ஆயுத பூஜைக்கு வாங்குன பொரி மீதம் இருக்கிறதா? கவலைய விடுங்க.. இந்த ஸ்நாக்ஸ் ட்ரை பண்ணுங்க..

ஆயுத பூஜைக் கொண்டாட்டம் இனிதே நடந்து முடிந்தது. இதன் முக்கிய படையலே பொரிதான். இதனால் வீட்டில் நிறைய பொரி தேக்கத்தில் இருக்கும். அவற்றை வைத்துக்கொண்டு என்ன செய்வதென யோசிக்கலாம். உங்களுக்காகவே இந்த ரெசிபி...குழந்தை முதல் பெரியவர்கள் வரை அனைவரும் சுவைத்து மகிழ்வார்கள்.

தேவையான பொருட்கள் : அரசிப்பொரி - 1லிட்டர், நிலக்கடலைப்பருப்பு - 1/2கப்,பொட்டுக்கடலை - 1/2கப்,முந்திரிப் பருப்பு - 10,கருவேப்பிலை,மிளகாய்த்தூள்- 1ஸ்பூன்,மஞ்சள்தூள் - 1டீஸ்பூன், கரம் மசாலா தூள் - 1டீஸ்பூன், உப்பு தேவையான அளவு, எண்ணெய் - 4ஸ்பூன்

செய்முறை: முதலில் ஒரு கடாயில் எண்ணெய் ஊற்றி கடலைப்பருப்பு, பொட்டுக்கடலை, முந்திரிப் பருப்பு, கருவேப்பிலை சேர்த்து வறுத்துக்கொண்டு, அதன்பின் அடுப்பை சிறு தீயில் வைத்துக் கொள்ள வேண்டும்.

அதன் பின்னர் அதில் மிளகாய்த்தூள், மஞ்சள்தூள், கரம் மசாலா தூள் சேர்த்து வறுத்த பின்னர், அடுப்பை அணைத்து விட்டு பொரி, உப்பு சேர்த்து கிளறி விட்டு இறக்கவும். இப்போது காரப்பொறரி ரெடி.. பரிமாறும் போது அதன்மேல் கேரட் துருவல், வெங்காயம் பொடியாக நறுக்கியதைை தூவிவிட்டு பரிமாறினால் சுவை மிகுதியாக இருக்கும்..