உங்களுக்கு உடலில் இந்த பிரச்சனை இருந்தால் கேழ்வரகு சாப்பிடக்கூடாதாம்... மீறினால் நிலைமை மோசமாகிவிடும்

கேழ்வரகு (Ragi) இரும்புச் சத்து, நார்ச்சத்து என ஊட்டச்சத்துகள் நிறைந்த திணை வகையாகும். ஆனாலும் சிலர் உடலில் ஏதேனும் பிரச்சனை இருந்தால் இதை சாப்பிடுவதை தவிர்ப்பது நல்லது என்கின்றனர் வல்லுநர்கள். அப்படி யார் யாரெல்லாம் கேழ்வரகு சாப்பிடுவதை தவிர்க்க வேண்டும் என்று பார்க்கலாம்.

சிறுநீரகக்கல் அல்லது சிறுநீரகம் தொடர்பான பிரச்சனைகள் இருந்தால் கேழ்வரகு சாப்பிடக்கூடாது. அது பிரச்சனையை இன்னும் அதிகரிக்கக் கூடும் என்கின்றனர்.

தைராய்டு பிரச்சனை உள்ளவர்களும் கேழ்வரகை தவிர்க்க வேண்டும். குறிப்பாக ஹைப்போ தைராய்டு மற்றும் ஹைப்பர் தைராய்டு என இரண்டில் எந்த வகையால் பாதிக்கப்பட்டிருந்தாலும் சாப்பிடக் கூடாது.

செரிமான பிரச்சனை உள்ளவர்களும் கேழ்வரகு சாப்பிடக்கூடாது. குறிப்பாக பசியின்மை, வீக்கம் , அஜீரணம் போன்ற பிரச்சனை உள்ளவர்கள் சாப்பிடக்கூடாது.

குளிர்காலங்களில் கேழ்வரகு சாப்பிடுவதை பொதுவாகவே தவிர்ப்பது நல்லது. குறிப்பாக குளிர்ச்சியான பொருட்களை சாப்பிட்டால் ஆகாது எனில் தொடவே கூடாது. இது உடல் வெப்பத்தை குறைத்து குளிர்ச்சியை அதிகப்படுத்தும். மழைக்காலங்களிலும் கேழ்வரகு சாப்பிடுவதை தவிர்ப்பது நல்லது.

கேழ்வரகு சிலருக்கு மலச்சிக்கல் பிரச்சனையை உண்டாக்கும். இந்த பிரச்சனை குழந்தைகள் முதல் பெரியவர்கள் வரை அனுபவிக்கலாம். எனவே உங்களுக்கு ஏற்கெனவே மலச்சிக்கல் பிரச்சனை இருக்கிறது எனில் தவிருங்கள். குறிப்பாக இதில் நார்ச்சத்து அதிகமாக இருப்பதால் கேழ்வரகு சாப்பிட்டதும் நிறைய தண்ணீர் குடிக்க வேண்டும். இல்லையெனில் மலச்சிக்கலை உண்டாக்கலாம்.

பசியின்மை பிரச்சனை இருப்பவர்கள் கட்டாயம் கேழ்வரகு சாப்பிடுவதை தவிர்ப்பது நல்லது. ஏனெனில் இது பொதுவாகவே சாப்பிட்டதும் வயிறை நிறைவாக்கி விடும் நீண்ட நேரத்திற்கு பசியே எடுக்காது.

உடல் எடையை அதிகரிக்க நினைப்பவர்களும் கேழ்வரகை தவிர்க்க வேண்டும். இது எடையை குறைக்க நினைப்பவர்களுக்குத்தான் சரியான உணவு.