அப்பளம் பொரிப்பது முதல்.. பூண்டு உரிப்பது வரை.. சமையலறைக்கு தேவையான சின்ன சின்ன டிப்ஸ்...

இறுதியாக இருக்கும் தோசை மாவில், தோசை ஊத்தினால் சாஃப்டாக மொறுமொறுவென நமக்கு கிடைக்காது. அதனால் கடைசி ஐந்து தோசை வரும் அளவிற்கு மாவு மிச்சமிருந்தால் அதில் 2 டேபிள் ஸ்பூன் அளவு நல்லெண்ணெயை ஊற்றி நன்றாக கலந்து விடுங்கள். அதன் பின்பு தோசை வார்த்துப் பாருங்கள். தோசை சாஃப்ட்டாக கிடைக்கும்.

கேரட்டை துருவி பொறியல் செய்வது என்பது கொஞ்சம் சிரமமான விஷயம்தான். கேரட்டை ஓரளவு துண்டு துண்டுகளாக வெட்டி, கொஞ்சம் கொஞ்சமாக மிக்ஸி ஜாரில் போட்டு விட்டு விட்டு அரைத்தால் கேரட், துருவிய கேரட் போல நமக்கு கிடைத்துவிடும். சீக்கிரம் கேரட் பொரியல் செய்து எடுத்து விடலாம். அது வேகவும் நேரம் எடுத்துக் கொள்ளாது.

எல்லோருக்குமே பூண்டை உரிப்பது கஷ்டமான விஷயம்தான். முதலில் பூண்டை தனித்தனி பல்லாக பிரித்து எடுத்து விடுங்கள். மேல் காம்பு பக்கத்தை மட்டும் கத்தியை வைத்து நீக்கி விடுங்கள். மேலே தலை பாகம் வெட்டப்பட்ட பூண்டுகளை ஒரு தட்டில் வைத்துவிட்டு, மைக்ரோவேவில் 10 வினாடிகள் வைத்து வெளியே எடுத்தால் போதும். பூண்டின் வால் பகுதியை பிடித்து இழுத்தால் பூண்டில் இருக்கும் தோல் அத்தனையும் வந்து விடும்.

மூடி வைத்திருக்கும் ஃபிளாஸ்கை திரும்பவும் எடுத்து பயன்படுத்தும்போது, அதில் கெட்ட வாடை அடிக்கும். பிளாஸ்க் ஸ்டோர் செய்யும் போது அதில் ஒரு ஸ்பூன் சர்க்கரை சேர்த்து மூடி எடுத்து வைத்தால், உள்ளே கெட்ட வாடை அடிக்காது. மீண்டும் பயன்படுத்தும் போது ஒரு முறை வெந்நீரில் கழுவி பயன்படுத்தினாலே போதும்.

நீங்கள் செய்யும் குழம்பு கிரேவி எதுவாக இருந்தாலும் அதில் இன்னும் கொஞ்சம் கூடுதலான சுவை கிடைக்க, இறுதியாக அடுப்பை அணைத்து அதற்கு முன்பு அந்தக் குழம்பில் 1 ஸ்பூன் நெய்யை சேர்த்து கலந்து விட்டு அடுப்பை அணைத்து விடுங்கள்.

அப்பளத்தை எண்ணெயில் போட்டு பொறிப்பதற்கு முன்பு அப்பளத்தின் மேலே இருக்கும் மாவை ஒரு வெள்ளைத் துணியை வைத்து நன்றாக துடைத்து விட்டு, அதன் பின்பு அப்பளத்தை பொரித்தால் எண்ணெயில் அடியில் கசடு நிற்காது.