். அதுதான் நம்மை தொற்றுகளிலிருந்து காக்கும் பாதுகாவலன். இதற்கென தனியாக மருந்து மாத்திரைகள் தேவையில்லை. இயற்கையான முறையில் நாம் சாப்பிடும் உணவு , பழக்க வழக்கங்களிலிருந்தே அதிகரிக்கலாம்.

சில நேரங்களில் நம்மை அறியாமலே நோய் எதிர்ப்பு சக்தியை குறைக்கும் வேலைகளை செய்கிறோம். எனவே இயற்கையான நோய் எதிர்ப்பு சக்தியை நாம் எப்படி பாதுகாப்பது, அதை மேம்படுத்துவது என்று பார்க்கலாம்.

யோகா அல்லது உடற்பயிற்சிகளை தவிர்ப்பது : நோய் எதிர்ப்பு சக்தியை பலப்படுத்துவதில் யோகா மற்றும் உடற்பயிற்சி முக்கிய பங்கு வகிக்கிறது. வீட்டில் அமர்ந்துகொண்டால் கொரோனா வராது. நாம் ஆரோக்கியமாக இருக்கலாம் என்பது தவறான கணிப்பு. வீட்டில் இருந்தாலும் உங்கள் உடலை தொற்றுகளுடன் எதிர்த்து போராடும் பலத்தை அதிகரிக்கச் செய்ய வேண்டும். அதற்கு யோகா , உடற்பயிற்சி மிகவும் அவசியம்.

தூக்கத்தை தவிர்த்தல் : நோய் எதிர்ப்பு சக்தி பலவீனமாவதற்கு நம்முடைய தூக்க முறையும் காரணமாகிறது. இரவு தூக்கம் சரியாக இல்லை எனில் உடல் வலிமை இழந்து சோர்வை அதிகரிக்கும். இதனால் நோய் எதிர்ப்பு சக்தியும் குறையும். எனவே எந்த வேலை இருந்தாலும் சீக்கிரம் தூங்கி சீக்கிரம் எழும் பழக்கத்தை தொடர்ச்சியாக செய்யுங்கள். இரவு தூக்கத்தை சமரசம் செய்யாதீர்கள்.

உப்பு அதிகமாக எடுத்துக்கொள்ளுதல் : உப்பு உணவின் சுவையை அதிகரிக்கலாம். ஆனால் அதற்காக அளவுக்கு அதிகமாக எடுத்துக்கொள்வது நோய் எதிர்ப்பு சக்தியை பலவீனமாக்கும். எனவே அதிகமாக உப்பு எடுத்துக்கொள்வதை தவிருங்கள். உணவில் குறைந்த உப்பு சாப்பிட பழகிக்கொள்வது ஆரோக்கியத்திற்கு நல்லது.