சும்மா கொடுத்தால் கூட 8 மணிக்கு மேல் இந்த உணவுகளை சாப்பிடாதீங்க... உயிருக்கே ஆபத்தாகலாம்..!

இரவு உணவை நீங்கள் எப்போது சாப்பிடுகிறீர்கள்? 8 மணிக்கு முன்பு அல்லது பிறகு? நீங்கள் ஆரோக்கியமாக இருக்க வேண்டும் என முயற்சி செய்கிறீர்கள் என்றால் இரவு 8 மணிக்கு முன்பாக சாப்பிடுவது நல்லது. 8 மணிக்கு பிறகு இரவு உணவை எடுத்துக் கொள்கிறீர்கள் என்றால் உடல் பருமன் ஏற்படக் கூடும்.

நீங்கள் தூங்கச் செல்வதற்கு 2 அல்லது 3 மணி நேரத்திற்கு முன்பாக பழங்கள் எதையும் சாப்பிடக் கூடாது என்று சொல்லப்படுவதில் உண்மை இருக்கிறதா அல்லது அது கட்டுக்கதையா? என்ற கேள்விக்கும் இந்த செய்தியில் விடை காணலாம். நீங்கள் என்ன சாப்பிடுகிறீர்கள் என்பதைக் காட்டிலும், அதை எப்போது சாப்பிடுகிறீர்கள் என்பதே மிக முக்கியமானது என்கிறார் ஊட்டச்சத்து நிபுணர் பாலக் மிதா. தூங்குவதற்கு 2 அல்லது 3 மணி நேரத்திற்கு முன்பாக எதையுமே சாப்பிடக் கூடாது என அறிவுறுத்துகிறார் அவர்.

ஒருவேளை தூங்குவதற்கு ஒரு மணி நேரத்திற்கு முன்பாக சாப்பிட வேண்டிய சூழலில் நீங்கள் உள்ளீர்கள் என்றால், நீங்கள் குறைவாக சாப்பிட வேண்டும் அல்லது லேசான உணவுப் பொருள்களாக இருக்க வேண்டும். உண்ணும் உணவு எளிதாக செரிமானம் அடையக் கூடியதாக இருக்க வேண்டும். தூங்குவதற்கு சற்று முன்பாக சாப்பிடும் நபர்களுக்கு உடலில் அதிகப்படியான கலோரிகள் சேர்ந்து விடுகிறது. அதுதான் உடல் பருமனுக்கு காரணமாக அமைகிறது. வயிறு பசிக்கிறது என்றாலும், இரவில் தாமதாமாக சாப்பிடும் பழக்கம் உடையவர் என்றாலும் 8 மணிக்குப் பிறகு சில உணவுகளை தவிர்ப்பது நல்லது. அவை என்னென்ன பார்க்கலாம்.

சாக்லேட்: இனிப்பு சாப்பிட வேண்டும் என்ற உங்கள் ஆசையை இது பூர்த்தி செய்யலாம். ஆனால், கூடுதல் கலோரிகள் சேர்ந்து விடும். இதில் அதிக மெக்னீசியம் மற்றும் ஆண்டிஆக்சிடண்ட் இருப்பதால் தூக்கத்தை கலைத்துவிடும்.

மது: உடல் எடையை குறைத்து, தசைகளை வலுப்படுத்த வேண்டும் என்று முயற்சி செய்கிறீர்கள் என்றால் கட்டாயம் மதுவை தவிர்க்க வேண்டும். அதிலும், இரவில் அதை தொடவே கூடாது.

சிப்ஸ்: எண்ணெய்யில் பொறித்து எடுக்கப்பட்ட சிப்ஸ்களில் அதிக கலோரிகள் இருக்கும். டிவியில் பிடித்தமான நிகழ்ச்சிகளை பார்த்துக் கொண்டிருக்கும் போது சிப்ஸ் சாப்பிடும் பழக்கத்தை கைவிட வேண்டும்.

செயற்கை பானங்கள்: செயற்கை பானங்கள் நம் மனதில் குதூகலத்தை ஏற்படுத்தும். அதை சுவைத்துவிட வேண்டும் என மனமும் விரும்பும். ஆனால், இதை இரவில் எடுத்துக் கொள்ளக் கூடாது. ஏனென்றால் அதில் அதிகப்படியான சர்க்கரை மற்றும் கலோரிகள் உள்ளன.

ஐஸ்கிரீம்: ஐஸ்கிரீம் யாருக்குத்தான் பிடிக்காது. ஆனால், இரவில் இதை சுவைத்தோம் என்றால் உடல் பருமன் ஏற்படுவது உறுதி. ஆகவே இதை தவிர்க்க வேண்டும்.