பால் குடிக்கும்போது இந்த 4 உணவுகளை தவறி கூட சாப்பிடாதீங்க : ஆபத்தில் முடியலாம்..!

பால் குடிப்பது கால்சியம் சத்தை அதிகரிக்கும். அதுமட்டுமல்லாமல் புரோட்டீன் , பொட்டாசியம் , வைட்டமின் D , B12 ,A  என பல நன்மைகளை தரும் பாலை சரியான நேரத்தில் குடித்தால்தான் இத்தனை நன்மைகளும் கிடைக்கும். அதுவே தவறாகக் குடித்தால் உடல் நலத்திற்கே ஆபத்தை விளைவிக்கும்.

தயிர் சாப்பிட்ட பிறகு கூடவே பால் குடிக்கக் கூடாது. அப்படி சாப்பிட்டால் வாயுத் தொல்லை, குமட்டல், வாந்தி போன்ற உடல் உபாதைகளால் பாதிக்கப்படுவீர்கள். தயிர் அல்லது பால் எது சாப்பிடுவதாக இருந்தாலும் இரண்டிற்கும் குறைந்தது ஒரு மணி நேரம் இடைவேளை விட்டு சாப்பிடுங்கள்.

பாலுடன் வாழைப்பழம் சாப்பிடுவது உடல் நலத்திற்கு தீங்கு என்று ஆய்வுகளும் கூறுகின்றன. வாழைப்பழம் மட்டுமல்ல எந்த பழமாக இருந்தாலும் பாலுடன் சேர்த்து சாப்பிடுவதைத் தவிறுங்கள். குறிப்பாக அன்னாசி, ஆரஞ்சு போன்ற சிட்ரஸ் பழங்களுடன் சாப்பிடாதீர்கள். இவை செரிமாணத்தை பாதிக்கும்.

மீன் சாப்பிட்ட பிறகும் பால் குடிக்கக் கூடாது. அவ்வாறு குடித்தால் உணவே விஷமாக மாறி அலர்ஜியை உண்டாக்கும். தோல் பிரச்னை, ஒவ்வாமையை ஏற்படுத்தும்.

காரசாரமான உணவை சாப்பிட்டுவிட்டும் பால் குடிப்பது தவறு. அவ்வாறு குடிப்பதும் ஃபுட் பாய்சனாகும். எனவே ஒரு மணி நேர இடைவேளை அவசியம்.

எந்த உணவாக இருந்தாலும் பால் குடிப்பதாக இருந்தால் உண்ட உணவு செரிமானம் அடைந்ததாக நீங்கள் உணர்ந்த பின் பால் குடிப்பது ஆரோக்கியத்திற்கு நல்லது. இல்லையெனில் தேவையற்ற உடல் உபாதைகளை சந்திக்க நேரிடும்.