கோடைக்காலத்தில் வால்நட் இப்படி சாப்பிடுங்க... இத்தனை பிரச்சனைகளுக்கு பலன் தரும்..!

சரும ஆரோக்கியம் முதல் மூளை ஆரோக்கியம் வரை வால்நட்ஸ் எண்ணற்ற ஆரோக்கியம் நன்மைகளை நமக்கு அளிக்கிறது. பல ஊட்டச்சத்துக்கள் வால்நட்ஸ்களை சரியான விகிதத்தில் மற்றும் சரியான முறையில் சாப்பிடும் போது உடல் ஆரோக்கியத்தை சிறப்பாக்குகிறது.

வால்நட்ஸ்களை சாப்பிடுவதற்கான சிறந்த வழிகளில் ஒன்று, அவற்றை இரவு நேரத்தில் தண்ணீரில் ஊறவைத்துவிட்டு காலை நேரத்தில் சாப்பிடுவது ஆகும். தற்போது கோடை வெயில் வாட்டி வரும் நிலையில் ஊறவைத்த வால்நட்ஸ்களை சாப்பிடுவது எண்ணற்ற ஆரோக்கிய நன்மைகளை வழங்குவதோடு, உடலை குளிர்ச்சியாக பராமரிக்கவும் உதவுகிறது.

கோடை காலத்தில் ஊற வைத்த வால்நட்ஸ்களை சாப்பிடுவதால் கிடைக்கும் முக்கிய நன்மைகளில் சிலவற்றை பார்க்கலாம்.

நல்ல உறக்கத்திற்கு... வால்நட்ஸ்களில் மெலடோனின் (Melatonin) என்ற கெமிக்கல் உள்ளது, இது சிறப்பான தூக்கத்திற்கு உதவுகிறது. Melatonin தவிர செரோடோனின் மற்றும் மெக்னீசியம் உள்ளிட்ட தூக்கத்தை ஊக்குவிக்கும் மற்றும் கட்டுப்படுத்தும் சில கலவைகளும் உள்ளன.

எடை இழப்பிற்கு... வால்நட்ஸ் எடை இழப்பு முயற்சிக்கு மிகவும் சிறந்தது. இதில் ஊட்டச்சத்து அடர்த்தியாக இருப்பதால் எடையை பராமரிக்கவும் உதவுகிறது.

நோய் எதிர்ப்பு சக்தியை மேம்படுத்த... வால்நட்ஸ்களில் நோய் எதிர்ப்பு சக்தியை மேம்படுத்தும் ஆன்டிஆக்ஸிடன்ட் பண்புகள் உள்ளன. எனவே இரவில் ஊறவைத்து காலையில் சாப்பிடும் வால்நட்ஸ் நோய்களை தடுக்க உதவும்.

வீக்கத்தைக் குறைக்க... வால்நட்ஸ்களில் இருக்கும் பாலிஃபினால்ஸ் எனப்படும் கலவைகள் அழற்சி, வீக்கம் மற்றும் ஆக்ஸிடேட்டிவ் ஸ்ட்ரஸ்ஸை எதிர்த்துப் போராட உதவுகின்றன. இதனால் பல உடல்நல பிரச்சனைகளின் ஆபத்து குறைகிறது.

கொலஸ்ட்ராலை கட்டுப்படுத்த... கொலஸ்ட்ரால் லெவலை கட்டுப்படுத்த உதவும் சிறந்த உணவுகளில் வால்நட்ஸ்களும் ஒன்றாகும். தினசரி ஒரு கைப்பிடி அளவு ஊறவைத்த வால்நட்ஸ்களை சாப்பிடுவது உடலில் இருக்கும் கெட்ட கொழுப்பின் அளவைக் குறைக்கும்.

எனர்ஜிக்கு... வால்நட்ஸ்கள் புரதம், நார்ச்சத்து, ஆரோக்கியமான கொழுப்புகள் என பல ஊட்டச்சத்துக்கள் நிறைந்தவை. இவை அனைத்தும் இணைந்து நம் உடலுக்கு சிறந்த ஆற்றலை அளிக்கின்றன.

நச்சுகளை அகற்ற... வால்நட்ஸ்களில் நிறைந்துள்ள ஆன்டிஆக்ஸிடன்ட்ஸ் நச்சுகளை வெளியேற்ற மற்றும் உடலில் உள்ள ஃப்ரீ ரேடிக்கல்ஸ்களை நடுநிலையாக்க உதவுகிறது. தவிர வால்நட்ஸ்கள் முகப்பரு போன்ற பிற தோல் பிரச்சனைகள் ஏற்படாமல் தவிர்க்கவும் உதவுகிறது.

சரும ஈரப்பதத்திற்கு... வால்நட்ஸ்களில் வைட்டமின் ஈ மற்றும் வைட்டமின் பி 5 அதிகம் காணப்படுகிறது. இது சரும ஆரோக்கியத்திற்கும், உள்ளிருந்து ஹைட்ரேட்டாக இருக்கவும் உதவுகிறது. இது துளைகள் அடைபடுவதை தவிர்க்கவும் உதவும்.

டார்க் சர்கிள்ஸ்... நீண்ட ஸ்கிரினிங் டைம் கண்களுக்கு கீழே கருவளையங்களை ஏற்படுத்துகிறது. ஊறவைத்த வால்நட்ஸ்களை எடுத்து கொள்வது கருவளையங்களை குறைக்க மற்றும் சருமத்தை புதுப்பிக்க உதவுகின்றன.

சரும பளபளப்பிற்கு... வால்நட்ஸ்களில் உள்ள ஆன்டிஆக்ஸிடன்ட்ஸ் சருமத்தை ஹைட்ரேட்டாக மற்றும் ஆரோக்கியமாக இருக்க உதவுகிறது. மேலும் வால்நட்ஸ்களில் உள்ள வைட்டமின்ஸ் சருமத்தில் டார்க் பேட்ச்சஸ் மற்றும் பிக்மென்டேஷன் உருவாவதை குறைக்கிறது. இதன் மூலம் சரும பளபளப்பிற்கு இவை உதவுகின்றன.