ஆயுர்வேதத்தின் படி உங்கள் நாளை ஒரு ஸ்பூன் நெய்யுடன் தொடங்கினால் இந்த பிரச்சனைகளே இருக்காது..!

நெய் என்பது ஒரு பழமையான அதிமருந்து. இந்திய உணவின் முக்கிய அங்கமாக வகிப்பது மட்டுமன்றி பல ஆயுர்வேத வைத்தியம் மற்றும் பண்டைய மருந்துகளின் இன்றியமையாத பகுதியாகும். ஆயுர்வேத வல்லுநர்கள், அதிகாலையில் ஒரு ஸ்பூன் ன நெய், பொதுவான உடல்நலப் பிரச்சினைகளை சரிசெய்ய உதவும் என்று நம்புகிறார்கள். நெய் எப்படி மற்றும் ஏன் நோய்களை குணப்படுத்தும் பழங்கால மருந்தாக உள்ளது என்னும் ரகசியத்தை கண்டுபிடிப்போம்.

பசுவின் பாலில் தயாரிக்கப்படும், நெய்யில் புரதம், ஆக்ஸிஜனேற்றிகள், ஆரோக்கியமான கொழுப்புகள் மற்றும் தாதுக்கள் உள்ளன. இது பாரம்பரியமாக அதிகாலையில் ஒரு மருந்தாக உட்கொள்ளப்பட்டு, உடலின் நச்சுத்தன்மையாக செயல்பட்டு செல்களை புத்துயிர் பெறச் செய்கிறது. செரிமான செயல்பாட்டின் போது சிறுகுடலில் உள்ள ஊட்டச்சத்துக்களை உறிஞ்ச அதிகாலையில் ஒரு சிறிய அளவு நெய் உட்கொள்வது சிறந்தது என்று கூறப்படுகிறது.

நெய் இரைப்பைக் குழாயின் pH அளவைக் குறைக்கிறது என்று நம்பப்படுகிறது. சிறந்த செரிமானம், வளர்சிதை மாற்றத்தை மேம்படுத்துகிறது. மலமிளக்கியாக செயல்படுகிறது மற்றும் குடல் ஆரோக்கியத்தை மேம்படுத்துகிறது. மேலும் , காலை அருந்தக்கூடிய புத்துணர்ச்சி பானத்தில் நெய்யைச் சேர்த்து அருந்தினால் ஃப்ரீ ரேடிக்கல்களால் சேதமடைந்த செல்களை மீண்டும் உருவாக்க உதவுகிறது. ஆயுர்வேதத்தின்படி நெய் ஏன் மிகவும் முக்கியமானது என்பதை பார்க்கலாம்.

ஆயுர்வேத நிபுணர்களின் கூற்றுப்படி, காலை உணவில் நெய் சேர்ப்பது அல்லது ஒரு ஸ்பூன் நெய் உட்கொள்வது உடலுக்கு ஒரு ‘ரச’மாக செயல்படுகிறது. நெய் உடலின் உயிரணுக்களுக்கு ஊட்டமளிக்கும் ஆதாரமாக செயல்படுகிறது மற்றும் செல் சேதத்தை மாற்றியமைக்க உதவுகிறது. நெய்யில் பியூட்ரிக் அமிலம் மற்றும் ட்ரைகிளிசரைடுகள் இருப்பதால், ஆரோக்கியமற்ற கொழுப்பை வெளியேற்றி, நல்ல கொழுப்பை ஊக்குவிக்கிறது. இது இதய ஆரோக்கியத்திற்கு நல்லது. அதேசமயம் நெய்யை அளவாக உட்கொள்வது அவசியம். ஏனெனில் அதிக அளவு நெய்யில், நிறைவுற்ற கொழுப்புகள் இருப்பதால் எடை அதிகரிக்க வழிவகுக்கும்.

காலைப் பழக்கம் அன்றைய நாளுக்கான சிறப்பான தொடக்கமாக அமைக்கிறது. எனவே ஒருவர் தங்கள் காலை பானங்கள் அல்லது உணவுகளைத் தேர்ந்தெடுப்பதில் மிகவும் கவனமாக இருக்க வேண்டும். நிபுணர்களின் கூற்றுப்படி, ஒரு டீஸ்பூன் நெய்யை ஒரு கிளாஸ் வெதுவெதுப்பான தண்ணீருடன் உட்கொள்வது உடலுக்கு ஒரு டானிக் போல வேலை செய்கிறது. இது நச்சுகளை வெளியேற்ற உதவுகிறது. இயற்கையான மலமிளக்கியாக செயல்படுகிறது மற்றும் குடல் ஆரோக்கியத்தை மேம்படுத்துகிறது.

நெய் கால்சியம் மற்றும் அமினோ அமிலங்களின் சிறந்த மூலமாகும். இது எலும்பு மற்றும் பல் ஆரோக்கியத்தை வலுப்படுத்தவும், எடையை நிர்வகிக்கவும், வீக்கத்தைக் குறைக்கவும், நோய் எதிர்ப்பு சக்தியை அதிகரிக்கவும் உதவுகிறது. அதோடு இது ஒரு வைரஸ் தடுப்பு கலவையாகவும் செயல்படுகிறது. இது தொண்டை புண், சளி இருமல், காய்ச்சலுக்கு ஏற்றது.

இருப்பினும், தினசரி உணவில் புதிதாக எந்த உணவுப் பொருளை சேர்ப்பதாக இருந்தாலும், மருத்துவ வழிகாட்டுதலைப் பெற அறிவுறுத்தப்படுகிறது. ஏனெனில் நெய்யில் நிறைவுற்ற கொழுப்புகள் இருப்பதால், மிதமாக எடுத்துக் கொள்ளாவிட்டால், இதய நோய்கள் ஏற்படும் அபாயத்தை அதிகரிக்கலாம்.