தினமும் 1 டம்ளர் மோர் குடிப்பதால் இவ்வளவு நன்மைகள் கிடைக்குமா?

குளிர்ந்த மோர் கோடை காலத்திற்கான ஒரு இனிமையான பானம். காலம் காலமாக கோடைகாலத்தில் பருகும் அருமையான பானம் இது. இது எண்ணற்ற நன்மைகளையும் கொண்டுள்ளது. பாலில் இருந்து வெண்ணையை பிரித்தெடுத்த பின்னர், மீதம் உள்ள நீரைத் தான் மோர் என்கிறோம். தயிரில் நீர் கலந்து கரைத்தும் செய்யலாம். சந்தைகளில் பலவகையான மோர் கிடைக்கிறது. நம் உடலுக்கு எந்தவிதமான பக்க விளைவுகளையும் ஏற்படுத்தாமல், தாகத்தை தனித்து உடலின் நீர்ச்சத்தை தக்கவைக்கும் மோரின் நம்பமுடியாத மருத்து குணங்கள் பற்றி இங்கே காணலாம்.

உடல் வறட்சியை தடுக்கும் : மோரில் உள்ள எலக்ட்ரோலைட்ஸ் நம் உடலை நீரேற்றத்துடன் வைத்திருக்க உதவுகிறது. ஒரு கிளாஸ் மோருடன் உப்பு சேர்த்து தினம் குடித்து வர உடல் மற்றும் சரும வறட்சி பிரச்சனைகள் நீங்கும்.

கல்லீரல் ஆரோகியத்திற்கு சிறந்தது : நாம் உண்ணும் உணவில் உள்ள கழிவுகளை போக்கி, உணவின் சத்துக்களை முழுமையாக உடலுக்கு கொண்டு சேர்க்கும் பணியை மோரில் உள்ள சேர்மங்கள் செய்கிறது. இதனால், கல்லீரலின் ஆரோக்கியம் மேம்படும்.

மலச்சிக்கல் பிரச்சனை : மலச்சிக்கல், செரிமான பிரச்சனை உள்ளவர்கள் மோர் குடிப்பது நல்லது. மோரில் காணப்படும் புரோபயோடிக்ஸ் என்ற பாக்டீரியாக்கள், உடலில் செரிமான செயல்பாட்டை மேம்படுத்த உதவுகிறது.

சரும ஆரோக்கியம் : நம் உடலில் சேரும் நச்சுப்பொருட்களை வெளியேற்றும் பணியை மோர் சிறப்பாக செய்கிறது. அந்தவகையில், மோர் கொண்டு முகத்திற்கு மசாஜ் செய்து வந்தால் சருமத்தில் உள்ள நச்சுக்கள் நீங்கி சருமம் பொலிவுறும்.

வயிற்றெரிச்சலை குறைக்கும் : மாமிசம், மசாலா பொருட்கள் நிறைந்த கடின உணவுகளை எடுத்துக்கொள்ளும் போது வயிற்றில் ஏற்படும் எரிச்சல் போன்ற உணவர்வினை கட்டுப்படுத்த ஒரு கிளாஸ் மோருடன், இஞ்சி சேர்த்து குடிப்பது நல்லது.

இரத்த போக்கு பிரச்சனைக்கு : மாதவிடாய் காலங்களில் பெண்கள் எதிர்க்கொள்ளும் அதிகப்படியான இரத்தப்போக்கு பிரச்சனைக்கும், வயிற்று வலிக்கும் மோர் ஒரு சிறந்த மருந்தாக உள்ளது. ஒரு கோப்பை மோரில் வெந்தயம் சேர்த்து குடித்து வர இந்த பிரச்சனைகள் நீங்கும்.

நோய் எதிர்ப்பு சக்தியை அதிகரிக்கிறது : மோரில் காணப்படும் லாக்டிக் அமில பாக்டீரியா ஆன்டிபாடிகளின் உற்பத்தியை அதிகரிக்கும், இது நோயெதிர்ப்பு மண்டலத்தை வலுப்படுத்த உதவுகிறது.

இரத்த அழுத்த பிரச்சனைக்கு : மோரில் பயோ ஆக்டிவ் புரதங்கள் மற்றும் பாக்டீரியா எதிர்ப்பு பண்புகள் காணப்படுகிறது. இவை நம் உடல் செல்களில் உள்ள சோடியத்தின் அளவை சமநிலைப்படுத்த உதவுவதோடு, இரத்த அழுத்தத்தை சமநிலைப்படுத்துகிறது.

உடல் எடை குறைப்புக்கு : மோரில் புரதச்சத்து அதிக அளவு காணப்படுகிறது. இந்த புரதம் நம் உடலில் சேரும்போது, நம் உடம்பில் இருக்கும் கொழுப்பின் அளவு குறைக்கப்படுகிறது. எனவே, ஆரோக்கியமான உடல் எடை குறைப்பை விரும்புவோர் மோரை அதிகம் பருகலாம்.

எலும்பு ஆரோக்கியம்: ஆரோக்கியமான எலும்புகளுக்கு முக்கியமான கால்சியம் மற்றும் பிற தாதுக்கள் மோரில் ஏராளமாக உள்ளன. தொடர்ந்து மோர் உட்கொள்வது ஆஸ்டியோபோரோசிஸ் போன்ற எலும்பு நோய்களைத் தடுக்க உதவும்.