இரவு தூங்க செல்லும் முன் பால் குடிப்பதால் உடலுக்கு கிடைக்கும் 9 நன்மைகள்..!

அன்றாட வாழ்க்கையில் அனைவருமே காலம் காலமாக பின்பற்றி வந்த சில விஷயங்களை செய்து வருகிறோம். அப்படித்தான் இரவு தூங்குவதற்கு முன்பு பால் குடிக்கும் பழக்கத்தையும் பின்பற்றி வருகிறோம். இரவு பால் குடிப்பதால் உடலுக்கு என்னென்ன நன்மைகள் கிடைக்கிறது என்பதை இந்த பதிவில் தெரிந்துக்கொள்ளலாம்.

நன்றாக தூங்க உதவுகிறது: பாலில் டிரிப்டோபான் மற்றும் பயோ ஆக்டிவ் பெப்டைடுகள் இருக்கிறது. டிரிப்டோபான் என்பது குழந்தைகளின் இயல்பான வளர்ச்சிக்கும், உடலின் புரதங்கள், தசைகள், என்சைம்கள் மற்றும் உடல் பராமரிப்புக்கும் தேவையான அமினோ அமிலமாகும்.இவை நன்றாக தூங்க உதவுகிறது.

உடல் எடை குறைப்பு : இரவில் பசி எடுக்கும் போது நொறுக்கு தீனிகளை சாப்பிடாமல் ஒரு கப் சூடான பாலை குடிக்கலாம்.

செரிமானத்தை சீராக்கும் : தூங்க செல்லும் முன் பாலில் தேன் கலந்து குடித்தால் ஆரோக்கியமான செரிமானத்திற்கு வழிவக்கும்.

ஆரோக்கியமான எலும்புகள் : நீங்கள் தினமும் பால் குடிப்பதன் மூலம் உங்கள் எலும்புகள் ஆரோக்கியமாக இருக்கும்.

மன அழுத்தத்தை குறைக்கும் : பாலில் உள்ள புரோட்டீன் மற்றும் லாக்டியம் மன அழுத்தம் மற்றும் கவலையை குறைக்க உதவும் என கூறப்படுகிறது

உடலுக்கு ஆற்றல் அளிக்கும் : தூங்க செல்லும் முன் பால் குடிப்பது அடுத்த நாள் சுறுசுறுப்பாக இருப்பதற்கான ஆற்றலை வழங்குகிறது.

இதயத்திற்கு நல்லது : குறைந்த கொழுப்பு அல்லது கொழுப்பு இல்லாத பால் குடிப்பது உங்கள் கொலஸ்ட்ரால் அளவை குறைக்க உதவுகிறது. மாட்டுப்பால் இதயத்திற்கு மிகவும் நல்லது என கூறப்படுகிறது

பளபளப்பான சருமம் : தொடர்ந்து பால் குடித்து வருவது சரும ஆரோக்கியத்திற்கு பல வகையில் உதவுகிறது. இது சருமத்தை புத்துயிர் பெற செய்து உங்கள் முகத்தை பளபளக்க வைக்கிறது.

சளி,காய்ச்சல் வராமல் பாதுகாப்பு : இரவு ஏசி அதிகமாக வைத்து தூங்கினால் சிலருக்கு திடீரென சளி பிடிக்கும். அப்படி இருப்பவர்கள் இரவு தூங்க செல்லும் முன்பு பால் குடிப்பதன் மூலம் இது போன்ற திடீர் தொற்றுகள் ஏற்படுவதற்கான வாய்ப்புகள் குறைக்கலாம்.