பளபளப்பான சருமம் வேண்டுமா.? வால்நட்ஸ் சாப்பிடுங்க.! அதிக சரும பலனை பெற எப்படி சாப்பிடலாம்?

நட்ஸ்கள் ஆரோக்கியமான உணவுகளில் முக்கியமான ஒன்றாக இருப்பதால் ஒருவர் தனது தினசரி டயட்டில் சேர்கலாம். அந்த வகையில் வால்நட்ஸ்களை உங்களது டயட்டில் நீங்கள் வழக்கமாக சேர்த்து கொள்ளலாம். உங்களின் சருமம் மற்றும் முடி முதல் ஒட்டுமொத்த ஆரோக்கியத்திற்கு வால்நட்ஸ் எண்ணற்ற நன்மைகளை செய்கின்றன.

வால்நட்ஸ்களில் ப்ரோட்டீன், ஃபைபர் , வைட்டமின்ஸ் மற்றும் மினரல்ஸ்கள் உள்ளன. இதிலிருக்கும் நிறைவுறா கொழுப்புகள் இதய ஆரோக்கியத்திற்கு நன்மை பயக்கிறது. உடல் மற்றும் சரும ஆரோக்கியத்திற்கு எண்ணற்ற நன்மைகளை அளிக்கும் வால்நட்ஸ்களை தினசரி டயட்டில் சேர்த்து கொள்வதால் ஏராளமான பலன்களை பெறலாம். மேலே குறிப்பிட்டதை போல வால்நட்ஸ் சருமத்திற்கு எவ்வளவு நல்லது என்று பலருக்கும் தெரியாது. சூப்பர்ஃபுட்டாக இருக்கும் வால்நட்ஸ்களை டயட்டில் சேர்த்து கொள்வதால் கிடைக்கும் சரும நன்மைகளை பற்றி இங்கே தெரிந்து கொள்ளலாம்.

ஒமேகா-3 மற்றும் ஒமேகா-6 நிறைவுறா கொழுப்பு அமிலங்களின் வளமான ஆதாரங்களாக வால்நட்ஸ்கள் உள்ளன. மேற்காணும் 2 கொழுப்பு அமிலங்களையும் சரியான அளவில் உட்கொள்ளும் போது, தோல் அழற்சி மற்றும் தோல் தொடர்புடைய பிரச்னைகளை தடுக்க முடியும்.

வால்நட்ஸில் ஆன்டி ஆக்ஸிடன்ட்ஸ் நிறைந்திருக்கிறது. இவை ரத்தத்தை சுத்திகரிப்பதோடு உடலில் இருந்து நச்சுகளை வெளியேற்ற உதவுகிறது. மேலும் உடலில் உள்ள ஃப்ரீ ரேடிக்கஸ்ல்களை நடுநிலையாக்குகிறது. முகப்பரு போன்ற சரும பிரச்சனைகளை தவிர்க்க வால்நட்ஸ் உதவுகிறது.

வால்நட்ஸ்களில் வைட்டமின் ஈ மற்றும் வைட்டமின் பி5 உள்ளிட்டவை அதிகம். இது சருமத்தை ஆரோக்கியமாக மற்றும் ஹைட்ரேட்டாக வைத்திருக்கவும் உதவுகிறது. உங்கள் டயட்டில் இவற்றை சேர்ப்பது உங்கள் சருமத்தில் உள்ள போர்ஸ்களில் இறந்த சரும செல்கள் எண்ணெய் அல்லது அழுக்கு சேர்ந்து அடைக்காமல் தடுக்கிறது.

நீண்ட நேரம் கம்ப்யூட்டர் முன் அமர்ந்து வேலை பார்ப்பதன் காரணமாக அல்லது சரியாக தூங்காவிட்டால் கண்களுக்கு கீழே கருவளையங்கள் ஏற்படும். நீண்ட ஸ்கிரீனிங் டைம் காரணமாக பலருக்கு கண்கள் எளிதில் சோர்வடைவதோடு கருவளையங்களும் ஏற்படுகின்றன. ஆனால் தினசரி டயட்டில் வால்நட்ஸ்களை சேர்த்து கொள்வது கருவளையங்களை குறைப்பதோடு சருமத்தை புதுப்பிக்கவும் உதவும்.

வால்நட்ஸில் உள்ள ஆன்டி ஆக்ஸிடன்ட்கஸ் சருமத்தை ஹைட்ரேட்டாக மற்றும் ஆரோக்கியமாகவும் வைத்திருப்பதில் பெரும் பங்கு வகிக்கின்றன. இந்த நட்ஸில் காணப்படும் ஏராளமான வைட்டமின்கள் சருமத்தில் கருமையான திட்டுகள் மற்றும் பிக்மென்டேஷன் உருவாவதை குறைக்கின்றன. எனவே பளபளப்பான சருமம் வேண்டும் என நீங்கள் நினைத்தால் உங்கள் டயட்டில் தினசரி 4-5 வால்நட்ஸ்களை சேர்த்து கொள்ளுங்கள்.

எண்ணற்ற சரும நன்மைகள் அடங்கியது என்பதற்காக இவற்றை அளவுக்கு அதிகமாக எடுத்து கொள்ள கூடாது என்பதை கவனத்தில் கொள்ள வேண்டும். எனவே ஒருவர் தங்களின் தேவைக்கேற்ப வால்நட்ஸ்களை டயட்டில் சேர்க்க வேண்டும்.