உடலில் உள்ள கழிவுகளை வெளியேற்றுவதில் முக்கிய பங்கு வகிக்கும் சிறுநீரகத்தை பாதுகாக்க சோடா, பதப்படுத்தப்பட்ட இறைச்சிகள், வெண்ணெய் போன்ற பல்வேறு உணவுகள் சாப்பிடுவதை கட்டாயம் தவிர்க்க வேண்டும். மனித உடலின் போர்வீரர்களாக செயல்படும் சிறுநீரகங்கள், உடலில் இருந்து கழிவுகள் மற்றும் கூடுதல் திரவத்தை அகற்றுவதில் முக்கிய பங்கு வகிக்கின்றன.
இல்லாவிடில் சிறுநீரகத்தில் கற்கள் உருவாவதிலிருந்து சிறுநீரக புற்றுநோய் உள்ளிட்ட நோய்களின் அபாயம் ஏற்படும். மேலும் நோயின் தீவிரம் அதிகரித்தால் சில நேரங்களில் சிறுநீரக செயலிழப்பு ஏற்படலாம். எனவே ஆரம்பத்தில் கண்டறிய வேண்டும், இல்லாவிடில் டயாலிசியஸ் மேற்கொள்ளும் நிலைக்கு தள்ளப்படுவீர்கள். இந்த சூழலில் உங்களது சிறுநீரகத்தை பாதுகாப்பாக வைத்து கொள்ளவதற்கு முதலில், தேவையில்லா உணவுகள் சாப்பிடுவதை உடனடியாக தவிர்க்க வேண்டும். இதோ அந்த லிஸ்ட் உங்களுக்காக…
பதப்படுத்தப்பட்ட இறைச்சிகள்: பன்றி இறைச்சி, பர்கர் பஜ்ஜி போன்ற பதப்படுத்தப்பட்ட இறைச்சிகளில் கணிசமான அளவு சோடியம் மற்றும் புரதம் அதிகளவில் உள்ளது. இவற்றை உட்கொள்ளும் போதும் இரத்த அழுத்தத்தை அதிகரிக்கும் மற்றும் சிறுநீகரகங்களில் கூடுதல் அழுத்தத்தை உருவாக்குவதோடு இரு சிறுநீரகங்களும் ஆரோக்கியமற்றதாக மாறுகிறது. பதப்படுத்தப்பட்ட இறைச்சிகளை உட்கொள்ளாமல் ப்ரெஷான இறைச்சிகளை சாப்பிட முயலுங்கள்.
உறைந்த உணவுகள்( Frozen meals) : தற்போது பல சூப்பர் மார்க்கெட்டுகளில் உறைந்த உணவுகள் என்ற பெயரில் பாக்கெட் உணவுகள் விதவிதமாக கிடைக்கின்றன. இவை நீண்ட நாள்களுக்கு கெட்டுப்போகாமல் இருக்கவும், உணவின் தன்மை, வைட்டமின் போன்றவை மாறாமல் இருக்க சுமார் 18 டிகிரி செல்சியஸில் உறையவைக்கப்படுவதால் உடல் நலத்திற்கு கேடு விளைவிக்கிறது. நீங்கள் சமைக்கும் போது ப்ரெஷ்ஷான பழங்கள் மற்றும் காய்கறிகளை சமைத்து சாப்பிடுங்கள்.
இதே போன்று கொழுப்பு நிறைந்த வெண்ணெய், அவகோடா, உப்பு,வேர்க்கடலை, காபி, சிவப்பு இறைச்சி, அதிக இனிப்புகள் உள்ள குக்கீஸ்கள் போன்ற உணவுப் பொருள்களையும் தவிர்க்க வேண்டும். இல்லாவிடில் உங்களது சிறுநீரகத்தில் பல பாதிப்புகள் ஏற்படும். கழிவுகளை வெளியேற்றும் சிறுநீரகங்கள் செயலிழந்தால் உடல் பிற உறுப்புகளும் கொஞ்சம் கொஞ்சமாக பாதிப்பை சந்திக்க நேரிடும். எனவே உங்களது கிட்னியை பாதுகாக்க இது போன்ற ஆரோக்கியமற்ற உணவுகளை இப்பொழுதே தவிர்த்துவிடுங்கள்.