இவங்கெல்லாம் சீத்தாப்பழம் சாப்பிடவே கூடாதா? கட்டுக்கதைகளை உடைக்கும் பிரபல ஊட்டச்சத்து நிபுணர் ..!

சீத்தாப்பழம் பலரும் விரும்பி சாப்பிடும் சுவை மிகுந்தது. ஆனால் அதை யாரெல்லாம் சாப்பிடலாம் சாப்பிடக் கூடாது என்பதை பலரும் அறிந்திருக்க வாய்ப்பில்லை. இதனால் சீத்தாபழம் சாப்பிடுவது குறித்த அச்சமும் பலரிடம் உள்ளது. இதனால் சீத்தாபழத்தின் ஊட்டச்சத்தை பெற முடியாமலும் போகிறது. எனவே சீத்தாபழம் யாரெல்லாம் சாப்பிடக் கூடாது என பரவும் கட்டுக்கதைகளின் உண்மைகளை உடைக்கிறார் பிரபல ஊட்டச்சத்து நிபுணர் ருஜுடா திவேகர்.

நீரிழிவு நோயாளிகள் : சீத்தாப்பழம் குறைந்த கிளைசெமிக் குறியீட்டைக் கொண்டுள்ளது. குறிப்பாக இதுபோன்ற பருவகால பழங்கள் நீரிழிவு நோயாளிகளுக்கு பரிந்துரைக்கப்படுகின்றன.

அதிக எடை கொண்டவர்கள் : அதிக எடை கொண்டவர்கள் சீத்தாப்பழம் சாப்பிடுவதை தவிர்க்க வேண்டும் என்று பலரும் கூறுகின்றனர். எனினும், அது உண்மையல்ல. உண்மை என்னவென்றால், அவை வைட்டமின் பி நிறைந்தது. குறிப்பாக வைட்டமின் பி 6 க்கு ஒரு நல்ல ஆதாரமாகும். எனவே, இது வீக்கத்தைக் குறைப்பதில், கொழுப்பைக் கரைப்பதில் கூட வேலை செய்கிறது.

இதய நோயாளிகள் : இதய நோயாளிகள் சீத்தாப்பழம் தவிர்க்கிறார்கள். ஆனால் உண்மை என்னவென்றால், அவை இதயத்திற்கு நல்லது. சீத்தாப்பழம் மாங்கனீசு மற்றும் வைட்டமின் சி போன்ற தாதுப்பொருட்களை அதிகம் கொண்டவை மற்றும் அவை இதயம் செயல்பாடுகளுக்கு சிறந்த உதவியாக இருக்கின்றன.

பிசிஓடி : பிசிஓடி உள்ள பெண்கள் இந்தப் பழத்தைத் தவிர்க்க வேண்டும் என்பது மற்றொரு பிரபலமான கட்டுக்கதை. ஆனால் அது தவறானது. சீத்தாப்பழம் இரும்புச் சத்துக்கு ஒரு நல்ல ஆதாரமாகும் மற்றும் சோர்வு, எரிச்சல் போன்ற உணர்வுகளை எதிர்த்துப் போராடவும் உதவுகிறது. மேலும் இது கருவுறுதலை மேம்படுத்துகிறது.