உறைமோர் இல்லாமல் கெட்டியான தயிர் வேண்டுமா? இதை ட்ரை பண்ணுங்க!

பெரும்பாலான வீடுகளில் தயிர் தினமும் எடுத்துக்க கூடிய பழக்கம் இருக்கும். . தினமும் உணவு சாப்பிடும் போது இறுதியாக தயிர் சேர்த்துக் கொள்வது மிகவும் நல்லது. அடிக்கடி பால், தயிர் சேர்த்துக் கொள்பவர்களுக்கு எலும்பு தேய்மானம் பிரச்சனைகள் குறையும் என கூறப்படுகிறது.

அதே போல் தயிரை சுத்தமாக சேர்க்காமல் அதை தவிர்க்கும் நபர்களுக்கு கால்சியம் பற்றாக்குறை ஏற்பட்டு எலும்பு தேய்மான பிரச்சனைகள் இளம் வயதிலேயே வந்து விடுவதற்கு வாய்ப்புகள் உண்டு. எனவே வெயில் காலத்தில் முடிந்த வரை தயிர் எடுத்துக் கொள்ளுங்கள்.

அடிக்கடி தயிரை கடையில் வாங்கினால் அது சரியாக வராது.. அதை விட வீட்டிலே இன்னும் கெட்டியான ஃபிரஷ் தயிரை தயார் செய்யலாம் எப்படி தெரியுமா?

இதற்கு வழக்கமான உறைமோர் முறை கூட அவசியம் இல்லை. ஒருவேளை அந்த நேரத்தில் வீட்டில் உறைமோர் இல்லை என்றால் என்ன செய்வது, அதைவிட சூப்பரான டிப்ஸ் ஒன்று உள்ளது .

இதற்கு உங்கள் வீட்டில் எலுமிச்சை, பச்சை மிளகாய் அல்லது காய்ந்த மிளகாய் இவை இருந்தாலே போதும். 12 மணி நேரத்தில் கெட்டி தயிர் தயார் ஆகிவிடும்.

இதற்கு முதலில் பாலை திக்காக காய்ச்சி அதை சாதாரண வெப்பநிலைக்கு கொண்டு வர வேண்டும். பின்பு அந்த பாலை பாத்திரத்தில் ஊற்றி, அதில் 3 அல்லது 4 பச்சை மிளாயை காம்புடன் சேர்க்க வேண்டும். அந்த பாத்திரத்தை மூடி அப்படியே 12மணி நேர வெளியில் வைக்க வேண்டும். அவ்வளவு தான் காலை விடிந்ததும் பார்த்தால் கெட்டியான தயிர் ரெடி.

இதே போல தான் எலுமிச்சை சாறு அல்லது காய்ந்த மிளகாய் முறை. பாலை ஆற வைத்து அதில் தேவைக்கேற்ப எலுமிச்சை சாறு சேர்த்து 12 மணி நேரம் வைக்க வேண்டும். வீட்டில் எலுமிச்சை இல்லை என்றால் காய்ந்த மிளகாய் காம்புடன் பாலில் சேர்த்து 12 மணி நேரம் மூடி வைத்தால் தயிர் ரெடி.