பெண்களை தாக்கும் கர்ப்பப்பை வாய் புற்றுநோயை தவிர்க்க என்ன செய்ய வேண்டும்..? வழிமுறைகள் இதோ..

கர்ப்பப்பை வாய் புற்றுநோய் பெண்களை தாக்கும் நோயாக வளர்ந்து வருகிறது. குறிப்பாக இந்தியாதான் அதில் அதிக எண்ணிக்கையை கொண்ட நாடு எட லான்சண்ட் குளோபல் ஹெல்த் கூறியுள்ளது. 2018 ஆண்டு ஆய்வுப்படி 97,000 புற்றுநோய் பாதிக்கப்பட்ட பெண்களும் அதில் 60,000 பேர் இறந்துள்ளதாகவும் கூறியுள்ளது. எனவே இந்தியாவில் இதற்கான விழிப்புணர்வும், கவனமும் அவசியம் என்று பரிந்துரைக்கிறது.

இப்படி உயிரை பறிக்கும் கர்ப்பப்பை புற்றுநோய் தாக்குகிறது எனில் அதன் அறிகுறிகளை ஆரம்ப நிலையில் கண்டறிய முடியாது. எனவேதான் மருத்துவர்கள் பெண்கள் வருடத்திற்கு ஒரு முறை முழு உடல் பரிசோதனை செய்துகொள்வது அவசியம் என்கின்றனர். சரி.. இதை முற்றிலும் தவிர்க்க நாம் என்ன செய்ய வேண்டும்..? மேலும் படிக்க...

புகைப்படித்தலை தவிர்க்கவும் : புகைப்பிடித்தில் சுகாதாரக் கேடு. ஆனால் இதை எத்தனை பேர் தீவிரமாக நினைக்கின்றனர் என்பது தெரியாது. ஆனால் அது பெண்களுக்கு கர்ப்பப்பை புற்றுநோய்கான காரணமாகவும் இருக்கிறது. இது கருப்பையில் உள்ள அணுக்களை பாதிக்கிறது. இதனால் புற்றுநோய் உருவாகிறது. எனவே புகைப்பிடித்தலை தவிர்த்தல் நல்லது.

முழு உடல் பரிசோதனை : நீங்கள் வருடத்திற்கு முழு உடல் பரிசோதனை அல்லது கர்ப்பப்பை பரிசோதனை செய்துகொண்டால் ஆரம்ப நிலையிலேயே அதைக் கண்டறிந்து சரி செய்துவிடலாம். இதைப்பற்றி உங்கள் மகப்பேறு மருத்துவரிடம் கலந்து ஆலோசியுங்கள்.

சரியான் நேரத்தில் தடுப்பூசி : நிறைய பேருக்கு கர்ப்பப்பை வாய் புற்றுநோயைத் தவிர்க்க தடுப்பூசி இருப்பது தெரிவதில்லை. எனவே உங்கள் மருத்துவரிடம் இதுபற்றி பேசுங்கள்.

பாதுகாப்பான செக்ஸ் : சில ஆய்வுகளின் அடிப்படையில் பெண்களுக்கு கர்ப்பப்பை வாய் புற்றுநோயானது தகாத உடலுறவு மூலம் பரவுவது தெரியவந்துள்ளது. எனவே உடலுறவுகொள்ளும்போது பாதுகாப்பு வழிமுறைகளைக் கையாளுவது அவசியம். உடலுறவின் போது இரத்தம் கசிகிறது, தீவிர வலி உண்டாகிறது எனில் மருத்துவரை அணுகுங்கள். சாதாரணமாக விட்டுவிடாதீர்கள். இதுவும் கர்ப்பப்பை வாய் புற்றுநோயின் அறிகுறியே...

உணவில் கவனம் : வீட்டில் அனைவருக்கும் சமைக்கும் பெண்கள் தங்கள் உணவு விஷயத்தில் கவனம் செலுத்துவதில்லை. எனவே இனியும் அப்படி இருக்காமல் பழங்கள், காய்கறிகள், கீரை வகைகளை அதிகம் சாப்பிடுங்கள். ஜங்க் ஃபுட், பதப்படுத்தப்பட்ட உணவுகளை தவிருங்கள்.