காலிஃபிளவர் இலைகளில் கூட இவ்வளவு நன்மைகள் இருக்கா..? இனி தூக்கி போடாதீங்க..!

பலருக்கும் விருப்பமான காய்கறிகளில் ஒன்றாக இருக்கும் காலிஃபிளவர் எண்ணற்ற ஆரோக்கிய நன்மைகளை கொண்டுள்ளது. பொதுவாக காலிஃபிளவரில் இருக்கும் பூக்களை மட்டுமே சமைத்து உண்ணும் நாம், அதனை சுற்றி இருக்கும் இலைகளை குப்பையில் வீசி விடுகிறோம்.

நாம் இப்படி குப்பையில் வீசி எறியும் காலிஃபிளவர் இலைகள் சமைக்க பயன்படுத்தப்பட்ட அந்த காயின் அளவிற்கு சமமாக இருக்கும். ஆனால் இப்படி கழிவு பொருளாக நாம் தூக்கி எறியும் காலிஃபிளவர் இலைகள் பல ஊட்டச்சத்துக்கள் நிறைந்தது. இது தெரியாமல் நம்மில் பலரும் இவற்றின் ஊட்டச்சத்து திறனை போதுமான அளவு பயன்படுத்தி கொள்ளாமல் இருக்கிறோம். காலிஃபிளவர் இலைகளை சாப்பிடுவதால் கிடைக்கும் நன்மைகள் என்னென்ன என்று இந்த பதிவில் தெரிந்துக் கொள்ளலாம்.

ப்ரோட்டீன் நிறைந்தது: காலிஃபிளவர் இலைகளில் ப்ரோட்டீன் மற்றும் மினரல்ஸ் அதிகம் உள்ளன. காலிஃபிளவரில் உள்ளதை விட காலிஃபிளவர் இலைகளில் இரண்டு மடங்கு ப்ரோட்டீன் சத்து உள்ளது. இவை குழந்தைகளின் வளர்ச்சி மற்றும் மேம்பாட்டிற்கு முக்கியமானவை. குழந்தைகளின் உயரம், எடை மற்றும் ஹீமோகுளோபின் வளர்ச்சிக்கு காலிஃபிளவர் இலைகளை அவர்களின் டயட்டில் சேர்ப்பது பெரிதும் உதவுகிறது. தினசரி காலிஃபிளவர் இலைகளை உட்கொள்வது ஊட்டச்சத்து குறைபாடுள்ள குழந்தைகளுக்கு மிகவும் பயனுள்ளதாக இருக்கும்.

ஃபைபர் சத்து நிறைந்தது: காலிஃபிளவர் இலைகளில் நிறைந்திருக்கும் மற்றொரு முக்கிய ஊட்டச்சத்து ஃபைபர் ஆகும். ஃபைபர் சத்து நிறைந்த காலிஃபிளவர் இலைகள் எடை இழப்புக்கு ஏற்ற உணவாக அமைகிறது. சாலட், சூப் அல்லது டிரஸ்ஸிங்குடன் கூடிய ஸ்நாக்ஸ் போன்ற வடிவங்களில் காலிஃபிளவர் இலைகளை உட்கொள்ளலாம்.

அதிக அளவு வைட்டமின் ஏ: பல்வேறு ஆய்வுகளின்படி காலிஃபிளவர் இலைகளில் வைட்டமின் ஏ நிறைந்துள்ளது. இதில் நிறைந்திருக்கும் வைட்டமின் ஏ சீரம் ரெட்டினோல் அளவை திறம்பட உயர்த்துகிறது. எனவே கண் ஆரோக்கியத்தை பராமரிக்க மற்றும் மாலைக்கண் நோய் ஏற்படுவதை தடுக்க பயனுள்ளதாக இருக்கும்.

ஆன்டிஆக்ஸிடன்ட்ஸ் அதிகம்: காலிஃபிளவர் இலைகளில் ஆன்டிஆக்ஸிடன்ஸ்களும் நிறைந்துள்ளன. இவை ஃப்ரீ ரேடிக்கல் சேதத்திலிருந்து பாதுகாக்கின்றன. மேலும் ஆக்ஸிடேட்டிவ் ஸ்ட்ரஸ் மற்றும் நாள்பட்ட நோய்களின் அபாயத்தை குறைக்கிறது.

கால்சியம் சத்து: தேவையில்லை என்று நாம் தூக்கி எறியும் காலிஃபிளவர் இலைகளில் கால்சியம் நிறைந்துள்ளது. இதிலுள்ள கால்சியம் போஸ்ட்மெனோபாஸை எதிர்கொள்ளும் பெண்களின் சிக்கல்களை குறைக்க உதவுகிறது.

கால்சியம் சத்து: தேவையில்லை என்று நாம் தூக்கி எறியும் காலிஃபிளவர் இலைகளில் கால்சியம் நிறைந்துள்ளது. இதிலுள்ள கால்சியம் போஸ்ட்மெனோபாஸை எதிர்கொள்ளும் பெண்களின் சிக்கல்களை குறைக்க உதவுகிறது.

இரும்பு சத்து: காலிஃபிளவர் இலையில் இரும்புச் சத்து அதிகம் உள்ளது. 100 கிராம் அளவிலான ஃபிரெஷ்ஷான காலிஃபிளவர் இலைகளில் 40mg இரும்புச் சத்து உள்ளது. மேலும் காலிஃபிளவருடன் ஒப்பிடும் போது அதன் இலைகளில் உள்ள பாஸ்பரஸின் அளவு 2 மடங்கு அதிகம் ஆகும். அதே போல காலிஃபிளவரில் உள்ளதை விட3 மடங்கு மினரல்ஸ்களை காலிஃபிளவர் இலைகள் வழங்குகின்றன.