Joint Pain Home Remedies : குளிர்காலத்தில் உண்டாகும் மூட்டு வலிக்கு இந்த 5 உணவுகள் உதவலாம்...

குளிர்காலத்தில் எலும்பு தொடர்பான பிரச்சனைகளை சந்திக்க நேரிடும். அதிலும் மூட்டு வலி என்பது பொதுவான ஒன்று. குறிப்பாக வீட்டில் உள்ள வயதானவர்கள் இந்த பிரச்சனையை அனுபவிக்கக் கூடும். இதை சரி செய்ய குளிர்காலத்தில் உங்கள் தினசரி உணவுடன் இந்த 5 உணவுப் பொருட்களையும் சேர்த்துக்கொள்வது நல்லது. அவை என்னென்ன பார்க்கலாம்.

பூண்டு: பூண்டு மூட்டு வலியிலிருந்து உங்களுக்கு பெரும் நிவாரணம் அளிக்க உதவுகிறது. பூண்டில் வைட்டமின்கள் ஏ, பி, சி, இரும்பு மற்றும் சல்பூரிக் அமிலம் போன்ற பல ஊட்டச்சத்துக்கள் உள்ளன. எனவே இது மூட்டு வலியைப் போக்க உதவுகிறது.

மஞ்சள் பால் : மூட்டு வலியிலிருந்து நிவாரணம் வழங்குவதில் மஞ்சள் பால் மிகவும் பயனுள்ளதாக இருக்கிறது. இது அழற்சி எதிர்ப்பு பண்புகளைக் கொண்டுள்ளது. மூட்டு வலி மற்றும் உடல் வலி ஆகியவற்றிலிருந்து உங்களுக்கு நிவாரணம் வழங்க உதவுகிறது.

பாதாம் கொட்டை: பாதாம் சாப்பிடுவதன் மூலம் மூட்டு வலியில் இருந்து நிவாரணம் பெறலாம். இதில் உள்ள ஒமேகா 3 கொழுப்பு அமிலங்கள் வீக்கம் மற்றும் கீல்வாதத்தின் அறிகுறிகளைக் குறைக்க உதவுகின்றன.

பனீர்: மூட்டு வலியிலிருந்து நிவாரணம் பெற பனீரையும் சாப்பிடலாம். இதில் கால்சியம், மெக்னீசியம், வைட்டமின்கள் மற்றும் இரும்புச்சத்து போன்றவை உள்ளன. இது எலும்புகளை வலுப்படுத்துவதுடன் நோய் எதிர்ப்பு சக்தியையும் பலப்படுத்துகிறது.

வெந்தயம் : மூட்டு வலியிலிருந்து நிவாரணம் தருவதில் வெந்தயம் மிகவும் பயனுள்ளதாக இருக்கும். இதில் உள்ள கால்சியம், இரும்பு, துத்தநாகம் மற்றும் வைட்டமின் சி போன்ற சத்துக்கள் எலும்புகள் மற்றும் மூட்டு வலியிலிருந்து நிவாரணம் அளிக்கின்றன.