World food safety day 2021 : உலக உணவு பாதுகாப்பு நாளில் ஆரோக்கியமான வாழ்க்கை முறைக்கு உங்கள் உணவுப்பழத்தை எவ்வாறு மாற்றலாம்..?

இன்று உணவு என்பதை விட ருசி மீதான மோகம் தான் அதிகரித்துள்ளது. அதன்விளைவு தான் நோய்கள் அதிகரிப்பிற்குக் காரணம். எனவே ஆரோக்கியமான அதேசமயம் பாதுகாப்பான உணவை மக்கள் சாப்பிட வேண்டும் என்பதை வலியுறுத்தி...உணவின் பாதுகாப்பை உறுதி செய்யும் பொருட்டு ஐக்கிய நாடுகள் சபை, ஒவ்வொரு ஜூன் 7 அன்று உணவுப் பாதுகாப்பு நாள் கடைப்பிடிக்க அறிவித்தது. எனவே இந்நாளிலிருந்து ஆரோக்கியமான வாழ்க்கைக்கு எந்த மாதிரியான உணவுப் பழக்கம் அவசியம் என்பதை தெரிந்துகொள்ளுங்கள்.

ஹைட்ரஜனேற்றப்பட்ட கொழுப்பு உணவுகளைத் தவிருங்கள் : அதாவது எண்ணெய்யில் பொறித்து பொட்டலத்தில் அடைக்கப்பட்ட உணவு, பதப்படுத்தப்பட்ட உணவுகளான குக்கீஸ் மற்றும் சிப்ஸ் வகைகள் போன்றவற்றை முற்றிலுமாகத் தவிருங்கள். அதற்கு பதிலாக ஆர்கானிக் உணவு, ஆலிவ் எண்ணெய், தேங்காய் எண்ணெய் , நட்ஸ் எண்ணெய் போன்ற எண்ணெய்யை தினசரி உணவு சமைக்கப் பயன்படுத்துங்கள்.

ஒமேகா 3 கொழுப்பு அமிலம் அதிகம் சேர்த்துக்கொள்ளுங்கள் : ஒமேகா 3 இதயத்தின் ஆரோக்கியத்திற்கு மிக முக்கிய கொழுப்பு அமிலமாகும். எனவே மீன் வகைகள், முட்டை, புரக்கோலி, நட்ஸ் வகைகள். ஆலிவ் எண்ணெய் என அதிக ஒமேகா 3 கொழுப்பு அமிலம் கொண்ட உணவுகளைத் தேர்ந்தெடுத்து சாப்பிடுங்கள். தினசரி உணவோடு கட்டாயம் எடுத்துக்கொள்ளுங்கள்.

டையட் சோடா மற்றும் குளிர்பாணங்களைத் தவிருங்கள் : டையட் சோடா மற்றும் இதர குளிர்பானங்கள் சர்க்கரையின் தேக்கத்தை அதிகமாகக் கொண்டிருப்பதை பல ஆய்வுகள் கண்டறிந்து எச்சரித்து வருகின்றன. எனவே அதிக சர்க்கரை நீரழிவு நோய், உடல் எடை அதிகரித்தல் போன்ற பிரச்னைகளை உண்டாக்கலாம். எனவே அவற்றைத் தவிர்த்து வீட்டிலேயே பழம் மற்றும் காய்கறியில் ஜூஸ் போட்டு குடியுங்கள். அப்படியே சாப்பிடுவது மேலும் சிறப்பு.

சர்க்கரை அளவை சமமாக வைத்துக்கொள்ளுங்கள் : ரத்தத்தில் அதிக சர்க்கரைக் கலப்பதாலேயே சர்க்கரை நோய் பெரும்பாலானோரை வாட்டுகிறது. எனவே சர்க்கரை நிறைந்த உணவுகளைத் தவிர்த்து ஊட்டச்சத்து மிக்க உணவுகள், ஆரோக்கியமான கொழுப்பு உணவுகள் சாப்பிடுவது இரத்தத்தின் சர்க்கரை அளவை சீராக வைத்துக்கொள்ள உதவும்.

தாவர உணவுகளை அதிகம் சாப்பிடுங்கள் : அதிக வைட்டமின், மினரல் , நார்ச்சத்து, ஃபைட்டோ நியூட்ரியன்ஸ், ஆண்டி ஆக்ஸிடண்ட் மற்றும் அழற்சி எதிர்ப்பு மூலக்கூறுகள் தாவரத்தை சார்ந்த காய்கறிகள், கீரை வகைகளில்தான் அதிகமாகக் கிடைக்கின்றன.

தண்ணீர் அதிகம் அருந்துங்கள் : ஆரோக்கியம் என்றதும் கட்டாயம் இடம் பெறுவது தண்ணீர் அருந்துங்கள் என்பதுதான். அதனால் எண்ணற்ற நன்மைகள் கிடைக்கின்றன. எனவே எப்போதும் தண்ணீர் அருத்தத் தவறாதீர்கள்.