அளவுக்கு அதிகமா தேன் சாப்பிட்டால் என்ன ஆகும் தெரியுமா?

தேன் சர்க்கரைக்கு மாற்றான ஒரு ஆரோக்கியமான உணவுப்பொருள். எனவே தான், நாம் பல விஷயங்களுக்கு தேனை பயன்படுத்துகிறோம். ஆனால், அளவுக்கு அதிகமாக நீங்கள் தேனை உட்கொண்டால் அதிக தீங்கு விளைவிக்கும். ல் நன்மை நிறைந்துள்ள அளவுக்கு தீமைகளும் உள்ளன. இதில், வைட்டமின் பி, அமினோ அமிலங்கள், தாதுக்கள், ஆக்ஸிஜனேற்றிகள் மற்றும் வைட்டமின் சி ஆகியவை உள்ளது. தேனில் உள்ள ஆன்டிஆக்ஸிடன்ட்கள் அழற்சி எதிர்ப்பு பண்புகளைக் கொண்டுள்ளன மற்றும் பல ஆரோக்கிய நன்மைகளை வழங்கக்கூடும். இது காயங்களை விரைவில் குணப்படுத்தும். இருமல் மற்றும் தொண்டை புண் ஆகியவற்றை எளிதாக்க குணமாக்கும். எனினும் இந்த தேனை அளவுக்கு அதிகமாக எடுத்துக்கொள்வது பல பக்க விளைவுகளுக்கு வழிவகுக்கிறது. இது குறித்து இந்த பதிவில் காணலாம்.

பல் சிதைவு : தேன் ஒரு இனிமையான பொருள் என்பதால், நாம் சர்க்கரைக்கு மாற்றாய் அதிகம் பன்படுத்துகிறோம். தேனின் அளவுக்கு அதிகமான இந்த பயன்பாடு, ஈறுகளில் வாழும் பாக்டீரியாக்களுக்கு தீனி போட்டு, பல் சிதைவுக்கு வழிவகுக்கிறது.

எடை அதிகரிப்பு : உடல் எடை குறைப்பிற்கு தேன், வெந்நீருடன் சேர்த்து எடுத்துக்கொள்ள பரிந்துரைக்கப்படுகிறது. எனினும், ஒரு தேக்கரண்டி தேனில் உள்ள 64 கலோரிகள், மறைமுகமாக உடல் எடை அதிகரிப்புக்கும் வழிவகுக்கிறது.

நீரிழிவு நோய்க்கு : இரத்தத்தின் சர்க்கரை அளவை கட்டுப்படுத்த தேன் பெரிதும் உதவுகிறது. எனினும், இந்த தேனை அளவுக்கு அதிகமாக நாம் எடுத்துக்கொள்ளும் போது, இரத்தத்தின் சர்க்கரை அளவு அதிகரித்து நீரிழிவு நோய்க்கு வழிவகுக்கிறது.

​பாட்டுலைனியம் (Botulism) : பாட்டுலைனியம் என்பது குழைந்தைகளை தாக்கும் ஒரு அரிதான நோய் ஆகும். சுத்தரிக்கப்படாத தேனினை குழந்தைகளுக்கு தரும் போது ஏற்படும் இந்த பாக்டீரியா பாதிப்பு, குழந்தைகளின் வளர்சிதை மாற்றத்தை பாதிக்கிறது.

​ஒவ்வாமை பிரச்சனைகள் : மகரந்தத் பூக்களில் இருந்து தேனீக்கள் சேமிக்கும் தேனையே, சுத்தமான தேன் என அழைக்கின்றோம். எனினும், இந்த தேனை சுத்திகரிக்காமல் எடுத்துக்கொள்ளும் போது கிருமி தொற்று காரணமாக ஒவ்வாமை பிரச்சனைகள் எழுகிறது.

குமட்டல், வாந்தி : இனிப்பு சுவை கொண்ட தேனை அளவுக்கு அதிமாக எடுத்துக்கொள்ளும் போது, வாந்தி, குமட்டல் மற்றும் மயக்கம் போன்ற பிரச்சனையினை பெண்கள் அதிகம் எதிர்கொள்வதாக ஆய்வுகள் தெரிவிக்கின்றன.

ஆஸ்துமா அறிகுறிகள் : அதிகப்படியாக தேனை நாம் நம் உணவில் சேர்த்துக்கொள்ளும் போது, மூச்சுத்திணறல், மார்பு வலி போன்ற ஆஸ்துமா நோய்க்கான அறிகுறிகள் தென்படுவதாக தகவல்கள் தெரிவிக்கின்றன.

தூக்கமின்மை : தேனை அளவுக்கு அதிகமாக எடுத்துக்கொள்ளும் போது ஏற்படும் மூச்சுதிணறல், இருமல் போன்ற பிரச்சனைகள் மறைமுகமான தூக்கத்தை கெடுக்கிறது. தேன் சாப்பிட்ட பின் வரும் இருமலை தடுக்க வெந்நீர் குடிப்பது நல்லது.