உஷார்.. கோடை வெயிலின் வெப்பத்திலிருந்து தப்பித்துக் கொள்ள இதை மறக்காம ஃபாலோ பண்ணுங்க!

ஏற்கனவே கோடை காலம் தூங்கிவிட்ட நிலையில் கோடை காலத்திற்கான முன்னேற்பாடுகளை நாம் செய்வது அவசியமாகும். முக்கியமாக கோடை காலங்களில் உடலில் ஏற்படும் நீர் பற்றாக்குறையை சரி செய்வதே நமது முதல் வேலையாகும். அதிலும் குறிப்பாக நீண்ட நேரம் வேலைக்கு செல்லும் நபர்களும், அடிக்கடி வெளியிடங்களுக்கு வேலை நிமித்தமாக செல்லும் நபர்களுக்கும் கோடை காலங்கள் மிகுந்த சிரமத்தை கொடுக்கக் கூடியவையாக இருக்கும்.

இவர்கள் அனைவருமே முடிந்த அளவு கோடையின் வெப்பத்திலிருந்து தம்மை தற்காத்துக் கொள்ளவும், உடலை குளிர்ச்சியாக வைத்துக் கொள்ளவும் முயற்சி செய்ய வேண்டும். மேலும் உடலில் ஏற்படும் நீர் இழப்பை சரி செய்ய போதுமான அளவு தண்ணீர் குடிப்பதையும், எலக்ட்ரோலைட்டுகளை உட்கொள்வதையும் வழக்கமாக்கிக் கொள்ள வேண்டும்.

இதைப் பற்றி பேசிய மருத்துவர் ஒருவர் கூறுகையில், நமது உடலுக்கு தண்ணீர் மிகவும் இன்றி அமையாத ஒன்றாக இருந்து வருகிறது. உடலில் நீர் சத்து போதுமான அளவு இருந்தால்தான் உடல் உறுப்புகள் அனைத்தும் சரியாக வேலை செய்யும். ஒருவேளை உடல் உறுப்புகளில் ஏதேனும் பிரச்சனை ஏற்படும் பட்சத்தில் நமது உடலானது அதனை சில அறிகுறிகள் மூலம் வெளிப்படுத்த துவங்கும். வறண்ட சருமம், சருமத்தில் சுருக்கங்கள், உதட்டில் வெடிப்பு, அதிகப்படியான பசி ஆகியவை உடலில் நீர் சத்து குறைந்துள்ளதற்கான அறிகுறிகளாகும்.

மேலும் போதுமான அளவு தண்ணீர் குடிக்கும் பட்சத்தில் தொகை உடலில் வளர்ச்சிதை மாற்றத்தை அதிகரித்து உடல் இயங்குவதற்கு தேவையான சக்தியை அளிக்கிறது. உடலில் நீர்ச்சத்து குறையும் போது ஞாபகம் மறதி, தலைவலி மற்றும் நமது செயல் திறனினில் குறைபாடு ஆகியவை உண்டாகக்கூடும்.

முக்கியமாக அலுவலகத்தில் வேலை பார்க்கும் நபர்கள் அடிக்கடி டீ மற்றும் காபி அருந்துவதை வழக்கமாக கொண்டுள்ளனர். இவை உடலுக்கு நீர்ச்சத்தை அளிப்பதற்கு பதிலாக, ஏற்கனவே உள்ள நீர்ச்சத்தை வெளியேற்ற வழி வகுக்கிறது. எனவே கோடை காலங்களில் என்னென்ன விதமான முறைகளை பின்பற்றி நம்மை ஆரோக்கியமாகவைத்து கொள்ளலாம் என்பதை பற்றி இப்பதிவில் பார்ப்போம்.

உங்களுக்கு கவரக்கூடிய வாட்டர் பாட்டில்களை பயன்படுத்தலாம் : அலுவலகத்தில் பணிபுரிபவர்கள் அடிக்கடி தண்ணீர் குடிப்பதற்காக நீர் அருந்தும் பகுதிக்கு எழுந்து செல்ல தேவையில்லை. அதற்கு பதிலாக உங்களை கவரும் விதமான பெரிய அளவிலான வாட்டர் பாட்டில்களை வாங்கி வைத்துக் கொள்ளலாம். இதன் மூலம் நாள் முழுவதும் நீங்கள் நீர்ச்சத்துடன் இருக்க உதவும்.

குளிர்ச்சியான பானங்களை அருந்தலாம் : கோடை காலங்களில் ஏற்படும் உடல் வெப்பத்தை தணிப்பதற்கு முடிந்தவரை உடலுக்கு குளிர்ச்சி தரும் பானங்களை குடிக்க வேண்டும். மேலும் பச்சை காய்கறிகளை பயன்படுத்தி தயாரிக்கப்படும் குளிர்ச்சியான சூப்பையும் நாம் குடிக்கலாம்.

இளநீர்: கோடை காலங்களில் உடல் வெப்பத்தை குறைக்க பயன்படும் பானங்களில் முக்கியமானதாக இருப்பது இளநீர். அதில் நிறைந்துள்ள எலக்ட்ரோலைட்டுகள் நீர்ச்சத்து குறைவதை தடுப்பதுடன் உடலுக்கு தேவையான சக்தியையும் அளிக்கிறது.

நீர்ச்சத்து நிறைந்த உணவுகள்: முடிந்தவரை நாம் உண்ணும் உணவில் நீர்ச்சத்துக்கள் நிறைந்திருக்கும் படி பார்த்துக் கொள்வது அவசியம். வெள்ளரிக்காய், தர்பூசணி, சிட்ரஸ் பழ வகைகள் ஆகியவற்றில் நீச்சத்துக்கள் அதிகம் நிறைந்துள்ளன. மேலும் அடிக்கடி லஸ்ஸி மற்றும் மோர் குடிக்கலாம்.

எலக்ட்ரோலைட்டுகள் : முடிந்தவரை எலக்ட்ரோலைட்டுகள் உட்கொள்வதை அதிகரிக்க வேண்டும். அதிலும் அடிக்கடி பயணம் செய்பவராக இருக்கும் பட்சத்தில் உடல் வியர்வையால் வெளியாகும் சக்தியை சரி செய்ய எலக்ட்ரோலைட்டுக்களை பருக வேண்டும்.

சத்தான நொறுக்கு தீனிகள் : உடலுக்கு தீங்கு விளைவிக்கும் நொறுக்கு தீனிகளுக்கு பதிலாக நீர்ச்சத்து நிறைந்த நொறுக்கு திணிகளை சாப்பிடலாம். உதாரணத்திற்கு தர்பூசணி, பெர்ரி, வெள்ளரிக்காய் ஆகியவை நமது உடலுக்கு நன்மை அளிக்க கூடியவை.