Curd : தயிரில் இருக்கும் ஆச்சரியமூட்டும் மருத்துவ குணங்கள்..! இந்த பிரச்னைகளுக்கும் வீட்டு வைத்தியமாகவும் பயன்படுத்தலாம்..!

சிலருக்கு மதிய உணவில் தயிர் கட்டாயம் இருக்க வேண்டும். சிலர் எப்போதாவதுதான் எடுத்துக்கொள்வார்கள். ஆனால் எதுவாயினும் தயிரினால் கிடைக்கும் நன்மைகள் ஏராளம். எனவே அதை தினமும் உட்கொள்வது சிறந்தது என ஆய்வு தெரிவிக்கிறது. அதோடி அதில் இருக்கும் சில நன்மைகளையும் கண்டறிந்துள்ளது. அவை என்னென்ன பார்க்கலாம்.

மதிய உணவில் நார்ச்சத்து, காய்கறிகள், பழ வகைகள், முழு தானியங்களுடன் தயிரையும் சேர்த்து சாப்பிடுவது இதய ஆரோக்கியத்திற்கு நல்லது என ஆய்வில் தெரிய வந்துள்ளது.

இந்த ஆய்வில் இரண்டு குழுக்களாக பிரித்து ஒரு குழுவிற்கு தயிர் தினமும் கொடுக்கப்பட்டுள்ளது. ஒரு குழுவிற்கு எப்போதாவது மட்டும் தயிர் உணவு வழங்கப்பட்டுள்ளது. பின் அவர்களை சோதனை நடத்தியதில் தினமும் தயிர் சாப்பிட்டவர்களுக்கு இதய நோய் , பக்கவாதம் வரும் பாதிப்பு 20 சதவீதம் குறைவாக இருந்துள்ளது.

அதோடு தயிர் சாப்பிடுவதால் மலச்சிக்கல், வயிற்றுப்போக்கு, செரிமானப்பிரச்னை போன்றவை இருக்காது. தயிரில் இருக்கும் பாக்டீரியா செரிமானத்தை தூண்டும் தன்மை கொண்டதால் தயிரை தாராளமாக சாப்பிடலாம் என்கிறது.

ஒரு கை அளவு தயிரை தலையில் தேய்த்து பின் குளித்துவிட தூக்கம் நன்ராக வரும் என்று சொல்லப்படுகிறது. பழச்சாறுக்கு இணையான நன்மைகள், விட்டமின் சி தயிரிலும் இருப்பதாக கண்டறியப்பட்டுள்ளது. சூரிய ஒளியால் பாதிக்கப்படும் நரம்பு , தோல் பாதிப்புகளையும் தயிர் சாப்பிடுவதால் தடுக்க முடியும் என்கிறது.

மஞ்சள்காமாலையின் போது தயிர் அல்லது மோரில் தேன் சிறிதளவு கலந்து சாப்பிடுவதால் நோயின் தீவிரத்தை கட்டுப்படுத்தலாம். மலம் கழித்த பின் குடலில் ஏற்படும் எரிச்சலை குறைக்க தயிரில் எலுமிச்சை சாறு கலந்து குடித்தால் சரியாகும் என்று சொல்லப்படுகிறது.