பீட்சா செய்வது இவ்வளவு ஈசியா..? கோடையில் குழந்தைகள் விரும்பும் பீட்சாவை செய்து கொடுக்க ரெசிபி டிப்ஸ்..!

பலருக்கு பீட்சா என்றால் உயிர். ஆனால் தங்களுக்கு பிடித்தமான பீட்சாவை சாப்பிட்டு விட்டு உடலுக்கு தீங்கு வந்துவிடுமோ என்று பின்னர் வருந்துவார்கள். இது உங்களுக்கு மட்டும் நடக்கவில்லை. அனைவருமே இதே மனநிலையில் தான் இருக்கிறார்கள் என்பதை நீங்கள் புரிந்து கொள்ள வேண்டும்.

பீட்சா சாப்பிடுவதை விட முடியாமல் தவிக்கும் உங்களுக்கு ஒரு குட் நியூஸ். இனி ஆரோக்கியமான முறையில் வீட்டிலே பீட்சா செய்து சாப்பிடலாம். அது எப்படி என்பதை இப்போது காணலாம்.

பீட்சா பேஸை சரியாக தேர்வு செய்யவும் :  நாம் வீட்டிலே பீட்சா செய்யப் போவதால் நமக்கு பிடித்த மாதிரி, ஆரோக்கியமான பொருட்களை தயக்கமில்லாமல் பயன்படுத்தலாம். பீட்சா செய்ய எப்போதும் மெல்லிய கிரஸ்ட் அல்லது குளூட்டன் இல்லாத மாவு அல்லது முழு தானிய மாவை பயன்படுத்தவும். ஆல் பர்பஸ் ஃபுளோர் பயன்படுத்துவதற்கு பதிலாக இந்த ஆரோக்கியமான முறையை நீங்கள் தேர்வு செய்யலாம்.

சாஸ் :  சாஸ் என்பது பீட்சாவின் சுவையை அதிகரிக்கக்கூடிய ஒரு பொருள் ஆகும். அதில் உடலுக்கு தீங்கு விளைவிக்கும் ஏராளமான சர்க்கரை, பதப்படுத்திகள், சோடியம் மற்றும் கொழுப்புகள் நிறைந்துள்ளது. ஆகவே, நீங்கள் வீட்டிலே சாஸ் செய்யும்போது ஃபிரஷான தக்காளி, பூண்டு, இஞ்சி, மூலிகைகள் மற்றும் மசாலா பொருட்கள் கொண்டு செய்யவும். இது சுவையை அதிகரிப்பதோடு ஆரோக்கியத்தையும் கூட்டும்.

டாப்பிங்ஸ்  : உங்களுக்கு டாப்பிங்ஸ் மிகவும் பிடிக்கும் என்றால் வேக வைத்த மற்றும் வாணலில் வறுத்தெடுத்த கொழுப்பு இல்லாத கறியை பயன்படுத்தலாம். ஒரு போதும் பேக்கேஜ் செய்யப்பட்ட அல்லது உறைய வைக்கப்பட்ட கறியை பயன்படுத்த வேண்டாம். ஏனெனில், அவற்றில் ஏராளமான சோடியம் மற்றும் பிரிசர்வேட்டிவ்கள் இருக்கும்.

​சீஸ் :  நீங்கள் உடல் எடையைக் குறைக்க முயற்சி செய்து வருகிறீர்கள் என்றால், பிராசஸ் செய்யப்பட்ட சீஸ் பயன்படுத்துவதற்கு பதிலாக காட்டேஜ் சீஸ் அல்லது ஸ்கிம்டு மொசரெல்லா சீஸ் அல்லது பராமேசின் சீஸ், செடார் சீஸ் போன்றவற்றை பயன்படுத்தலாம். மேலும் அதிகப்படியான சீஸ் சேர்த்து விட வேண்டாம். அது உடலுக்கு கேடு விளைவிக்கும்.

காய்கறிகள் : நீங்கள் செய்யும் பீட்சாவின் ஆரோக்கியத்தை கூட்ட நமக்கு இருக்கும் சிறந்த வழி காய்கறிகளை சேர்ப்பதாகும். இது பீட்சாவை சுவையானதாகவும், ஆரோக்கியமான மற்றும் ஊட்டச்சத்து நிரம்பிய உணவாகவும் மாற்றும் தன்மை கொண்டது.

உங்களுக்கு பிடித்த பீட்சாவை ஆரோக்கியமான முறையில் வீட்டிலே செய்து சாப்பிடுவதற்கான ஒரு சில குறிப்புகளை இங்கே பார்த்தோம். இது நிச்சயமாக உங்களுக்கு உதவும். இனிமேல் வீட்டிலேயே நீங்கள் சுவையான ஆரோக்கியமான பீட்சாவை செய்து சாப்பிடலாம்.