தயிருடன் இந்த உணவுகளை சேர்த்து சாப்பிடக் கூடாதாம்..! மீறினால் என்ன ஆகும் தெரியுமா..?

மதிய உணவில் தயிர் இல்லை எனில் அது முழுமையான விருந்தாக இருக்காது. சிலருக்கு மதிய உணவில் கட்டாயம் தயிர் இருக்க வேண்டும். இப்படி தயிர் சாப்பிடுவோர் ஒவ்வொரு விதமாக இருப்பார்கள். எதுவாயினும் தயிர் உட்கொள்வது உடலுக்கு ஆரோக்கியம்தான். ஆனால் அதேசமயம் தயிருடன் நாம் எந்த உணவு சாப்பிடுகிறோம் என்பதும் அவசியம். இல்லையெனில் உங்களுக்கு பிடித்த தயிர் உங்களுக்கே ஆபத்தாக முடியும். அப்படி தயிரோடு சேர்த்து சாப்பிடக்கூடாத உணவுகள் என்னென்ன பார்க்கலாம்.

வெங்காயம் : பலரும் தயிர் பச்சடி என்றாலே வெங்காயம்தான் சேர்ப்பார்கள். ஆனால் இது தவறான பொருத்தம் என்கின்றனர். அதாவது வெங்காயம் சூடான பொருள் தயிர் குளிர்ச்சி. இவை இரண்டும் ஒன்று சேர்ந்தால் அலர்ஜி, வயிற்றுக்கோளாறு, மந்த நிலையை உருவாக்கும் என்கின்றனர்.

மீன் : மீன் , தயிர் இரண்டுமே அதிக புரோட்டீன் நிறைந்தது. அந்த வகையில் இரண்டையும் ஒன்று சேர்க்கக் கூடாது. மீன் சைவம், மீன் அசைவம் என்பதால் இரண்டும் வெவ்வேறு வகையான புரோட்டீனைக் கொண்டிருக்கும். எனவே இது உடலில் பாதிப்பை உண்டாக்கலாம்.

பால் : தயிர் பாலிலிருந்துதான் உருவாகிறது என்றாலும் இரண்டையும் ஒரே நேரத்தில் உட்கொள்வது தவறு. இல்லையெனில் வயிற்றுப்போக்கு, வாயு, நெஞ்சு எரிச்சல், செரிமானமின்மை போன்ற பிரச்னைகளை சந்திப்பீர்கள்.

உளுந்து : டைம்ஸ் ஆஃப் இந்தியா பத்திரிக்கையில் குறிப்பிட்டுள்ளதுபடி தயிருடன் உளுந்து சேர்த்து சாப்பிட்டால் வயிற்றில் செரிமானப்பிரச்னை உண்டாகும். இதனால் வயிற்றுப்போக்கு, மந்த நிலை உருவாகும்.

எண்ணெய் உணவு : தயிருக்கு எண்ணெயில் வறுத்த , பொறித்த உணவுகளை சைட் டிஷ்ஷாக சாப்பிடக்கூடாது. குறிப்பாக நெய் ஊற்றிய உணவுகளையும் தொட்டுக்கொள்ளக் கூடாது.

மாம்பழம் : மாம்பழமும் தயிறுக்கு தவறான பொருத்தம் எனவே தயிரோடு மாம்பழம் சாப்பிடுவதையும் தவிருங்கள்.