Immunity Booster : நோய் எதிர்ப்பு சக்தியை அதிகரிக்க உதவும் 4 வகையான மூலிகைகள்..!

கொரோனா நேரத்தில் நாட்டு வைத்தியங்கள்தான் பலரும் பின்பற்றி வருகின்றனர். மருத்துவமனைகளை நாடாமல் வீட்டில் இருக்கும் பொருட்களை வைத்தே நோய் எதிர்ப்பு சக்தியை அதிகரிக்கும் விஷயங்களை செய்து வருகின்றனர். அந்த அவகையில் நோய் எதிர்ப்பு சக்தியை அதிகரிக்கும் இந்த நான்கு மூலிகைகளைப் பற்றி தெரியுமா உங்களுக்கு..?

சீந்தில் இலைகள் : இது நீண்ட நாட்களாக ஞாப சக்தியை அதிகரிக்கும் என்று பயன்படுத்தப்பட்டு வருகிறது. அதுமட்டுமன்றி இது எண்ணற்ற உடல் ஆரோக்கியங்களையும் கொண்டுள்ளது. குறிப்பாக நோய் எதிர்ப்பு சக்தி சிறப்பாக செயல்பட வெள்ளை இரத்த செல்களும் அவசியம். அவற்றை சீராக பராமரிப்பதில் சீந்தில் ஆற்றல் மிக்கது.

அதோடு சீந்தில் பாரம்பரியமாக மூச்சுக்குழாய் அழற்சி மற்றும் நாள்பட்ட இருமல் போன்ற பல நோய்களுக்கு சிகிச்சையளிக்கப் பயன்படுத்தப்படுகிறது. சுவாச அமைப்பில், சளி சவ்வை மட்டுப்படுத்துகிறது. இது ஆஸ்துமாவுக்கு எதிராக மிகவும் பயனுள்ளதாக இருக்கும். சீந்தில் ஒரு வலுவான செரிமான அமைப்பை மேம்படுத்துவதற்கும் செயல்படுகிறது. ஒருவர் சீந்தில் இலை தூள் அல்லது மாத்திரைகளை தினமும் உட்கொள்ளலாம். இவை எளிதில் கிடைக்கக்கூடியவை. ஆனால் அதை நீங்களாகவே எடுத்துக்கொள்ளக் கூடாது. ஏதேனும் நோய் இருப்பின் மருத்துவரை கேட்டுக்கொண்டு பிறகு சாப்பிடலாம்.

அஸ்வகந்தா : இந்தியா, மத்திய கிழக்கு மற்றும் ஆப்பிரிக்காவின் சில பகுதிகளில் வளர்க்கப்படும் இந்த மூலிகை பாரம்பரிய மருத்துவத்தில் பயன்படுத்தப்பட்ட வரலாறுகளை நிறைய கொண்டுள்ளது. “இந்தியன் ஜின்ஸெங் ( சீன மூலிகை )” என்றும் அழைக்கப்படும். இந்த மூலிகை வலி மற்றும் வீக்கத்தை எளிதாக்க, தூக்கமின்மைக்கு சிகிச்சையளிக்க, பிற பிரச்னைகளுக்கும் ஆயிரக்கணக்கான ஆண்டுகளாக பயன்படுத்தப்படுகிறது.

மூலிகை என்பது மன அழுத்தத்தை போக்கவும் பயன்படுத்தப்படுகிறது. எனவே இது போன்ற நேரங்களில் மிகவும் உதவியாக இருக்கும். இது அழற்சி எதிர்ப்பு செயல்பாட்டை நிரூபித்துள்ளது. இது அழற்சி மூட்டுக் கோளாறுகளை நிர்வகிக்க உதவுகிறது. அஸ்வகந்தா காப்ஸ்யூல், தூள் அல்லது மாத்திரைகளை சூடான பால் அல்லது தண்ணீருடன் மருத்துவர் பரிந்துரைப்படி உட்கொள்ளலாம்.

துளசி : துளசி ஒரு இயற்கை நோயெதிர்ப்பு மண்டலத்தை ஊக்கப்படுத்தி தொற்றுநோய்களைத் அழிப்பதில் மிகவும் பயனுள்ளதாக இருக்கும். இது பொதுவான சுவாச நோய்த்தொற்றுகளிலிருந்து பாதுகாக்க உதவுகிறது மற்றும் சுவாசக் கோளாறுகளை நீக்குகிறது. இது பொதுவாக கவலை, மன அழுத்தம் மற்றும் சோர்வு ஆகியவற்றிற்கும் பயன்படுத்தப்படுகிறது. மேலும் ஆஸ்துமா, மூச்சுக்குழாய் அழற்சி, சளி மற்றும் காய்ச்சலுக்கு சிகிச்சையளிக்க மூலிகை சூத்திரங்களில் பயன்படுத்தப்படலாம். இதில் ஆன்டிஆக்ஸிடன்ட்கள் அதிகம் இருப்பதால் உடல் நச்சுத்தன்மையை நீக்க உதவுகிறது. துளசியை பச்சையாகவும் உட்கொள்ளலாம். இலைகலை தண்ணீரில் கொதிக்க வைத்து குடிக்கலாம்.

நெல்லிக்காய் : இது பலவிதமான உடல்நலப் பிரச்சினைகளுக்கு, குறிப்பாக சுவாசக் குழாய் பிரச்சினைகளுக்கு உதவியாக இருக்கும். இது கல்லீரல், இதயம், மூளை மற்றும் நுரையீரலின் ஆரோக்கியமான செயல்பாட்டை ஊக்குவிப்பதாக கருதப்படுகிறது. இதில் வைட்டமின் சி, அமினோ அமிலங்கள், பெக்டின் மற்றும் ஆக்ஸிஜனேற்றிகள் போன்ற ஊட்டச்சத்துக்களின் வளமான மூலமாகவும் இருக்கிறது. அழற்சி எதிர்ப்பு, ஆண்டிமைக்ரோபியல், காஸ்ட்ரோபுரோடெக்டிவ் மற்றும் ஆண்டிடியாபெடிக் போன்ற பண்புகளுக்கு பெயர் பெற்ற மூலிகையாகும். அதன் பல நன்மைகளுடன், இது உடலின் ஒட்டுமொத்த நோயெதிர்ப்பு சக்தியை மேம்படுத்தவும் உதவுகிறது. நெல்லிக்காயை பச்சையாகவோ, ஊறுகாய்களாகவோ அல்லது தண்ணீர் மற்றும் பிற சாறுகளில் கலக்கக்கூடிய ஒரு தூளாகவோ உட்கொள்ளலாம்.

தினசரி மூலிகை மருந்துகளை உட்கொள்வது சிறப்பான பழக்கம் என்றாலும் கொரோனா விதிமுறைகளையும் மறவாமல் பின்பற்றுவது அவசியம். அதோடு நல்ல உணவுமுறை , உடற்பயிற்சி என ஆரோக்கியமான வாழ்க்கை முறையை பின்பற்றுவது கொரோனா மட்டுமன்றி நீண்ட நாட்கள் நோயின்றி வாழவும், மனதையும், உடலையும் ஆரோக்கியமாகவும் வைத்துக்கொள்ள உதவும்.