கட்டாயம் ட்ரை பண்ண வேண்டிய இந்திய ராஜ வம்சங்களை சேர்ந்த 7 உணவுகள்...

இந்தியாவின் சாதி, மதம், பண்பாடு, மொழி, பழக்க வழக்கம் என பல்வேறு விஷயங்களில் வேற்றுமையில் ஒற்றுமை காண்பது போலவே உணவு விஷயத்திலும் மாநிலங்களுக்கு மாநிலம் மாறுபட்ட மணம் மற்றும் சுவையை கொண்டுள்ளது. டெல்லி தொடங்கி வரை இந்தியாவின் பராம்பரியம் மற்றும் நமது மசாலா பொருட்களின் பெருமையை பறைசாற்றும் வகையிலான உணவு வகைகள் ஏராளம். அதில் நீங்கள் கட்டாயம் முயற்சித்து பார்க்க வேண்டிய 7 ரீச்சான உணவு வகைகளை கொண்டு வந்துள்ளோம்.

இந்திரஹார்: ரேவா வம்சத்தின் சமையல் பாரம்பரியத்தைச் சேர்ந்தது. ரேவாவின் மகாராஜாவான புஷ்ப்ராஜ் சிங் விருப்பத்தின் பேரில், ரேவா சாம்ராஜ்யத்தில் உள்ள உணவுகள் பருப்பு, கீரை மற்றும் குறைந்த தண்ணீர் ஆகியவற்றைக் கொண்டு இந்த உணவு வகை தயாரிக்கப்பட்டது. இரவில் 5 வகையான பருப்புகளை ஊறவைத்து, நன்றாக புளிக்கவைக்கப்பட்டு, பின்னர் வேகவைக்கப்படுகின்றன. இத்துடன் சில மசாலாக்களை சேர்த்து பாரம்பரிய முறைப்படி சமைக்கப்படுகிறது.

கோஷ் கடா மசாலா: கோஷ் கடா மசாலா, இந்தியாவை ஆட்சி செய்த நிஜாம் வம்சத்து அரசு விருத்தில் மிகவும் முக்கியமானது. இறைச்சி மற்றும் மசாலா பொருட்கள் கலந்த இதன் அற்புதமான செய்முறை, சாலர் ஜங் குடும்பத்தைச் சேர்ந்தது. ஹக்கீம்களின் வழிகாட்டுதல்களின் படி, நிஜாம்களின் ராஜ குடும்பத்து பெண்கள் மேற்பார்வையில் ஆரோக்கியமாக தயார் செய்யப்படும் உணவு ஆகும்.

தஹ்ரி: பிரதாப்கர் மற்றும் கலகங்கர் ராஜ வம்சத்தைச் சேர்ந்த உணவான இது, நறுமண மசாலா பொருட்கள், பருப்பு வகைகள், காய்கறிகள் ஆகியவற்றை அரிசியுடன் சேர்த்து தயாரிக்க கூடிய சுவையான கலவையாகும்.

தாம்: காங்ரா என்று பிரபலமாக அறியப்படும் கடோச் வம்சத்தின் பாரம்பரிய அரச உணவு, மசாலாப் பொருட்களின் நறுமணத்துடன் நுட்பமான மற்றும் வலுவான சுவைகளை உள்ளடக்கியது.

ஹர மாஸ்: ஹரா மாஸ் முதல் மட்கி மாஸ் வரை அனைத்துமே ராஜஸ்தானைச் சேர்ந்த அகேராஜ் வம்சத்தின் உன்னதமான சமையல் வகைகள் ஆகும். இந்த சமையல் முறை தங்களது பாரம்பரியத்தை பிரதிபலிக்க கூடிய மசாலா பொருட்கள் மற்றும் அற்புதமான செயல்முறையை கொண்டது.

ராம்பூர் மட்டன் கறி: ராம்பூர் உணவுகள் அனைத்துமே முகலாய், அவதி, ஆப்கானி மற்றும் ராஜ்புத் ஆகியோரது பாரம்பரியம் மற்றும் சமையல் முறையின் கலவையால் உருவானது. மசாலாப் பொருட்களுடன் செழுமையான இறைச்சியை சேர்த்து, மெதுவாக சமைக்கப்படும் ராம்பூர் மட்டன் கறியானது சுவையின் உச்சம் என அழைக்கப்படுகிறது.

மிர்ச்சி கோஷ்ட்: காஷ்மீரின் அரச குடும்பத்தின் நேர்த்தியான சுவை, செறிவு, நறுமணம் ஆகியவை கலந்தது. காஷ்மீரின் பாரம்பரியத்தை பிரதிபலிக்கும் வகையில் இலவங்கப்பட்டை, ஏலக்காய் மற்றும் குங்குமப்பூ ஆகிய மசாலப் பொருட்களுடன், இறைச்சி கலந்து சமைக்கப்படும் உணவு ஆகும்.