மாதவிடாய் வலியை போக்க உதவும் உணவுகள்...

மாதவிடாய் சமயத்தில் ஏற்படும் வலி நம்மை எந்த வேலையும் செய்ய விடாது. நாள் முழுவதும் வலி , உதிரப்போக்கு என அசௌகரியமாக இருக்கும். அந்த சமயத்தில் நாம் சாப்பிடும் உணவுகள் மூலம் வலியை இளைப்பாறச் செய்யலாம். அதற்கு பிரபல ஊட்டச்சத்து நிபுணர் ருஜூடா திவேகர் சில உணவுகளை பரிந்துரை செய்கிறார். அவை என்னென்ன பார்க்கலாம்.

காய்ந்த திராட்சை மற்றும் குங்குமப் பூ : காய்ந்த கருப்பு திராட்சை மற்றும் குங்குமப் பூ இரண்டையும் இரவு தூங்கும் முன் ஊற வைத்து மறுநாள் காலை வெறும் வயிற்றில் சாப்பிட்டு வர வயிற்று வலி குறையும்.

நெய் : உணவோடு தினம் மூன்று வேளையும் ஒரு ஸ்பூன் நெய் கலந்து சாப்பிட்டு வர வயிற்று வலி , வாந்தி இருக்காது.

தயிர் சாதம் : மதிய உணவாக தயிர் சாப்பிட்டால் உடலுக்கு இதமாக இருக்கும். எரிச்சல் , வலி அடங்கும்.

நட்ஸ் : வலி வரும் சமயத்தில் கைப்பிடி அளவு முந்திரி , வேர்க்கடலை உட்கொள்ள வலி குறையும். அதோடு வெல்லம் ஒரு துண்டு சாப்பிட்டால் மனதிற்கு ரிலாக்ஸாக இருக்கும்.

ராகி : ராகி , கிச்சடி போன்ற உணவுகளும் மாதவிடாய் நாட்களில் உங்களுக்குக் கைக்கொடுக்கும்.