Women's Health : பெண்களை அதிகமாக தாக்கும் 9 வகை புற்றுநோய்கள்... இந்த அறிகுறிகளை அலட்சியம் செய்யாதீர்கள்

பொதுவாக ஒரு பெண்ணின் உடல் பல மாற்றங்களுக்கு உட்படுகிறது. எனவே பெண்கள் எப்போதும் தங்கள் உடலுக்குள் அடிக்கடி ஏற்படும் மாற்றங்களை ஏற்று கொள்ளும் வகையில் தங்களை தயார் செய்து கொள்ள வேண்டும். மிகப்பெரிய நோயாக கருதப்படும் புற்றுநோயின் அறிகுறிகளை பெரும்பாலான பெண்கள் புறக்கணிக்கிறார்கள். மார்பக புற்றுநோய், பெருங்குடல் புற்றுநோய், நுரையீரல் புற்றுநோய், கர்ப்பப்பை வாய் புற்றுநோய், எண்டோமெட்ரியல் புற்றுநோய் மற்றும் தோல் புற்றுநோய் ஆகியவை பெண்கள் சந்திக்கும் சில பொதுவான புற்றுநோய்களாக இருக்கின்றன.

புற்றுநோயின் ஆரம்ப அறிகுறிகளை சரியான நேரத்தில் கவனித்து சிகிச்சை பெற்றால் நோயின் தீவிரத்தை பெரிய அளவில் தவிர்க்கலாம் என்பதை கருத்தில் கொள்வது அவசியம். எனவே புற்றுநோயின் அறிகுறிகளை பெண்கள் அறிந்து கொள்வது மிகவும் முக்கியம். புற்றுநோயின் சில பொதுவான அறிகுறிகள் இங்கே..

தொடர்ச்சியான முதுகுவலி : பெண்களுக்கு மாதவிடாய் தொடங்கி, மாதவிடாய் நிற்கும் வரை ஒவ்வொரு மாதமும் பெண்களுக்கு முதுகு வலி ஏற்படுவது பொதுவான ஒன்றாக இருக்கிறது. ஆனால் மாதவிடாய் காலங்கள் தவிர இடுப்பு மற்றும் முதுகுக்கு அருகில் நீண்ட நாட்களாக இருக்கும் வலிகளை அலட்சியம் செய்ய கூடாது. ஏனென்றால் அவை புற்றுநோயின் அறிகுறிகளாக இருக்கலாம். அடிவயிற்றின் மேல் பகுதியில் வலி ஏற்படுவது கணைய புற்றுநோயின் ஒரு அறிகுறி ஆகும்.

சீரற்ற குடல் இயக்கம் : மாதவிடாய்க்கு முந்தைய நேரத்தில் பல பெண்கள் மலச்சிக்கல், குடலில் ஏற்படும் மாற்றங்களை உணருகின்றனர். ஆனால் தொடர்ச்சியான மலச்சிக்கல் அல்லது நீண்ட நாள் குடல் எரிச்சல் உள்ளிட்ட அறிகுறிகளை ஒருவர் புறக்கணிக்க கூடாது. ஏனெனில் இது பெருங்குடல் புற்றுநோயின் ஆரம்ப அறிகுறியாகும்.

சிறுநீர் கழிப்பதில் பிரச்சனை : பெண்கள் சிறுநீர் பாதை நோய் தொற்றுகளை பல நேரங்களில் எதிர்கொள்கின்றனர். சிறுநீர் பாதையை எப்போதும் சுத்தமாக வைத்திருக்க வேண்டும் என்றாலும், குறுகிய இடைவெளியில் தொற்று மீண்டும் ஏற்பட்டால் மருத்துவரை அணுக வேண்டும். சிறுநீருடன் ரத்தம் இருக்கிறதா என்றும் பார்க்க வேண்டும், ஏனென்றால் இது சிறுநீரகப் புற்றுநோயின் அறிகுறியாகும்.

மார்பக அளவில் மாற்றம் : பொதுவாக பெண்களுக்கு மார்பக புற்றுநோய் ஏற்படுகிறது. அக்குள் அல்லது கழுத்து எலும்பில் கட்டி, உள்நோக்கிய முலைக்காம்புகள், முலைக்காம்பிலிருந்து திரவ வெளியேற்றம், மார்பகம் அல்லது முலை காம்பில் வலி, முலை காம்பைச் சுற்றி அரிப்பு உள்ளிட்டவை மார்பக புற்றுநோயின் அறிகுறிகள். வழக்கமான சுய பரிசோதனை இந்த அறிகுறிகளை ஆரம்ப நிலையிலேயே கண்டறிய உதவும்.

ஸ்கின் பேட்ச்சஸ் : சிலர் சருமத்தில் ஏற்படும் சிறிய மாற்றங்களை புறக்கணிக்கிறார்கள். ஒரு சிறிய பரு முதல் சாரும் செதில் பாதிப்புகள் வரை நீண்ட காலமாக நீடிக்கும் தோல் நோய் தொற்றுகள் சரும புற்றுநோயின் அறிகுறிகளாக இருக்கலாம்.

துர்நாற்ற திரவம் : மாதவிடாய் சுழற்சிகளுக்கு இடையில் பெண்கள் தங்கள் உடலில் இருந்து ரத்தம் அல்லது துர்நாற்றம் வீசுவதை கண்டால் மருத்துவரின் உதவியை நாட வேண்டும். உடலில் இருந்து துர்நாற்றம் வீசும் திரவம் வெளியேறுவது கர்ப்பப்பை வாய், யோனி அல்லது எண்டோமெட்ரியல் புற்றுநோயின் அறிகுறிகளாகும்.

தொடர்ச்சியான இருமல் : தொடர்ச்சியான மற்றும் நீடித்த இருமல் நுரையீரல் புற்றுநோயின் அறிகுறியாக இருப்பதால், வழக்கமான அடிப்படையில் முழுமையான உடல் பரிசோதனை இந்த நோயை கண்டறிய உதவும்.

விழுங்குவதில் சிக்கல் : உணவுகளை விழுங்குவதில் சிரமம் அல்லது சிக்கல் ஏற்பட்டால் அது வாய், தொண்டை அல்லது உணவுக்குழாயில் ஏற்படும் புற்றுநோயின் பொதுவான அறிகுறிகளில் ஒன்றாக இருக்கலாம். பிரச்சனை சில நாட்கள் நீடித்தால் உணவு பாதை, தொண்டை மற்றும் வாய் ஆகியவற்றை முறையாகப் பரிசோதிக்க வேண்டும்.

அடிக்கடி காது வலி : நோய் தொற்றின்றி காது வலி ஏற்பட்டால், நாக்கு அல்லது டான்சில் அல்லது வாயில் கூட புற்றுநோய் வர வாய்ப்பு உள்ளது.