சமையலுக்கு இந்த எண்ணெய்களைப் பயன்படுத்துகிறீர்களா.? உஷார்.! நிபுணர்கள் தரும் ஆலோசனைகள் இங்கே!

பண்டைய காலத்தில் நமது முன்னோர்கள் சமையலுக்கு நல்லெண்ணெய், தேங்காய் எண்ணெய் மற்றும் கடலை எண்ணெய்யைத் தான் பயன்படுத்தி வந்தார்கள். ஆனால் இன்றைக்கு பாமாயில் உள்பட பல எண்ணெய்கள் சந்தைகளில் பாட்டில்களிலும், பாக்கெட்டுகளிலும் விற்பனை செய்யப்படுகிறது. இவ்வாறு பல எண்ணெய் விற்பனை செய்து வந்தாலும், விலை மலிவான எண்ணெய் எதுவோ?அதைத் தான் மக்களும் வாங்கிப் பயன்படுத்துகின்றனர். இதனால் உயர் இரத்த அழுத்தம், கொலஸ்ட்ரால் உள்ளிட்ட பல உடல்நலப்பிரச்சனைகள் நமக்கு ஏற்படுகிறது.

இந்நிலையில் தான் சமையலுக்குப் பயன்படுத்தும் எண்ணெய்களில் ஆரோக்கியமான எண்ணெய் மற்றும் ஆரோக்கியமற்ற எண்ணெய் எது என்பது குறித்து நிபுணர்கள் பட்டியலிடுகின்றனர். இதோ நாமும் என்னென்ன? எண்ணெய்கள் என்பது குறித்து இங்கே அறிந்துக்கொள்வோம்.

சமையலுக்குப் பயன்படுத்தப்படும் ஆரோக்கியமான எண்ணெய்கள்: நெய் : இந்திய சமையல் மற்றும் உணவுகளில் நெய் இன்றியமையாத பங்கு வகிக்கிறது. சைவ உணவாக இருந்தாலும், அசைவ உணவாக இருந்தாலும் இதற்கென்று தனி இடம் உள்ளது. சுவையை மட்டும் கொடுப்பதோடு இதில் உள்ள ஒமோக 3 கொழுப்பு அமிலங்கள், வைட்டமின் ஏ,ஈ,கே மற்றும் ப்யூட்ரிக் அமிலங்கள் அதிகளவில் நிறைந்துள்ளதால், செரிமானத்திற்கும் மூளை வளர்ச்சிக்கும் உதவியாக உள்ளது.

கடுகு எண்ணெய் : சமையலுக்கு அதிகளவில் பயன்படுத்தப்படும் எண்ணெய்களில் ஒன்றாக உள்ளது கடுகு எண்ணெய். இதில் ஒற்றை நிறைவுறா கொழுப்பு (MUFA), ஆல்பா லினோலெனிக் அமிலம், வைட்டமின் ஈ உள்ளிட்ட பல ஆரோக்கிய நன்மைகள் உள்ளது. இவற்றை நாம் சமையலுக்குப் பயன்படுத்தும் போது, ஒட்டுமொத்த உடல் ஆரோக்கியத்தை மேம்படுத்துகிறது. மற்றும் இதய நோய் மற்றும் சரும பிரச்சனைகளுக்குத் தீர்வாக அமைகிறது.

ஆலிவ் எண்ணெய் : ஆலிவ் எண்ணெயில் உள்ள முதன்மையான கொழுப்பு அமிலமான ஒலிக் அமிலம் எனப்படும் மோனோசாச்சுரேட்டட் கொழுப்பு ஆகும், இது புற்றுநோய் எதிர்ப்பு மற்றும் அழற்சி எதிர்ப்பு பண்புகளைக் கொண்டிருப்பதாக ஆய்வுகள் காட்டுகின்றன. இது இயற்கையான அழற்சி எதிர்ப்பு கலவையாக உள்ளது.

ஆரோக்கியமற்ற சமையல் எண்ணெய்கள்: சூரியகாந்தி எண்ணெய் : சூரிய காந்தி எண்ணெய்யில் ஒமேகா 6 கொழுப்பு அமிலங்கள் அதிகளவில் உள்ளது. இவை உடலுக்குத் தேவை என்றாலும் ஒமேகா 3 உடன் சமநிலைப்படுத்தாமல் அதிக ஒமேகா 6-யை உட்கொள்வதால் உடல் எடை அதிகரிப்பதோடு, உடலில் அதிக அளவு ஆல்டிஹைட் போன்ற நச்சுப்பொருள்களையும் உற்பத்தி செய்கிறது.

பாமாயில் : இந்த எண்ணெய்யில் பால்மிட்டிக் அமிலம் உள்ளது. இது ஒரு நிறைவுற்ற கொழுப்பு அமிலம் மற்றும் எக்ஸ்ட்ராபோலேஷன் மூலம் உயர்ந்த மொத்த கொழுப்பு மற்றும் குறைந்த அடர்த்தி கொழுப்புப்புரத கொழுப்பு அளவுகளை அதிகரிக்க உதவுகிறது.

கனோலா எண்ணெய் : கனோலா எண்ணெய் சமையல் மற்றும் மருந்துகளில் பயன்படுத்தப்படுகிறது. இருந்தப் போதும் சில சந்தர்ப்பங்களில், இது உடல் ஆரோக்கியத்தில் சில எதிர்மறையான தாக்கங்களை ஏற்படுத்தக்கூடும்.

என்ன தான் நிபுணர்கள் ஆரோக்கியமான சமையல் எண்ணெய் மற்றும் ஆரோக்கியமற்ற சமையல் எண்ணெய் என வகைப்படுத்தப்படுத்தினாலும் பெரும்பாலான மக்கள் பாமாயில்,சூரிய காந்தி எண்ணெய்யைத் தான் தங்களது உணவில் சேர்த்துக்கொள்கின்றனர். நிபுணர்களின் கூற்றுப்படி, இது ஆரோக்கியமற்ற எண்ணெய் என்ற பட்டியலில் உள்ளதால் அளவுக்கு அதிகமாக சமையலுக்குப் பயன்படுத்த வேண்டாம் என்பதையும் நினைவில் வைத்துக்கொள்ளுங்கள்.