கேக் பேக்கிங் செய்யும்போது முட்டை கலப்பது பிடிக்காதா..? அதற்கு பதிலாக இதை டிரை பண்ணலாம்..!

வீட்டிலேயே கேக் மற்றும் டெஸர்ட்ஸ் செய்ய நீங்கள் நினைக்கும் நேரத்தில் வீட்டில் முட்டைகள் இல்லையா..? கவலை வேண்டாம். இங்கே முட்டைகளுக்கு பதில் பயன்படுத்த கூடிய அற்புதமான மாற்றுகள் உள்ளன. கீழே நாம் பார்க்க போகும் முட்டைகளுக்கு மாற்றான சில விஷயங்கள் உங்கள் பேக்கிங் அனுபவத்தை அற்புதமாக்கும்.

பேக்கிங் பவுடர் மற்றும் ஆயில் : 1.5 டேபிள் ஸ்பூன் வெஜிடபிள் ஆயிலை எடுத்து அதை 1.2 டேபிள் ஸ்பூன் தண்ணீர் மற்றும் 1 டீஸ்பூன் பேக்கிங் பவுடருடன் கலக்கவும். முட்டைகள் இல்லாத குறையை இந்த மிக்ஸிங் போக்கும்.

மசித்த வாழைப்பழம் : கேக் அல்லது பான்கேக்ஸ் தயாரிக்க ஒரு பெரிய முட்டைக்கு பதிலாக, மீடியம் சைஸ் பழுத்த வாழைப்பழத்தை மசித்து பயன்படுத்தலாம்.

நட் பட்டர் : சுவையை அதிகரிக்கும் அதே வேளையில் பேக்கரி பொருட்களுக்கு வால்யூம் மற்றும் சாஃப்ட்னஸை சேர்க்கிறது நட் பட்டர். நீங்கள் பயன்படுத்த நினைக்கும் முட்டைக்கு பதில் ஒரு முட்டைக்கு 3 டேபிள் ஸ்பூன் வீதம்  நட் பட்டர்-ஐ பயன்படுத்த பரிந்துரைக்கப்படுகிறது.

கொண்டைக்கடலை தண்ணீர் (Chickpea water) : அக்வாஃபாபா என்றும் அழைக்கப்படும் Chickpea water, கொண்டைக்கடலை அல்லது பிற பருப்பு வகைகள் வேக வைக்கப்பட்ட தண்ணீரை குறிக்கிறது. இது முட்டையின் வெள்ளைக்கருவுக்கு மாற்றாகப் பயன்படுத்தப்படுகிறது, குறிப்பாக சைவ சமையலில். ஒரு முட்டைக்கு பதில் 3 டேபிள் ஸ்பூன் அக்வாஃபாபா தண்ணீரை பயன்படுத்தலாம்.

சியா விதைகள் : ஒரு டேபிள் ஸ்பூன் சியா விதைகளை மூன்று டேபிள் ஸ்பூன் தண்ணீரில் கலந்து பயன்படுத்தலாம். இந்த மிக்சிங் ஒரு பெரிய முட்டைக்கு சமமாகும்.

ஆளி விதை பவுடர் : 1 டேபிள் ஸ்பூன் ஆளி விதை பவுடரை 3 டேபிள் ஸ்பூன் தண்ணீருடன் சேர்த்து கலக்கி சும்மர் 30 நிமிடங்கள் அப்படியே விட்டு விடவும். இந்த மிக்சிங் ஒரு பெரிய முட்டைக்கு சமம்.

கன்டென்ஸ்டு மில்க் : நிபுணர்களின் கூற்றுப்படி, கன்டென்ஸ்டு மில்க்கின் one-quarter அளவு,  கேக்கில் ஒரு முட்டைக்கு மாற்றாக பயன்படுத்தலாம்.

ஆரோரூட் பவுடர் : ஒரு முட்டைக்கு பதிலாக இந்த பவுடரை 2 டேபிள் ஸ்பூன் எடுத்து கொன்டு, 3 டேபிள்ஸ்பூன் தண்ணீருடன் சேர்த்து பயன்படுத்தலாம்.

ஆப்பிள் சாஸ் : பேக்கர்ஸ்களின் கூற்றுப்படி, ஒரு கால் கப் அன்ஸ்வீட்ன்ட் ஆப்பிள் சாஸ்-ஐ (unsweetened apple sauce), ஒரு முட்டைக்கு மாற்றாக பயன்படுத்தலாம்.

பேக்கிங் சோடா மற்றும் வினிகர்: கேக்கில் ஒரு முட்டை கலப்பதற்கு பதில், 1 டேபிள் ஸ்பூன் பேக்கிங் சோடாவை 1 டேபிள் ஸ்பூன் ஒயிட் வினிகருடன் மிக்ஸ் செய்து பயன்படுத்தலாம்.

டோஃபு : சோயா பாலில் இருந்து தயாரிக்கப்படுவது டோஃபு. நீங்கள் தயார் செய்யும் Desserts-களில் பயன்படுத்த விரும்பும் பெரிய முட்டைக்கு பதிலாக, ஒரு கால் கப் டோஃபு-வை பயன்படுத்தலாம்.

யோகர்ட் : ஒரு கால் கப் வெற்று ப்ளெயின் யோகர்ட், ஒரு பெரிய முட்டைக்கு சமம்.

கார்போனேட்டட் வாட்டர் : பிரெட் மற்றும் கேக்ஸ் தயாரிக்கும் போது 1/4 கப் கார்பனேட்டட் வாட்டரை, ஒரு முட்டைக்கு மாற்றாக பயன்படுத்தலாம்.