தக்காளி தோசை செய்ய ரெசிபி... டின்னருக்கு ட்ரை பண்ணுங்கள்..!

தென்னிந்தியாவில் பிரபலமாக உணவுகளில் தோசையும் ஒன்று. குறிப்பாக தமிழர்களின் பாரம்பரிய உணவுப்பட்டியலில் முக்கிய இடம்பெற்றுள்ள இட்லியும் தோசையும்தான். அதில் பல வீடுகளில் குட்டீஸ்களின் விருப்பமாக உள்ளது தோசைதான். அவற்றை ஒரே மாதிரியாக செய்து சாப்பிடாமல் சற்று வித்தியாசமாக செய்து சாப்பிட்டால் உண்பதற்கு நன்றாகதான் இருக்கும். அந்த வகையில் இந்த பதிவில் சுவையான தக்காளி தோசை செய்வது எப்படி என்பதை பற்றி தெரிந்துக் கொள்ளலாம்.

தேவையான பொருள்கள்: புழுங்கல் அரிசி - ஒரு கப், பச்சரிசி - ஒரு கப், உளுத்தம்பருப்பு - அரை உழக்கு, காய்ந்த மிளகாய் - 8, சோம்பு - ஒரு டீஸ்பூன், தக்காளி - 5 (நறுக்கவும்), நல்லெண்ணெய், உப்பு - தேவையான அளவு.

செய்முறை: 1. முதலில் அரிசியையும் பருப்பையும் நன்றாகக் கழுவி இரண்டு மணி நேரம் ஊற வைக்க வேண்டும்.

2. பின்னர் ஊறிய அரிசி, ஊளுந்தம் பருப்புடன், மேலே குறிபிட்ட மற்ற எல்லாவற்றையும் போட்டு நைஸாக அரைக்க வேண்டும்.

3. இரண்டு மணி நேரம் கழித்து எடுத்து, தோசைக்கல்லில் நல்லெண்ணெய்விட்டு மாவை தோசை போல் ஊற்றிச் சுட்டெடுக்க வேண்டும். தக்காளி தொசை ரெடி.