சிறுநீரகத்தின் ஆரோக்கியத்தை மேம்படுத்தும் இந்த 5 உணவுகளை தினசரி உட்கொள்ளுங்கள்..!

இன்றைய மோசமான வாழ்க்கை முறை உடலின் ஆரோக்கியம் கொஞ்சம் கொஞ்சமாக உறிஞ்சப்படு வருகிறது. அதில் சிறுநோரகமும் விதிவிலக்கல்ல. சிறுநீரகம் நம் உடலின் நச்சுக்களை வெளியேற்றும் வடிக்கடி எனலாம். ஆனால் குடிப்பழக்கம், உணவு முறை மூலம் அதன் ஆரோக்கியத்தை மோசமாக்கி வருகிறோம். இதனால் சிறுநீரகக் கல் தொடங்கி சிறுநீரக செயலிழப்பு வரை பல சிறுநீரக பாதிப்புகளை அனுபவித்து வருகின்றனர். ஆரோக்கியமாக இருக்க உடற்பயிற்சி மட்டும் போதாது. ஆரோக்கியமான உணவும் அவசியம். அந்த வகையில் சிறுநீரகத்தின் ஆரோக்கியத்தை மேம்படுத்தும் இந்த உணவுகளை தினசரி உணவுடன் சேர்த்து சாப்பிட்டு வாருங்கள்.

கீரை : பச்சை இலை காய்கறியில் வைட்டமின்கள் ஏ, சி, கே, இரும்பு, மெக்னீசியம் மற்றும் ஃபோலேட் அதிகம் உள்ளது. கீரையில் பீட்டா கரோட்டின் உள்ளது. இது நோய் எதிர்ப்பு சக்தியை அதிகரிக்க உதவுகிறது. சிறுநீரகத்தை ஆரோக்கியமாக வைத்திருக்க கீரையை உங்கள் தினசரி உணவில் சேர்த்துக் கொள்ளுங்கள்.

அன்னாசி : அன்னாசி சாப்பிடுவது நோய் எதிர்ப்பு சக்தியை அதிகரிக்க உதவும். இதில் அதிக நார்ச்சத்து உள்ளது. இது சிறுநீரக நோய்களைத் தடுக்க உதவுகிறது. இது மாங்கனீசு, வைட்டமின் சி மற்றும் ப்ரோமலின் என்ற நொதியால் நிறைந்துள்ளது. மேலும் வீக்கத்தைக் குறைக்க உதவுகிறது. சிறுநீரக பிரச்சினைகள் உள்ளவர்களுக்கு இது குறைந்த பொட்டாசியம் மாற்றாக இருக்கும்.

குடைமிளகாய் : குடைமிளகாயில் ஆன்டிஆக்ஸிடன்ட்கள் அதிகம் உள்ளன. தவிர, இதில் குறிப்பிடத்தக்க அளவு வைட்டமின் சி உள்ளது. சிறுநீரகங்களை ஆரோக்கியமான நிலையில் வைத்திருக்க உணவில் குடைமிளகாய் சேர்க்கப்பட வேண்டும்.

காலிஃபிளவர் : காலிஃபிளவரில் வைட்டமின் சி, ஃபோலேட் மற்றும் ஃபைபர் அதிகம் உள்ளது. இந்த ஊட்டச்சத்துக்களின் ஆரோக்கியமான மூலமாக இருக்கிறது. இதனால் நச்சுகளை சுத்தம் செய்ய உடலுக்கு உதவுகிறது. காலிஃபிளவர் சாப்பிடுவது சிறுநீரகங்களை ஆரோக்கியமாக வைத்திருக்க உதவும். ஏனெனில் இதில் அதிக அளவு சோடியம், பொட்டாசியம் அல்லது பாஸ்பரஸ் இல்லை. இதனால் சிறுநீரகத்தின் மீதான அழுத்தம் குறைகிறது.

பூண்டு : பூண்டில் குறைந்த சோடியம், பொட்டாசியம் மற்றும் பாஸ்பரஸ் உள்ளடக்கம் உள்ளது. இது சிறுநீரக நோயால் பாதிக்கப்பட்டவர்களுக்கு கொடுக்கலாம். உணவில் உள்ள பூண்டு சிறுநீரகத்தை ஆரோக்கியமாக வைத்திருக்க உதவும்.