காலை உணவுக்கு என்ன சமைப்பது என யோசனையாக உள்ளதா..? உங்களுக்கான சில ஐடியாஸ்...

காலை உணவு தான் அன்றைய நாளின் மிக முக்கிய உணவு. அன்றைய நாளுக்கான ஆற்றலை அளிப்பதிலும் காலை உணவிற்கு முக்கிய பங்கு உண்டு. காலை உணவைத் தவறுவது வளர்ச்சிதை மாற்றத்தை பாதிக்கலாம். உடல் பருமனை அதிகரிக்கும். அதைத் தொடர்ந்து பல வகையான நோய்களையும் உண்டாக்கலாம். இதைத் தவிர்க்க ஆரோக்கியமான காலை உணவை தினமும் தவறாமல் சாப்பிடுவதை வழக்கமாக்கிக் கொள்ளுங்கள்.

இட்லி வகைகள் : இட்லியில் பல வகையான ரெசிபீக்கள் வந்துள்ளன. அரிசி மாவு தவிர்த்து, ராகி இட்லி, ரவா இட்லி என இட்லி வகைகள் வந்துவிட்டன. அவற்றில் ஒவ்வொன்றையும் ஒவ்வொரு நாள் சமைத்து சாப்பிடுங்கள். அதற்கு பொருத்தமான சாம்பார், சட்னி இன்னும் கூடுதல் சுவை.

தோசை : மசாலா தோசை, வெங்காய தோசை, முட்டை தோசை என தோசையிலும் பல அம்சங்கள் உள்ளன. அதோடு கோதுமை தோசை, ராகி தோசை, ரவா தோசை இப்படி மாவிலும் மாற்று வகைகள் உள்ளன.

ஆப்பம் : மெதுமெதுவென ஆப்பம் கேரளாவின் ஸ்பெஷல் என்றாலும் அது இந்தியா முழுவதிலும் பிரபலம். இதற்கு தேங்காய் பால் அல்லது காய்கறி கலவையை தொட்டுக்கொள்வது ஆரோகியமானதாக இருக்கும்.

பொங்கல் : பச்சரிசி பொங்கல் காலையிலேயே சாப்பிடுவது மந்தமான உணர்வை அளிக்கும் என்பார்கள். பிடித்தால் சமைத்துச் சாப்பிடுங்கள். இல்லையெயில் ரவா பொங்கல், அவுல் பொங்கல், ஓட்ஸ் பொங்கல் என வித்யாசமாக சமைத்து சாப்பிடுங்கள்.

மெது வடை : மெது வடைக்கு சட்னி அல்லது சாம்பார் பக்கா பொருத்தம். அதுவும் மொறுமொறுவென சுட சுட சாம்பாரில் ஊற வைத்து சாப்பிடுவது சுவையை இன்னும் அதிகரிக்கும்.

உப்புமா : உப்புமாவா என பலரும் முகம் சுழிக்கலாம். கவலையே வேண்டாம் ரவையில்தான் உப்புமா செய்ய வேண்டும் என்றில்லை அவல் உப்புமா, பிரெட் உப்புமா, இட்லி உப்புமா, ஓட்ஸ் உப்புமா என உங்களுக்கான ஆப்ஷன்ஸ் ஏராளம் இருக்கின்றன.

இடியாப்பம் : இடியாப்பம் பலரின் விருப்ப உணவு. இதற்கு பொருத்தமான குருமா அல்லது தேங்காய் நாட்டு சர்க்கரை வைத்து சாப்பிடுவது உடலுக்கு ஆரோக்கியம். இதற்கு ராகி சேமியாவிலும் இடியாப்பம் போல் செய்து சாப்பிடலாம்.

புட்டு : புட்டு மற்றும் கடல கறி காம்போ கேரளாவின் ஸ்பெஷல். இதை காலை உணவாக சாப்பிடுவது ஆரோக்கியத்தை அளிக்கும். ஆற்றல் தரும்.

பூரி/சப்பாத்தி : பூரி உருளைக் கிழங்கு, சப்பாத்தி, சப்பாத்தி ரோல் காலை உணவை ருசீகரமாக்கும்.

பனியாரம் : கார பனியாரம், இனிப்பு பனியாரம் எதுவாக இருந்தாலும் காலை உணவாக எடுத்துக்கொள்வது நல்லது.