லேட் நைட்டில் திடீரென பசிக்குதா..? கிடைப்பதை சாப்பிடாமல் ஆரோக்கியமாக சாப்பிட ஸ்நாக்ஸ்..!

பல்வேறு காரணங்களால் இரவுகளில் நல்ல தூக்கம் கிடைக்க பலரும் போராடுகிறார்கள். இந்த காரணங்களில் பசியும் அடக்கம். சிலர் நன்றாக தூங்கி கொண்டிருப்பார்கள், திடீரென்று ஏற்படும் நள்ளிரவு பசி காரணமாக தூக்கத்தை தொலைத்து விடுவார்கள்.

ஏதாவது சாப்பிட்டு விட்டு தூக்கத்தை தொடரலாம் என்று சிலர் நினைப்பார்கள், ஆனால் அப்படி எதையாவது சாப்பிட்டு இருக்கும் கொஞ்சநஞ்ச தூக்கமும் போய்விடுமோ அல்லது கஷ்டப்பட்டு குறைத்து கொண்டிருக்கும் எடை கூடுமோ என்ற பயம் அவர்களுக்கு இருக்கும். நள்ளிரவு நேரத்தில் பசிக்கும் போது என்ன சாப்பிடுவது என்று உங்களுக்கு குழப்பமாக இருந்தால், குற்ற உணர்ச்சியின்றி சாப்பிட கூடிய ஸ்னாக்ஸ்களின் பட்டியல் இங்கே...

வாழைப்பழம் : ஆரோக்கியமான ஆண்கள் சிலர் 2 வாழைப்பழங்களை சாப்பிட்ட 2 மணி நேரத்திற்குள் ஆய்வுக்குட்படுத்தப்பட்டனர். இந்த ஆய்வில் பங்கேற்ற ஆண்களின் ரத்தத்தில் மெலடோனின் அளவு 4 மடங்குக்கு மேல் அதிகரித்திருப்பது கண்டறியப்பட்டு உள்ளது. நம் உடலின் தூக்க சுழற்சியை கட்டுப்படுத்த மெலடோனின் உதவுகிறது என்பது குறிப்பிடத்தக்கது.

ஓட்மீல் : நள்ளிரவு நேரத்தில் பசிக்கும் போது வெதுவெதுப்பான சூட்டில் ஓட்மீலை தயார் செய்து சாப்பிடலாம். இதன் மேல் இலவங்கப்பட்டை மற்றும் உலர்ந்த பழங்களை சேர்த்து சாப்பிடலாம்.

யோகர்ட் : யோகர்ட்டில் கால்சியம் சிறந்த அளவில் நிறைந்துள்ளது. எலும்புகளை வலுவாக வைத்திருக்க உதவும் கால்சியமானது சிறந்த தூக்கத்திற்கும் உதவுகிறது. டிரிப்டோபான் என்ற அமினோ அமிலத்திலிருந்து மெலடோனின் தயாரிக்க நம் உடலுக்கு கால்சியம் தேவைப்படுகிறது.

முட்டைகள்: ஒரு பெரிய முட்டையில் 72 கலோரிகள் மட்டுமே உள்ளது. எனவே நீங்கள் பசியாக உணர்ந்தால் நன்கு வேகவைத்த முட்டைகளை இரவு நேரத்தில் சாப்பிடலாம். உங்கள் பசியைக் கட்டுப்படுத்தவும் முட்டைகள் உதவுகின்றன.

கிவி: கிவி பழங்கள் ஒரு திருப்திகரமான சிற்றுண்டியாகும், இதில் வைட்டமின் சி நிறைந்துள்ளது. 2 உரிக்கப்பட்ட கிவிகளில் 84 கலோரிகளை மட்டுமே உள்ளன மற்றும் இந்த பழங்கள் செரோடோனின் இயற்கையான மூலமாகும். ஆய்வு ஒன்றில் பங்கேற்றவர்களுக்கு இரவு படுக்க போகும் 1 மணி நேரத்திற்கு முன் 2 கிவி பழங்கள் சாப்பிட்ட கொடுக்கப்பட்டன. 1 மாதத்திற்கு பின் ஆய்வில் பங்கேற்றவர்கள் தூங்குவதற்கு ஆகும் நேரத்தில் 35% குறைந்துள்ளது கண்டறியப்பட்டது.

பூசணி விதைகள்: பூசணி விதைகளில் மெக்னீசியம் நிறைந்துள்ளது. பல ஆய்வுகளின்படி பூசணி விதைகளில் இருக்கும் மெக்னீசியம் சிறந்த தூக்கத்துடன் இணைக்கப்பட்டுள்ளது.

ட்ரெயில் மிக்ஸ் : உலர்ந்த பழங்கள் மற்றும் நட்ஸ்கள் உள்ளிட்டவற்றின் கலவையானது ஊட்டச்சத்துக்கள் நிறைந்தவை. இந்த மிக்ஸிங் தூக்கத்தை ஊக்குவிக்கும் ஊட்டச்சத்துக்களை கொண்டிருக்கின்றன. ஆனால் அதிகம் சாப்பிடாமல் மிதமாக எடுத்து கொள்வது நல்லது.

ஸ்ட்ராபெர்ரிக்கள்: ஸ்ட்ராபெர்ரிக்களில் கலோரிகள் குறைவு. எனவே உங்களுக்கு இரவு நேரத்தில் பசிக்கும் போது 1 அல்லது 2 கப் ஸ்ட்ராபெர்ரிகள் சாப்பிடுவது நிறைவாக உணர வழிவகுப்பதோடு தூக்கத்திற்கும் உதவும்.

பாதாம்கள் : பாதாம் மற்றும் வால்நட்ஸ் போன்ற நட்ஸ்களில் இயற்கையான மெலடோனின், புரதம் மற்றும் மெக்னீசியம் அடங்கி உள்ளன. இவை உங்களை திருப்தியாக உணரவைப்பதோடு தூக்கத்தையும் ஊக்குவிக்கும்.