எட்டு போடத் தெரிஞ்சா உடல் எடையை குறைச்சிடலாமா? எப்படினு தெரிஞ்சுக்க கிளிக் பண்ணுங்க..

நடைப் பயிற்சி என்பது பொதுவாக பலரும் செய்யக் கூடிய உடற்பயிற்சியாக இருக்கிறது. எளிமையான முறையில் அதேசமயம் காசே செலவில்லாமல் உடல் எடையைக் குறைக்க இதுவும் ஒரு நல்ல பயிற்சிதான். இந்த நடைப்பயிற்சியில் பல வகைகள் உண்டு. அதில் ஒரு வகைதான் எட்டு வடிவில் நடப்பது. ஆம்..எப்படி ஓட்டுநர் உரிமம் வாங்க வளைந்து வளைந்து எட்டு போடுவோமோ அதேபோல்தான் கொழுப்பைக் குறைக்க எட்டு ஷேப்பில் வளைந்து வளைந்து நடக்க உடல் எடை குறையும் என மருத்துவர்கள் கூறுகின்றனர். எப்படி என்று பார்க்கலாம்.

அதாவது எட்டுபோல் இரண்டு வட்டங்களை ஒட்டியபடி போட வேண்டும். இந்த பயிற்சி சாதாரண நடைப் பயிற்சிதான். இதை தோட்டம், மாடி, கார் பார்க்கிங் இப்படி விசாலமாக இருக்கும் இடங்களில் முயற்சிக்கலாம்.

தரையில் புகைப்படத்தில் குறிப்பிட்டுள்ளதுபோல் எட்டு போட்டுக்கொண்டு அந்த ஷேப்பிற்குள்ளேயே எட்டு போடும் முறையில் நடக்க வேண்டும்.

இப்படி தினமும் காலையில் வெறும் வயிற்றில் அல்லது மாலையில் 5 முதல் 6 மணிக்குள் தேர்வு செய்து நடக்க வேண்டும்.

தெற்கிலிருந்து வடக்காக கடிகார வட்டப்பாதையில் 15 நிமிடங்களும் அதேபோல் எதிர் திசையில் 15 நிமிடங்களும் மாறி மாறி நடக்க வேண்டும். உங்களுடைய வேகத்திற்கு ஏற்ப நேரத்தை கூட்டியும் குறைத்தும் கொள்ளலாம்.

இப்படி செய்வதால் உடலின் சக்ரா நிலைகள், உறுப்புகள் அனைத்தும் செயல்பாட்டில் இருக்கும். இது புவி ஈர்ப்பு விசைக்கு எதிராக இருப்பதால் ஆற்றல் மிக்க பயிற்சியாக இருக்கும் என கூறுகின்றனர்.

இந்த எட்டு அமைப்பிலான நடைபயிற்சியில் கால்கள், முழங்கால், முழங்கை, முட்டி, அடிவயிறு, இடுப்பு, தோல்பட்டை, கழுத்து, தலை என அனைத்தும் இயக்கத்தில் இருக்கும். இதனால் உடலுக்கு நல்ல பயிற்சியாக அமையும். இதனால் உடலுக்கு இரத்த ஓட்டம் சீராக பாயும்.

அந்த எட்டுக்குள்ளேயே நடக்க வேண்டும் என்னும் எண்ணம் கவனச்சிதறலை போக்கும். மன அழுத்தம் குறையும். மனதை ஒருநிலைப்படுத்தும்.

இந்த சமயத்தில் அக்குபஞ்சர் முறையிலான காலணியை அணிந்து நடந்தால் உள் உறுப்புகளுக்கும் ஆற்றல் கிடைக்கும் என கூறப்படுகிறது. இதனால் நாள்பட்ட நோய்களும் தீரும் என்கின்றனர்.

இதை தினசரி பயிற்சியாகக் கடைபிடிப்பதால் தலைவலி, அஜீரணக் கோளாறு, தைராய்டு, உடல் பருமன், சிறுநீர வலி, மலச்சிக்கல், ரத்த அழுத்தம் இப்படி பல பிரச்னைகளைக் கட்டுப்படுத்தலாம் என மருத்துவர்கள் கூறுகின்றனர்.

இந்த பயிற்சியை சிறியவர்கள் முதல் பெரியவர்கள் வரை முயற்சிக்கலாம் என கூறப்படுகிறது. குறிப்பாக நடைபயிற்சி மூலம் உடல் எடையைக் குறைக்க நினைப்பவர்கள் இதை முயற்சி செய்து பார்க்கலாம்.